اظن حضرتك اتاكدت من صدق كلامى الناس اللى اشتكت ده زى ما قلت كان فى بداية استخدام الفتيس ومكنوش عارفين طريقة استخدامه والدليل ان الشكاوى اختفت
ثانيا اللى اشتكى ما جابش سيرة الفتيس وبينقل كلام وبيقول ان صاحبه عمره ما رجب عربيه بالسوء ده اللى هيا لانسر 2005 1300 سى سى مع احترامى للانسر اللانسر مش هى اللى تتقارن بالكورولا وكمان اللانسر برقبتها كلام غير صحيح والهدف منها الشوشره والتسويس على السياره
وعلى فكره الكورولا من 2001 الى 2007 كان كل الناس بيقولوا العربيه دى فاشله محدش يشتريها وكنت بلاقيها منتشره مع انها كانت تعتبر غاليه وكانوا بيقولوا فاشله لانهم بيقولوا ثباتها وحش انا موافق على ان ثباتها اقل من المتوقع لسياره باسم كورولا ولكن الكورولا دى والله من انعم العربيات اللى ركبتها فى حياتى وعلى فكره انا ركبت عربيات كتير قوى خارج مصر ولكن الكورولا 2001 الى 2007 عربيه نعموتها زى الميركورى بالظبط ودى من اشهر السيارات بالنعومه والناس هولت فيها وخليتها بتعوم على 80 وحاجات غريبه ومع ذلك كانت منتشره وكمان خدت اكثر السيارات مبيعا فى الكون
انا طبعا بحترم حضرتك قوى لانك بتتكلم من غير خناقه زى ناس تانيه هنا فى المنتدى ولكن اللى مش عاجبنى ان حضرتك مسر تكون ضد الكورولا مع ان حضرتك تمتلك الياريس اللى هى تبع تويوتا
على فكره ان شاء الله لازم اجى المقابله الجايه واتعرف على حضرتك وكمان بالمره نشوف موضوع الكورولا الجديده دى