أنا مش فاهم ليه دايما أحنا المصريين بنحب نتكلم كتير :) الراجل فتح المقال بيسأل ايه رأيكم فى ال MMT يعنى المفروض اللي يجاوب يديله رأي سليم و معنى كده انه يكون مالك السيارة. أنا عندي العربية من شهر مارس و عامل أكتر من 8500 كيلو.
انا لسه كاتب رد فى موضوع تانى فى نفس الحكايه حانقله هنا:
اقتباس:
المشاركة الأصلية كتبت بواسطة tmrbaset
انا عندي العربية بقالها 8 شهور دلوقتى
بصراحه هيا ممتازة بس أكتر حاجه كانت مضايقانى فيها أول ما سوقتها هى الفتيس MMT بس بعد كده أكتشفت أنه كويس، ليه بقى؟؟
هو ايه مشكلته؟ انه مابيسحبش كويس؟؟ طب ماهو انت لو سايق فى وسط البلد مش عايز سحب أوي؟ أصلا اللي بيعمله انه بيغير النقلات تقريبا على 2500 RPM و ده فعلا بيوفر جامد فى البنزين.
طلعت عالدائري و عايز سحب؟؟ اقلبها SPort mode و حتنقل على 5000 و بتسحب جامد.
مش عاجبك ده ولا ده؟؟ أقلبها مانيوال و العب بمزاجك :)
لا أنا ماغيروش لا بمانوال ولا أوتوماتيك. اللي يفكر صح بدون ما يتسرع يلاقيه هو الأحسن و الأوفر خصوصا البنزين بقى ب 185 قرش
طبعا ده رأيي الشخصي ممكن ناس تانيه مايعجبهاش بس أنا شايف كده
و بعدين العربيه فيها كمية أوبشنز و إختراعات تخلى الواحد ينسى أصلا هيا فيها فتيس ولا لأ.
أتمنى أننى اكون وضحت الصورة
و بالنسبه للى كان بيسأل إزاي اشيل رجلى من عالبنزين لما تيجي تنقل؟؟!!! مين قاللك تشيل رجلك؟؟ انت مالكش دعوة هيا زي الأوتوماتيك بالضبط حتى لما تكون مايوال برضه من غير انت ماتعمل حاجه. انقل بس...