بخصوص شقه فى حدائق الاهرام

**Karim Alaa** · 02-06-2015 01:05 AM

السام عليكم يا شباب انا روحت و شوفت شقتين فى البوابه الاولى واحد قريبه اوى من البوابه 135 متر بس فى الخامس و حسب كلام صاحبها ان الدور موجود فى الرخصه عشان قال ايه فى 2 بدرو م و 4 ادوار :)

و الشقه التانيه فى شارع اسمه جاردينيا برضه نفس المساحه بس دور رابع (ارضى + 3) و قالى الدور موجود فى رخصه البناء و لو عايز تسجلب شهر عقارى سجل

طبعا مفيش عداد كهرباء فى العمارتين عشان بانى ادوار زياده

نصيحتكم ليا ايه اخد انهى واحده و اخد ولا ماخدوش هناك سعر الشقتين حسب كلامه 250000 و قابل للتفاوض يعنى قول 240 او 230 لسه متقاوضتش

سؤالى برضه شارع جاردينيا ده هعرف ادخل فيه التليفون الارضى ده شغلى و مينفعش مبيقاش عندى نت

اتمنى الافاده و شكرا ليكم

**zizo gamal** · 02-06-2015 03:32 AM

دور في البوابة الرابعة احسن و ربنا يوفقك ان شاء الله

**sas5** · 02-06-2015 10:56 AM

انا ساكن هناك من سنتين - الدور الرابع بعد الارضى مفيش مشكله - وشارع جاردينيا افضل به غاز وتليفونات - بس لازم يكون فيه عداد كهرباء وجراج منعا لاى مشاكل مستقبلا .
دعك من البوابه الرابعه والثالثه وخليك فى الاولى او الثانيه

**mody112** · 02-06-2015 12:19 PM

شوف الدور بيبقى فى الرخصة لو مكتوب فيها يعنى متبقاش دور خامس والرخصة فيها بدروم وارضى واربع ادوار وييجى هو يقولك ده رابع مكرر - لكن لو 2 بدروم وارضى واربعة كده يبقى تمام .
شارع جارينيا طبعا مميز جدا جدا وده فى اول الحدايق خاالص ومنطة ونس وخدمات وكده وكون مفيش عداد دى مشكلة فى الحدايق كلها سواء مخالف او غير مخالف -
ممكن تشوف حاجة بعداد بس هتبقى غالية شوية ودور واتعب شويتين هناك لان المدينة كبيرة جدا جدا والشقق هناك اشكال والوان وكل شقة تعجبك تاخد ورقها وتطلع على مقر الجمعية فى الحدايق او فى شامبيلون وتعرف ظروف العمارة واصحابها والتراخيص وكده .
وطبعا تستخير ربنا ولو عوزت اى حاجة هناك قولى وانا فى الخدمة .

**ali ashraf** · 02-06-2015 01:12 PM

فيه كشقق بالعداد كتيرة و سليمة و انا اشتريت شقة بالبوابة الثالثة منطقة ن بعداد سليم و مفيش مشاكل , و تخلى بالك ممكن يكون العداد و الحديدة راكبين و مع ذلك الشقة مخالفة , احسن حاجة تروح تسأل فى شركة الكهرباء فى الطالبية بشارع الهرم فى وحدة نصر الدين ( اللى تتبعها حدائق الاهرام) و تلاحظ عند اختيار الموقع يكون بعيد عن كابلات كهرباء الضغط العالى, بلاش الدور الاخير لأن منه للسطح و الشقة هتكون فرن فى الصيف و ثلاجة فى الشتاء.و بالتوفيق

**mk3** · 02-06-2015 02:38 PM

الحديق مغظمها مخالفه وان كانت مش مخالفه ارتفاع فمخالفه بروز او مناور فانت خد فادوار الرخصه عشان تبقى فى السليم
الرخصه احيانا جراج وبدروم واربع ادوار
واحيانا جراج و 2 بدروم و 4 ادوار

**Karim Alaa** · 02-06-2015 02:43 PM

تمام يا شباب يعنى لو الدور الى هخده فى الرخصه بس هو عامل دور زياده و الكهرباء مش هتدخل عدادات اخد عادى و اخد الرخصه و عقد الارض و اسجل فعلا ؟

السعر ايه نظامه ؟ كويس و لا فى احسن من كده متاكدين يا شباب هعرف ادخل تليفونات الموضوع ده حياه او موت بالنسبه ليا

و الف شكر لكل واحد رد و معلش هتعبكم شويه عشان ده شقى العمر :)