السلام عليكم ورحمه الله وبركاته
ارجو المساعده لاني تعبت
معايا لانسر 2004 اوتوماتيك
الموضوع ان اول الطلعه بتاعه السيارة مكتومه والصوت عالى جدا اكنى مركب فلتر رياضى
ولو شغلت المكيف بيبقى الطلعه ميته والصوت عالى لكن بعد كده لما تاخد سرعتها بتبقى زى الفل وايام الاقى العربيه كويسه نوعا ما بنسبه 70 % من الحالة المنيله دى يعنى فايقه شويه واقول الحمد لله ربنا هداها
اجى بعديها بيوم الاقى مكتومه تانى وساعات تفوق وساعات تبقى نيله
روحت كشفت كمبيوتر طلعلى ريبورت قالى حاجه فى دايره الهواء قولتله طب حساس ولا بوابه ولا ايه
قالى معرفش المهم قالى الجربه بتاعه الفلتر الهواء عندى مكسوره مش مدمره يعنى بس فيها كسر
قالى غير الجربه دى لانها هي الى بتكتب العربيه وبيدخل هواء وممكن تكون منها وبعدين نشوف
غيرت بواجى
منضف بخاخات
معرفش اعمل ايه المشكله دى معايا بقالها اكتر من سنه وجالى وسواس قهرى من الموضوع ده لدرجه انى اتخنقت انى اركب العربيه