محتاج رأيكم في العربية دي ماروتى فبريكه بره وجوه 1998

**abadahenno** · 02-06-2015 05:01 PM

السلام عليكم

لو سمحتم انا ان شا ء الله ناوي اجيب عربية

وشدني الاعلان دا

https://egypt.dubizzle.com/ar/gharbi...NlJnBhZ2U9MQ==

عنوان الاعلان بيقول انها ماروتي وفي التفاصيل التو !!

هي عبارة عن ايه بالظبط ؟

ويعني ايه هي كانت مرفوعة ؟

وهل سعرها مناسب ؟

وايه هي اكتر حاجة اخد بالي منها لما اعاين العربية ؟

معلش اسئلتي كتير وعشمي فيكم كبير

**Abo_Mazen** · 02-06-2015 07:48 PM

فين الآلتو اللي في التفاصيل دي ياباشا ؟؟؟...العربية ماروتي ماروتي يعني ..ولا حضرتك شفت شكلها قلت عليها التو زن ؟؟؟؟

**abadahenno** · 02-06-2015 07:51 PM

مرحبا يا ابو مازن

مكتوب في جدو ل التفاصيل

الموديل :سوزوكي ألتو

**Abo_Mazen** · 02-06-2015 10:05 PM

المشاركة الأصلية كتبت بواسطة abadahenno

مرحبا يا ابو مازن

مكتوب في جدو ل التفاصيل

الموديل :سوزوكي ألتو

دي غلطة من اللي عمل الإعلان ..لكن العربية كصور فهي ماروتي

**abadahenno** · 02-06-2015 10:40 PM

طيب ممكن حضرتك تجاوبني على اسئلتي :)

**Abo_Mazen** · 03-06-2015 09:22 AM

المشاركة الأصلية كتبت بواسطة abadahenno

طيب ممكن حضرتك تجاوبني على اسئلتي :)

عربية مرفوعه ..يعني كانت متخزنة ..يعني صاحبها كان راكنها مش بيستخدمها ..وده بيكون لسبب السفر مثلا أو لأي سبب تاني ..والكلمة دي بتستخدم ..اللي كلمة مرفوعه ..لإن دي أحد طرق تخزين السيارات ..رفعها على قوالب طوب مثلا مع فك الكاوتش ..وتشحيمها من الخارج ...بالنسبة لسعرها أنا شايف إن هو مبالغ فيه شوية ..يعني هي فيها زيادة بتاع 2000 جنيه مثلا ...بالنسبة بقى للحاجات اللي تخلي بالك منها وإنت بتفحص العربية ..فأنا شايف إن أول حاجه تعملها إنك تحط العربية على جهاز ضبط زوايا عشان لو فيه أي إختلاف في زوايا العربية أو أي مشاكل في زوايا الشاسيه تبان على الكمبيوتر ..وطبعا تبص كويس قوي على المدادات وعلى الركب وعلى فرد الشاسيه وعلى المكنه وتشوف بتعمل بخر ولا لأ ..هو عموما لو سمكري وميكانيكي يبصوا عليها كلا على حده يكون كويس

**abadahenno** · 03-06-2015 10:13 AM

متشكر جدا يا ابو مازن على رد حضرتك

في استفسار

تحط العربية على جهاز ضبط زوايا عشان لو فيه أي إختلاف في زوايا العربية أو أي مشاكل في زوايا الشاسيه تبان على الكمبيوتر

الاقيه فين الجهاز دا ؟

**Abo_Mazen** · 03-06-2015 10:42 AM

المشاركة الأصلية كتبت بواسطة abadahenno

متشكر جدا يا ابو مازن على رد حضرتك

في استفسار

الاقيه فين الجهاز دا ؟

اي حد بتاع ضبط زوايا بالكمبيوتر ..بس يكون عنده الجهاز الهانتر اللي من غير حبل ..في بنزينات كتييييييييييييير فيها الجهاز ده ..ممكن تسأل أي حد هنا في المنتدى يكون من طنطا يدلك ..لو عايز حد في إسكندرية أنا تحت أمرك