زرار زجاج الفيكترا b

**mouu8** · 03-06-2015 02:00 AM

رجالة انا عندى الاتنين القدام كهرباء مرة وحدة زرار الازاز السواق مش عايز لا ينزل ولا يطلع الازاز جربت اخبت عليه مره يطلع و عشره لاء ... اعمل ايه انا دلوقتى فى القصة ديه

**Ahmed_Gad** · 03-06-2015 02:53 AM

لو قصدك بتخبط عالباب ويشتغل حبة وحبة لأ يبقي تراجع علي فيشة مكنة الزجاج وتديها اسبراي مزيل صدأ وممكن تكون المكنة بتشيع
لو بتخبط عالزرار يبقي تراجع فيشة الزرار وبردو اديها اسبراي لو اشتغل تمام يبقي خلاص لو لأ يبقي تغير الزرار

**mouu8** · 03-06-2015 12:29 PM

اولا شكرا على رد حضرتك ثانياً انا بتكلم انى بخبط على الزرار مره يشتغل و عشرة لاء و الكلام دا لسة حاصل امبارح .. و حضرتك تقصد ارش اسبراى ايه و فين عشان انا اول مرة حعملها بس

**Abo_Mazen** · 03-06-2015 12:53 PM

المشاركة الأصلية كتبت بواسطة mouu8

اولا شكرا على رد حضرتك ثانياً انا بتكلم انى بخبط على الزرار مره يشتغل و عشرة لاء و الكلام دا لسة حاصل امبارح .. و حضرتك تقصد ارش اسبراى ايه و فين عشان انا اول مرة حعملها بس

هو لو هترش اسبراي رش الأكاي ..اللي بالزيت مش الجاف ..بلاش ال wd40

**mouu8** · 03-06-2015 01:34 PM

انا عارف الw40 بس معرفش النوع التانى و لو حرش الw40 ارشو فين بظبط

**Ahmed_Gad** · 04-06-2015 12:45 AM

السلام عليكم
بص ياسيدي انت هتفك الزرار هتلاقي فيه فيشة تحته هي دي هترشها اسبراي
ولو جاب نتيجة يبقي تمام ماجبش يبقي تجيب زرار
بالنسبة لنوع الاسبراي هتجيب akai زي صديقنا ماقالك بس نصيحتي تجيب akaiالجاف علبة لونها ازرق ماتجيبش اللي فيه زي عشان الزيت بيعمل عزل للكهرباء انما الجاف هينضف الاملاح والاوساخ بدون عزل

**Ahmed_Gad** · 04-06-2015 12:46 AM

صحيح نيت اقولك الاكاي دا هتجيبه من محل بيع اجزاء وصيانة كمبيوترات لانه بيستتخدم في صيانه الالكترونيات

**mouu8** · 05-06-2015 12:53 PM

رجالة انا عملت الزرار الحكدلله كان متوسخ من جوه المهم الازاز الى فى النحية التانية كان بيتلع من مكانو و انا بقفلو فقولت بلمرة اعملوه المهم عملتو اعد يوم و رجع تانى بردو بس يطلع لحد الربع كدا و ينزل لوحدو تانى الحل ايه بقة يا رجالة

**Ahmed_Gad** · 05-06-2015 07:43 PM

المشاركة الأصلية كتبت بواسطة mouu8

رجالة انا عملت الزرار الحكدلله كان متوسخ من جوه المهم الازاز الى فى النحية التانية كان بيتلع من مكانو و انا بقفلو فقولت بلمرة اعملوه المهم عملتو اعد يوم و رجع تانى بردو بس يطلع لحد الربع كدا و ينزل لوحدو تانى الحل ايه بقة يا رجالة

الله ينور بس نزول الازاز دا ممكن يبقي سببه الكاوتش فيه حاجة بتعوق الزجاج في الطلوع او مية جات عليه نتيجة غسيل وممكن يكون الكاوتش وحش