استفسار عن اشتراكات النوادي 2015

**A.Saad** · 08-06-2015 03:12 PM

ابعد عن وادى دجلة

**أبو آسر** · 08-06-2015 11:23 PM

المشاركة الأصلية كتبت بواسطة ramymechanics

نادى الزهور بالتجمع الخامس تقسيط مباشر ب 60 الف 20 مقدم و 20 بعد سنة و 20 بعد سنتين

بلاك بول نادى صغير جدا و كله ملاعب اسكواش بس و حمام سباحة صغير جدا

فى كمان بلاتينيوم بس دة قدام شوية بعد الجامعة الامريكية بنفس سعر الزهور بس معرفش نظام التقسيط و اللى اسمعه انه هيبقى جامد لكن كل المرافق فيه غالية جدا

أسمع عن نادي الزهور انه واسع جدااا ونضيف بس الأسعار غير كده المقدم 40 ألف و40 على سنتين
http://www.elzohourclub.com/index.ph...-54&Itemid=106

المشاركة الأصلية كتبت بواسطة a.saad

ابعد عن وادى دجلة

هو فعلا لسة مفيهوش مساجد لحد دلوقتي ؟ وهل فعلا السبب ان أصحابه مسيحيين ؟!
كلام سمعته وعايز أتأكد

**أبو آسر** · 08-06-2015 11:30 PM

https://www.youtube.com/watch?v=Xz-4AtMec28

**أبو آسر** · 09-06-2015 12:03 AM

المشاركة الأصلية كتبت بواسطة wawamoha

انا عضو في وادي دجله .... و فرع المعادي في مسجد كبير كمان ..
بصراحه النادي محترم - و عل الرغم من العيوب - بس انا شايف انها من اقل العيوب الموجوده
كمان حاجه مهمه جدااااااااااااااااااااااا اااااااااا:

في نوادي كتير في مصر بتكزن بؤره لادمان الشباب و الفتيات و النادي عباره عن غرزه و دعاره كبيره ... واكيد اغلبكم عارف الكلام ده

بصراحه وادي دجله منظم جدا و ما فيهوش الكالام ده .............. و كل طرقه فيها مشرف و مافيهوش اماكن مداريه..........الخ

بالنسبه للتقسيط عن طريق البنك - في منهم 5 بنوك اعتقد واحد منهم المصرف المتحد - المفروض انه اسلامي و بيكتب عقد اسلامي لان عنده لجنه شرعيه ...
انا فاهم و عارف ان اجراءات البنوك كلها واحده بسبب البنك المركزي .....
ربنا يوفقك

طيب ممكن حضرتك تعرفلنا أسعار الاشتراكات ايه ؟ يعني مقدم كام وقسط كام لمدة أد إيه ؟ وهل توجد إمكانية لتقسيط من غير أي بنوك ولا لأ
وهل الاشتراك يسري على كل الفروع ولا كل فرع ليه نظامه واشتراكه
وأكبر وأحسن فرع فين

**A.Saad** · 09-06-2015 07:41 PM

وادى دجلة :
فرع المعادى مشهر فى وزارة الشباب والرياضة
الباقى لا
ده هيفرق مع العضو فى ايه :
1 -
فى دجلة : لو حصلت مشكلة بين العضو والادارة او موظف الادارة بتوقف العضوية حسب ما تحدد بعد تحقيق مع العضو من الشئون القانونية فى النادى ومن حقها كمان تلغى العضوية .
فى النادى المشهر : وزارة الشباب والرياضة من خلال المديرية التابع ليها النادى هى اللى تفضل فى الموضوع . قبالتالى فيه حيادية اكتر .
فيه اعضاء عملوا جروب على الفيس علشان يحسنوا احوال النادى وخدوا ايقاف والايقاف يعنى ممنوع دخول النادى هو والاعضاء التابعين من الزوجة والاولاد حتى التدريب الرياضى ليهم

تانى نقطة فى الاشهار بعد وفاة العضو الاعضاء التابعين بيورثوا العضوية وتتنقل لهم
دجلة مفيش الكلام ، العضوية تتنتهى بوفاة العضو
الاشهار للاولاد لو بلغوا سن الرشد بيكون 10 % من سعر العضوية الحالية
النوادى التانية اقصاه 5 الاف جنيه
يعنى اكتر من الضعف لكل ابن او ابنه

تالت نقطة فى الاشهار
النادى المشهر ما يقدرش يبيع ارضه او مبانيه الا بموافقة الشباب والرياضة
دجلة ممكن بكرة يتباع عادى والادارة الجديدة تغير لوائح وقوانين واسعار براحتها

رابع نقطة
المشهر فيه جمعية عامة ومجلس منتخب
والجمعية تتكلم فى تشغيل الكافيتريات ، الاسعار للاشتراكات والفصل وغيره
الكلام ده مش فى دجلة خالص
المجلس بيتعين من خلال مالك النادى اللى هو شركة دجلة للاستثمار وانت متعرفش اى حاجة عن الكلام ده

2 - المطاعم والاكل :
دجلة ممنوع تجيب اكل من بره ، ومفيش اى مطعم زى ماك ولا كنتاكى يفتح جوه ، اسعار الغدا جوة زى المطاعم ال 4 نجوم على الاقل يعنى ساندويتش اللحوم بحوال 15- 20 والبيتزا كذلك . الكانز بحوالى 4 او 5 .
لو حضرتك حبيت تتغدى مع الاسرة شوف هتدفع كام ؟؟؟؟

3- اسعار تدريبات الاطفال :
المقارنة مع النوادى التانية هتعرف ان اسعار دجلة اضعاف النوادى الاخرى

4 -الزحام :
جرب حضرتك تروح دجلة اى عطلة نهاية اسبوع بعد العصر
وتحدى لو لقيت كرسى
او عرفت تدخل ساونا او جيم
الجيم
دجلة بيجيب اجهزة كويسة اه
بس الصيانة مفيش
فيه اجهزة ممكن تعطل بالشهور وتسبب زحام
فرع اكتوبر 1 فيه مشايات عطلانة من الشتا
فرع اكتوبر حوالى سنة والاجهزة الاساسية ناقصة

كمان فرع اكتوبر 1 له قرار ازالة من جهاز المدينة لمخالفة شروط البناء

-

الموضوع: استفسار عن اشتراكات النوادي 2015

LinkBack

أدوات الموضوع

عرض

-

-

-

-

-

المواضيع المتشابهه

استفسار : رينو لوجان 2015 ولا شيفروليه لانوس 2015

دخول النوادي

النوادي الجديدة

اشتراكات النوادي الرياضيه في مصر

الكلمات الدلالية لهذا الموضوع

المفضلات

المفضلات

ضوابط المشاركة