هوا الواحد ممكن يرفع قضيه على الحكومه!!!؟

**Tmhami** · 03-06-2015 02:35 PM

السلام عليكم
عندى أسفسار غريب شويه
هوا الواحد ممكن يرفع قضيه على هيئه الطرق علشان هىا مش يتلتزم بمعايير معينه فى الطرق زى السفلته الصح أو البلاعات ألعاليه ألى فى نصف الطريق أو الحفر و المطبات ألى مش باينه
و هل ممكن نطلب تعويض عن الأضرار الماديه ألى بندفعها علشان نصلح العربيه

ولو ينفع ,طب أيه هىا الاجرائات و لو حد يعرف محامى يبدأ فى الموضوع ده

**ENG.MaRk** · 03-06-2015 03:12 PM

مصاريف علي الفاضي و أتعاب محاماة و إجراءات كتير ملهاش لزمة ف بلاش أحسن :)

**Karim Alaa** · 03-06-2015 03:26 PM

قانونا اه ممكن بس غالبا هتخسرها عشان هيجيبولك تقارير انهم استلموها صح و الناس هى الى بوظتها و لف و دور عشرات السنين و هات المقاول و سيب المقاول جيب الوزاره سيب الوزاره و درجات تقاضى و القاضى نفسه هيبقى مستهيف الموضوع

**بحار** · 03-06-2015 03:42 PM

فى بلدنا الحكومه هى ( الفتوة الكبير ) .. محدش يقدر ياخد حق ولا باطل معاه ..
لو ليك مثلا الف عندهم اجرى ولف ومش هاتطوله .. انما لو ليهم جنيه عندك هاتجرى انته وتدفع رشوة علشان يقبلوه منك
وهاتدفع فوقه كمان حق الحاجه الساقعه للمحضر اللى جابلك انذار مكتوب فيه وقعتك سوده لو ماسددتش ..
مش بعيد لو اشتكيت بخصوص الطريق يجيبو تقارير ويشكلو لجان شغلتها اثبات انك السبب فى خراب جميع طرق المحروسه !!

**friendship7897** · 03-06-2015 03:58 PM

دا سوء إستخدام يا سيد
أنت اللي لازم تعرف تسوق بين المطبات والبلاعات
ما هو لو كل واحد ممنا مشي في شارع ضلمة .. العيب فينا أحنا
علشان لو كل مواطن مسك شمعة الشارع كله هيبقى منور
وعدي علينا بكرة يا سيد
أنا مش بحبطك ... بس للأسف هي دي الحقيقة المرة
دايماً العيب فينا مش في الحكومة

**ayaamna** · 03-06-2015 05:20 PM

دا دليل على ان المصرى مؤمن
لان المؤمن مبتلى
واحنا عندنا بلاوى
ولا حول ولا قوة الا بالله
اللهم اكشف الغمه عن مصر وجميع بلاد المسلمين

**Tmhami** · 03-06-2015 05:27 PM

طب الحل أيه؟
نبيع عربياتنا و نجيب تكاتك أحسن

أحيانا بحس ان لو المسئول حس أن فيه حد حيحسبوه ( على الأقل حيتجاب سيرته فى قضيه ) فممكن يخاف و يشوف شغله صح

أشمعنى أحنا بنشتغل و بيطلع عنينا فى الشغل و أى غلطه بنتحاسب عليها ( طبعا علشان قطاع خاص)

**mmolazem** · 03-06-2015 05:28 PM

بلاش.

**Mecha** · 03-06-2015 05:29 PM

ايوه ينفع ,الجهة القضائيه المختصه هي مجلس الدوله في نزاعات ضد الحكومة ,ويمكن تفاجئ ان الحكومة بتخسر معظم القضايا المرفوعة عليها . لكن بتلاخي او تهمل تنفيذ الاحكام.ويدافع عن الحكومة هيئة قضايا الدوله.

**Tmhami** · 03-06-2015 05:29 PM

طب ممكن مثلا لو فيه عدد كبير أتجمع و عملوا محاضر جماعيه علشان شارع معين فيه مشاكل كذا و كذا و أن ده يعتبر أهدار مال عام و نطلب تعويض مادى

الموضوع: هوا الواحد ممكن يرفع قضيه على الحكومه!!!؟

LinkBack

أدوات الموضوع

عرض

-

-

-

المواضيع المتشابهه

هو الواحد ممكن يلاقى عروسه فين

تعاون بين الحكومه المصريه و الحكومه الكوريه في مجال صيانه السيارات الكوريه

هو ممكن البايك يرفع على النجيله ؟؟؟؟؟

هل ممكن نرفع قضيه ونخلي ال 2 ترخيص علي العربيات اللي اكتر من 4 سيليندر؟

يا ترى الواحد ممكن يلاقي a5 زيرو فين؟

الكلمات الدلالية لهذا الموضوع

المفضلات

المفضلات

ضوابط المشاركة