الموضوع: إلى خبراء كاوتش الكومهو

انا عايز اغير كاوتش لعربيتي تريوس 2009 4*4
احسن سعر سمعته من المحلات كان من توكيل كومهو اللى فى شبرا
و كان 600 جنيه للفردة
انا المقاس بتاعي 215/65 r16
هل حد عنده فكرة الفردة دى فى المقاس ده كويسة و لا لأ؟ و ايه موضوع اكستا و سولس ده؟
و هل فى بدائل افضل فى المقاس ده و فى نفس رينج السعر؟
و شكرا لكل من يتفضل بمعلومة

المشاركة الأصلية كتبت بواسطة gmslem

الكومهو اكيستا اس بي تي. ،،،،، كاوتش رياضي محترم جدااااا عن تجربة ،،، ولا تركب غيره ابداااا و السعر مناسب جدااا ،،، انا كنت عندهم امبارح و اشتريت طقم ١٥. ممتاز ،،، بالتوفيق

ياه اخيرا رد بعد 132 مشاهدة و يأس ان حد يديني معلومة
الف شكر يا باشا
افهم من كده ان المقاس اللى انا عايزة موجود منه اكستا اس بي تي؟

المشاركة الأصلية كتبت بواسطة gmslem

الكومهو اكيستا اس بي تي. ،،،،، كاوتش رياضي محترم جدااااا عن تجربة ،،، ولا تركب غيره ابداااا و السعر مناسب جدااا ،،، انا كنت عندهم امبارح و اشتريت طقم ١٥. ممتاز ،،، بالتوفيق

مبروك على الكاوتش من فضلك المقاس والسعر لأنى عايز أجيب طقم 15 * 195 * 65

وفين المكان بالضبط

انا سألت لقيت المقاس ده فى منه سولاس kl 21 و kh 17
ايه الفرق بينهم

المشاركة الأصلية كتبت بواسطة MMamdouh

احسن اسعار للكومهو هتلاقيها اما فى الوكيل او عند سمير بيومى

معتقدش فى المقاس دة هتلاقى SPT

الKH 17 هو السولس... مش قد كدة مقارنة بالSPT بس انت معندكش اختيار للSPT فى المقاس دة

الKL 21 اول مرة اسمع عنة فا مقدرش افتى فيه بس هو نقشتة مش رياضية... غالبا هيبقى زى السولس مش فارق كتير

MMamdouh

يا ممدوح باشا شرفت موضوعى بردك
انا قعدت اقرأ كتير و لقيت الفرق بين ال kh و ال kl ان ال kl معمول لل SUVs فى حين ال kh للسيدان و الاتنين فيهم المقاس بتاعي. ال kl كمان بينزل استوك فى حاجات زي الجراند شيروكي و انا شوفته فعلا فى عربية هنا فى مصر. و كمان شوفت ال kh فى النترا اخر شيب.
هل عندك فكرة عن بدايل كويسة من نفس المقاس في ماركات تانية في نفس رينج السعر او ازيد حاجة بسيطة؟ لان اللي محيرني إنه زيه زي أي حاجة في اختلاف عليه... ال kl ناس في الريفيوز تقولك كويس و ناس تقول وحش. مع ان فى احد الريفيوز اخ شقيق من جنوب افريقيا قال انه عمل بال kl اكتر من 100 الف و كان زينا بيشتكي من رداءة الطرق :-)
مشكلة المقاس ده انه غبي يعني سمير بيومى بجلالة قدره معندوش حاجة وسط يعني يال kl21 يا اما البريدجستون ابو 900 الفردة

حاجة كمان يا ممدوح بك
انت بتقولى ال kl نقشته مش رياضية... طيب ده تأثيره إيه عليا مع العلم ان انا سواقتي مش رياضية يعنى اخرى فى السرعة 120 و سواقتي هادية و يمكن عشان كدة التيريوس بالنسبة لي إختيار مناسب لطبيعة سواقتي مقارنة بال benefits بتاعة سواقة عربية عالية