السلام عليكم ورحمة الله وبركاته
الموضوع موجه بشكل أكبر لمالكي السيارة سانديرو 2015 أو من قام بتجربتها
خاصة وأن المواصفات الفنية للسيارة موجودة ومتوفرة للجميع في كثير من صفحات المنتدى
ولكن ماذا عن التجربة الفعلية للسيارة ؟
أود الإستفسار عن عدة أمور في السيارة سانديرو 2015
- هل تعتبر صفقة جيدة في المجمل ؟
نعم صفقه رابحه و قيمه مقابل تمنها
- ثبات السيارة في السرعات حتى 140 كم/س
جربت لغايه 130 كم و كان الثبات كويس و الدريكسين تقيل و حلو
- سحب السيارة وخاصة الاوتوماتيك 110 حصان
سحب السيارة كسيارة اوروبى كويس كموتور 110 حصان 16 صمام ( و بقول كسيارة اوروبى ) لان فى خطاء كبير بيقع فيه الناس لما بيقارنو سحب الاوروبى مع سحب الكورى ( دى ثقافه و دى ثقافه تانيه ) و كمثال الاوروبى عايز تسحب بالعربيه تدوس على الدواسه بمقدار ما تريده من سحب اما الكورى يدوب تلمس البدال بيطير - مثال حى سحب الاوكتافيا A5 - ممكن تسال اصحاب الاوكتافيا A5 ِ
- عزل الصوت في السيارة
العزل جيد ( 8/10 ) و دة لانه كويس جدا لغايه سرعه 110 اما بعد كدة لو فيه هوا فالعزل مبيكونش قد كدة بس فى المجمل مقبول
- تقفيل السيارة هل هو سئ لدرجة كبيرة ومنفرة أم مقبول ؟
تقفيل السيارة جيد ( 8/10 ) , و مقبول بوجه عام
- صوت الموتور هل هو مرتفع لدرجة كبيرة ومنفر أم مقبول أم منخفض ؟
صوت الموتور الناس حتشوفه عالى و دة برضو لانهم بيقارنوه بالكورى و اليابانى و دة برضه غلط - انا بسافر فرنسا كتير و صوت الموتور زى اى عربيه هناك سواء بيجو او سيترويين او رينو - بس هووة كاوروبى مش عالى و مقبول
- تكييف السيارة وهل يؤثر على سحب السيارة ؟
لا يوثر التكييف على السحب لان الموتور 110 حصان و محستش ابدا بكدة
- الفرامل هل جيدة أم ضعيفة ؟
الفرامل ممتازة
شكرا لكم
المفضلات