عرض للطباعة
دلوقتی يا جماعة معظم مزيلات العرق فيها كحول وأنا خلاص مبقتش أستعمله والنوع التانی الخالی من الكحول مضاد للتعرق وده من الناحية الطبية سيئ للغاية وطبعا ما ينفعش ما استخدمش مزيل خصوصا فی الصيف فهل حد عنده أی بديل تانی أو حل للموضوع ده
أشيروا علی جزاكم الله خيرا.
كريم فيبكس افضل حل بيخليك تعرق عادي جدا لكن بدون رائحة وبيستمر اسبوع انصحك بيه
بض هو فيه حاجات طبيعية بتمنع رائحة العرق، زي مية الخيار، وواحد صيدلي كان قايلي على شبّة ناعمة بتاخد بصباغك شوية صغيرين وبتحطهم تحت الإبط مثلا
حضرتك جربته شخصيا أصلی رحت أشتريه الصيدلی قالی لأ ماتخدوش ﻷن كذا حد استعمله عمله التهاب ونتوءات فی الجلد وقالی ده حالات فردية مبتحصلش مع كل الناس فأنا الحقيقة خفت منهاقتباس:
المشاركة الأصلية كتبت بواسطة accord
طيب الشبة الناعمة موجودة فی الصيدلية؟اقتباس:
المشاركة الأصلية كتبت بواسطة mikho83
بستعمله من زمان وعملي جدا وبنسي معاه العرق وريحة العرق والحمد لله مفيش اي التهابات ولا نتوءات ولا اي حاجة بس لازم يستخدم بعد الدش على نضافة وبيستمر اسبوع تقريبا بصراحة ممتازاقتباس:
المشاركة الأصلية كتبت بواسطة امجد مروان 454
المﻻبس الداخلية قطنية والفانﻻت تكون نص كم.. التغيير مرة كل 12 ساعة فى الصيف انا بستعمل بنتوفات من انتاج جﻻكسو سميث كﻻين كريم طبقة خفيفة على اى مكان هيتظبط الوضع يعنى المﻻ بس الدخلية والشراب هتقلعها تقريبا حالتها زى مالبستها.. وفى بيتادين كريم مطهر ومنضف للجلد من البكتريا
متحطش الفيبكس بعد حلاقة او نزع شعر الإبط مباشرة ..لإن مسام الجلد بتكون مفتحه ..لازم بعديها ب 24 ساعه ..غير كده استخدمه براحتك ..خلي بالك ..ما تستخدموش بعد حلاقة أو نزع شعر مباشرةاقتباس:
المشاركة الأصلية كتبت بواسطة امجد مروان 454
مضادات التعرق مش خطر عالصحة و لا بتاع
شوية بوستات انتشرت عالنت بتقول انها بتجيب سرطان ثدي
الجمعية الامريكية للسرطان و المؤسسة الامريكية للسرطان الاتنين نفوا الكلام ده شكلا و مضمونا
انا باستعمل مضادات تعرق من اكتر من 15 سنة و الحمد لله ما حصلليش حاجة
و اما جربت مزيلات رائحة العرق ما ارتحتش عليها
الشبة ممتازة جدا
بتتباع عند العطار بتكون كتله كده فى كباية صغيره بـ 1.5 جنيه فقط
وبتستخدم بعد ما تاخد دش أو بعد الحلاقة
جيليت ستيك او اديداس .. بس يكون مستورد
بستخدم نيفيا بقالى سنين ومفيش مشاكل
انا كنت ناوى اخلص جيليت مضاد التعرق ومجبوش تانى عشان مواضيع السرطانات وحتى لو مش بيجيب سرطان ....اكيد اما تمنع خروج العرق خطر
بالنسبة لمضادات التعرق أو antiperspirant ده حاجة مش كويسة تماما
وفعلا مفيش أبحاث وأدلة قطعية فی الوقت الحالی علی تورطها فی سرطان الثدی ومرض الزهيمر ولكن فی شكوك كتير بتحوم حواليها والموضوع مش مريح وممكن فی ای وقت حد يثبت دورها .
حتی لما كنا فی الكلية الدكتور قالنا حاجة بتقفل القنوات العرقية وبتحبس العرق اللی مليان سموم داخل الجسم وفی منطقة مليانة عقد ليمفاية ومن اخطر المناطق يبقی اكيد _حتی لو مفيش ابحاث حاليا عنها_انها مش تمام
وانا بنصح اللی معندش مشكلة من الالكحول وبيستخدمه عادی يستعمل deoderant
نيفيا كويس
أنا بستخدم فيبكس من سنين بصراحه رائع
وتانى حاجه مش بيمنع التعرق وده مهم جدا
هو بيقضى على البكتيريا اللى فى العرق اللى بتسبب الريحه
جربه هوتقريبا ب8ج
ايه رايكم فى ريكسونا هل هو مانع
أنا بستخدم فيبكس من فترة قليلة !
وشايف انه ممتاز لأكتر من سبب
أولا مبيمنعش تماما العرق ودي حاجة كويسة يعني مبيسدش المسام خالص
ثانيا بيستمر وقت طويل جدا اليوم كله معايا ومجربتش أكتر لأني بحطه كل يوم مرة
مبيعملش أي ريحة بل بالعكس ريحة العرق بتبقى حلوة !!
محسيتش بأي مشاكل جلدية لحد دلوقت
هاته وبلاش تتشتت كتير هو رخيص وحلو جدا
لو عايز بقى حاجات غالية وصعبة تلاقيها ف مصر عندك نوعين
old spice و جيليت
على فكرة بعد بحث ضخم جدا مني توصلت للنتائج دي
لآزم تبعد تماما عن نيفيا وايفيا وفا
أكس مش وحش بس مبيفضلش وقت طويل
ليه بطلت تستعمله ؟اقتباس:
المشاركة الأصلية كتبت بواسطة امجد مروان 454
ـ
أنا كنت هجيب فيبكس فعلا بس الصيدلی حذرنی منه وكمان لقيته رخيص فتخوفت منه بس بما ان اكتر من عضو بيستخدمه فخلاص هاجربه وربنا يستر وبالنسبة للفلوس مش فارقة معايا حتی لو 200 ج بس يكون كويساقتباس:
المشاركة الأصلية كتبت بواسطة mahmoud naguib
بطلت استعمله لسبب شرعی وليس لسبب طبیاقتباس:
المشاركة الأصلية كتبت بواسطة ahmed1981
وهو نجاسة الخمر وإزالة ما أصاب الثياب منها سألت فی الأمر كتير من اهل العلم وبحثت فی الموضوع بغزارة موصلتش لرای قاطع وذكروا ان فيه خلاف علی نجاسة الخمر هل هی حسية ام معنوية؟ وهل نوع الألكحول الموجود فی العطور واشباهه يسكر او لا يسكر ؟ فبالتالی اهل الصيدلة والكيمياء هم اللی هيحسموا الامر لكن محدش افاد بحاجة وهما كمان اختلفوا ولكن الأمر اللی اجمع عليه العلماء هو انه من الافضل التنزه عن وضع الكحول فالموضوع فيه خلاف وانا اخدت بما اطمئن اليه قلبی ولا استطيع ان انكر علی من يستخدمه وده جزء من كلام ابن عثيمين
(.ولكنی مع هذا لا أستعمل هذه الأطياب (الكولونيا) ولا أنهى عنها، إلا إذا أنه أصابني شيء من الجروح أو شبهها واحتجت إلى ذلك فإني أستعمله لأن الاشتباه يزول حكمه مع الحاجة إلى هذا الشيء المشتبه، فإن الحاجة أمر يدعو إلى الفعل، والاشتباه إنما يدعو إلى الترك على سبيل التورع والاحتياط، ولا ينبغي للإنسان أن يحرم نفسه شيئاً احتاج إليه وهو لم يجزم بمنعه وتحريمه، وقد ذكر أهل العلم هذه القاعدة بأن المشتبه إذا احتاج إليه فإنه يزول حكم الاشتباه، والله أعلم.)
تمام ربنا يباركلكاقتباس:
المشاركة الأصلية كتبت بواسطة امجد مروان 454
هو خلاف بين أهل العلمولا يوجد فيه إجماع في الحكم
ومسألة التنزه هي مسألة شخصية وليست حكم وليس فيها إجماعأنا كنت بسألك بتأكد إن عندك خلفية عن إن المسألة فيها سعة فقط ومش محسومة
ـ
بس فيبكس هو كريم ولا سبراى؟
كريم فيبكس طبعا ..........
و له نسخه بتتصدر للخليج بريحه العود تحفه
كريماقتباس:
المشاركة الأصلية كتبت بواسطة gade2
عن تجربة يعنی كويس ومش بيعمل مشاكل ؟اقتباس:
المشاركة الأصلية كتبت بواسطة wawamoha
واسمها ايه النسخة بتاعة العود؟
الشبة حل ممتاز و ليس لها رائحة و تستمر .
لكن إسمحلى أسأل إيه مشكلتك مع المنتجات المحتوية على الكحول .حساسية مثلا و لا حاجة تانية
عموما فى نوع ممتاز من جيليت زى الجل ممكن تستعمله مرة فى الأسبوع و فعال . هو يحتوى على الشبة أيضا بس معرفش فيه كحول و لا مافيش . أنا أستعمله دون الإلتفات للمكونات
لأ مش حساسية ده لسبب شرعی زی ما ذكرت فی كومنت قبل كدهاقتباس:
المشاركة الأصلية كتبت بواسطة ahmedwagdy03
طيب حد سمع عن حاجة اسمها حجر المسك ؟
انا سألت عليه عند محل عطور مش عنده
الفيبكس كويس جدا
وكنت شوفت حلقه للدكتور عبد الباسط .. كان بيقول عن البنسلين مرهم العين.. قال انه بيقضى على البكتريا المسببه لرائحه العرق استخدمته فتره وكان كويس .. لكن الفيبكس ميزته انه بيقعد فتره طويله والافضل دائما الاستخدام بعد الحمام
البنسلين ممكن يموتك لو عندك حساسية منهاقتباس:
المشاركة الأصلية كتبت بواسطة طارق _عبد السلام