استشارة فی مزيل العرق

**امجد مروان 454** · 04-06-2015 04:07 PM

دلوقتی يا جماعة معظم مزيلات العرق فيها كحول وأنا خلاص مبقتش أستعمله والنوع التانی الخالی من الكحول مضاد للتعرق وده من الناحية الطبية سيئ للغاية وطبعا ما ينفعش ما استخدمش مزيل خصوصا فی الصيف فهل حد عنده أی بديل تانی أو حل للموضوع ده
أشيروا علی جزاكم الله خيرا.

**accord** · 04-06-2015 05:31 PM

كريم فيبكس افضل حل بيخليك تعرق عادي جدا لكن بدون رائحة وبيستمر اسبوع انصحك بيه

**mikho83** · 04-06-2015 06:13 PM

بض هو فيه حاجات طبيعية بتمنع رائحة العرق، زي مية الخيار، وواحد صيدلي كان قايلي على شبّة ناعمة بتاخد بصباغك شوية صغيرين وبتحطهم تحت الإبط مثلا

**امجد مروان 454** · 04-06-2015 06:29 PM

المشاركة الأصلية كتبت بواسطة accord

كريم فيبكس افضل حل بيخليك تعرق عادي جدا لكن بدون رائحة وبيستمر اسبوع انصحك بيه

حضرتك جربته شخصيا أصلی رحت أشتريه الصيدلی قالی لأ ماتخدوش ﻷن كذا حد استعمله عمله التهاب ونتوءات فی الجلد وقالی ده حالات فردية مبتحصلش مع كل الناس فأنا الحقيقة خفت منه

**امجد مروان 454** · 04-06-2015 06:31 PM

المشاركة الأصلية كتبت بواسطة mikho83

بض هو فيه حاجات طبيعية بتمنع رائحة العرق، زي مية الخيار، وواحد صيدلي كان قايلي على شبّة ناعمة بتاخد بصباغك شوية صغيرين وبتحطهم تحت الإبط مثلا

طيب الشبة الناعمة موجودة فی الصيدلية؟

**Hobgoblin** · 04-06-2015 07:34 PM

De Odor Works - A Reusable, Safe, and Natural Solution for Body Odor

Deodorant

How to Make All Natural Deodorant: 10 Steps - wikiHow

**accord** · 04-06-2015 10:20 PM

المشاركة الأصلية كتبت بواسطة امجد مروان 454

حضرتك جربته شخصيا أصلی رحت أشتريه الصيدلی قالی لأ ماتخدوش ﻷن كذا حد استعمله عمله التهاب ونتوءات فی الجلد وقالی ده حالات فردية مبتحصلش مع كل الناس فأنا الحقيقة خفت منه

بستعمله من زمان وعملي جدا وبنسي معاه العرق وريحة العرق والحمد لله مفيش اي التهابات ولا نتوءات ولا اي حاجة بس لازم يستخدم بعد الدش على نضافة وبيستمر اسبوع تقريبا بصراحة ممتاز

**عﻻء سالمان** · 04-06-2015 10:52 PM

المﻻبس الداخلية قطنية والفانﻻت تكون نص كم.. التغيير مرة كل 12 ساعة فى الصيف انا بستعمل بنتوفات من انتاج جﻻكسو سميث كﻻين كريم طبقة خفيفة على اى مكان هيتظبط الوضع يعنى المﻻ بس الدخلية والشراب هتقلعها تقريبا حالتها زى مالبستها.. وفى بيتادين كريم مطهر ومنضف للجلد من البكتريا

**Abo_Mazen** · 04-06-2015 10:58 PM

المشاركة الأصلية كتبت بواسطة امجد مروان 454

حضرتك جربته شخصيا أصلی رحت أشتريه الصيدلی قالی لأ ماتخدوش ﻷن كذا حد استعمله عمله التهاب ونتوءات فی الجلد وقالی ده حالات فردية مبتحصلش مع كل الناس فأنا الحقيقة خفت منه

متحطش الفيبكس بعد حلاقة او نزع شعر الإبط مباشرة ..لإن مسام الجلد بتكون مفتحه ..لازم بعديها ب 24 ساعه ..غير كده استخدمه براحتك ..خلي بالك ..ما تستخدموش بعد حلاقة أو نزع شعر مباشرة

**أحمد كمال** · 04-06-2015 11:02 PM

مضادات التعرق مش خطر عالصحة و لا بتاع

شوية بوستات انتشرت عالنت بتقول انها بتجيب سرطان ثدي

الجمعية الامريكية للسرطان و المؤسسة الامريكية للسرطان الاتنين نفوا الكلام ده شكلا و مضمونا

انا باستعمل مضادات تعرق من اكتر من 15 سنة و الحمد لله ما حصلليش حاجة

و اما جربت مزيلات رائحة العرق ما ارتحتش عليها