الموضوع: رغم ان الناس قالوا كتير وعادوا وزادو ...لكن هقول اول 300 كيلو مع زيت زادو

أنا ما جربتش من الزيوت إلا اللي اخترتهم بناء على مواصفات الكتالوج بتاع عربيتي.. وكانوا ممتازين جدا لإني اخترت صح طبقا للكتالوج.. وبدون الرجوع لأي آراء أخرى.. لإن الكتالوج هو مرجعي الوحيد.


علشان أكون واضح وصريح... اعتراضي مش على الزيت... إنما اعتراضي أساسا على الـApproach اللي بنستخدمه في التعامل مع الزيوت..


يا دكتور عماد.. أنا مش بستعرض معلوماتي والله... أنا بحاول أؤسس لمبدأ رئيسي للتعامل مع الزيوت وأي مستحضرات تانية.. هو إننا نرجع للمصادر الموثوقة .. مش للتجارب من ناس غير متخصصين.

باختصار.. تجارب الآخرين لا تعنيني في شيء لإن فيه متغيرات كتير قوي داخلة فيها.. أولها مدى معرفة الشخص اللي بيجرب بالحد الأدنى من المعلومات الكافية عن الزيوت... ودي لوحدها لو مش متوفرة تهدم التجربة من أساسها.

ده غير حالة السيارة وحالة الجو وطريقة الاستخدام وحاجات تانية كتير.


هل حضرتك تقبل (بصفتك استشاري أمراض نساء وتوليد) إن حد يجرب مثلا المغامرة بأسلوب تغذية للأم الحامل بناء على تجربة أحد معارفه بدون معرفة حالة الأم الصحية واحتياجها الفعلي للعناصر الغذائية اللازمة لحالتها؟؟؟

ده بالضبط وجه اعتراضي... كل عربية ليها كتالوج .. وصانع العربية وصى بمواصفات معينة.. وما قالش تشتري زيت ماركة إيه.. إنما أي زيت له المواصفات الموصى عليها في الكتالوج هيكون ممتاز مع العربية.



حضرتك بقى مواصفات الكتالوج عندك إيه بالتحديد؟؟؟

ده مش اختبار للمعرفة... ده مجرد إرشاد للأسلوب الصحيح اللي المفروض نتبعه.



على فكرة.. أنا نزلت كتالوج زيوت زادو من على النت... وحاولت ألاقي أي زيت عندهم يمشي مع كل المواصفات المطلوبة في كتالوج العربية عندي .. بس للأسف ما لقيتش.. ممكن عندهم زيوت توفي جزء من المتطلبات.. بس مش كلها.

علشان كده.. الزيوت دي ما تنفعنيش أنا وأي واحد معاه نفس عربيتي.


ده مش تحامل أو رأي... دي حقائق.


أرجو إن الصورة تكون وضحت.


...