بدأت فيات مفاجأة من العيار الثقيل بتخفيض أسعار سياراتها تماشيا مع إنخفاض سعر اليورو ...
الحكاية الجديدة إسمها لينيا ( عربية ولا أروع )


والله يا جماعة العربية دي حكاية بكل المقاييس:
- تصميم شيك جدا
- توكيل محترم ( أول توكيل أوروبي يخفض أسعار سياراته بعد انخفاض سعر اليورو )
- ماركة لها سمعة طيبة بالسوق المصري (إسم عريق داخل السوق المصري )
- كماليات متوافرة
- سعر معقول ( مقارنة بإمكانات وكماليات السيارة )

أرجع بقى لفيات لينيا تحديدا ( بتنزل بمحرك واحد هنا في مصر 1400 سي سي بنزين ودي نوعين : عادي بقوة 77 حصان وتربو 120 حصان & وتنزل بمحرك اخر 1300 سي سي ديزل بقوة 90 حصان ) :

وكمان العادية بقى سعرها زي ما عرفتم :
95000 - 103000 - 109000

والتربو :
115000

العربية دي تركي - إيطالي
وممكن العربية دي تتقارن بعربيات تانية من نفس الفئة مثل :
أفيو - أكسنت - فيرنا - ريو - ياريس - تيدا - سيتي - لوجان - زوم 2 -فابيا - 207 - كورسا - c 3 - كليو - بولو - إبيزا - جيتز - 206 - سويفت - كولت - بونتو - i 20 .

يعني كده العربية دي بتنافس في فئة مولعة جدا وتستحوذ على نصيب كبير من المبيعات في السوق المصري .

يا سلام لو التوكيل ينزل هنا في مصر الموديل المزود بمحرك ديزل يبقى ضربة معلم ( أنا عرفت إنه ممكن يجيبها طلب خاص ) بس بجد لو جت تبقى حكاية .

يا ريت لو حد عنده معلومات إضافية عن اللينيا ما يتأخرش


مع تحياتي
عاشق الزوم 3 & واللينيا