صوت بعد تغير البرابريز الامامى فورد فيستا 2000

**ahmedk7** · 05-06-2015 11:29 PM

السلام عليكم

كنت غيرت البرابريز الامامى من 4 ايام فى مصنع امان , و حاسس ان فى صوت من بعد سرعة 65 بس انا متأكد ان الصوت ماكنش موجود ,هل ده السيليكون ولا ايه بالظبط انا عندى فى كاوتش حاولين الازاز من برا الراجل فكه و ركبه حاواليه و سيليكون على المكان القديم و ركب انا مستغرب لان الازاز متحاوط بالكاوتش فازاى فى صوت هواء . ايه الحل؟

شكرا

**Abo_Mazen** · 06-06-2015 12:14 PM

إرجعله ..هتلاقي في حته منفسه هي اللي بتدخل الهوا وعامله الصوت ده

**ahmedk7** · 07-06-2015 03:04 AM

المشاركة الأصلية كتبت بواسطة Abo_Mazen

إرجعله ..هتلاقي في حته منفسه هي اللي بتدخل الهوا وعامله الصوت ده

شكرا لردك انا النهاردة دورت حاولين الازاز و لقيت الكاوتشة خارجة و لزقت عليها سوليتب و جربت بقن احسن بس مش عارف يعمل الحتة دى و لا حتبقا فى حتت تانية تحت الكاوتشة ولا يتشال و يتعمل من الاول؟

و هل انا محتاج اجيب كاوتشة جديدة ولا الى فيها كويسة؟ عشان دى بتاعة العربية و متفكتش من ساعتها فممكن تكون باظت دى بقلها بتاع 15 سنة؟

**Abo_Mazen** · 07-06-2015 09:01 AM

أنا متهيألي لو روحلته هيقولك نفس اللي إنت قلته ده ..إن الكاوتشه دي قديمه ونشفت وعاوزه تتغير ..عموما روحله وشوف هيقولك إيه ..هو واضح إن الكاوتش مش حاكم كويس مع الحديد وده اللي عامل تنفيس عندك