العربيتين صفقة جيدة، الموضوع مش مستاهل لخبطة ، لو ميزانيتك 115 الف هات الصني، لوتقدر تزود 25 الف أو اكتر هات الشارك
رقم العضوية : 123593
تاريخ التسجيل : 23Apr2012
المشاركات : 887
النوع : ذكر
الاقامة : مصر الجديدة
السيارة: Shark 2015
السيارة[2]: K
دراجة بخارية: لا يوجد
الحالة :
رقم العضوية : 147495
تاريخ التسجيل : 19Aug2013
المشاركات : 42
النوع : ذكر
الاقامة : القاهرة
السيارة: not yet
السيارة[2]: PEUGEOT
الحالة :
د.هشام برفعلك القبعة كلماتك مختصرة و مفيدة فعلا عندك حق بس بالنسبة للنيسان الفئة المناسبة بالنسبالي هي السوبر صالون ب 127 و بالنسبة لللانسر الفئة المناسبة هي اللي ب 152 السعر مش مشكلة أوي انا بحسبها أكتر كقيمة بالنسبة للسعر و كمان كعربية بتستخدم في مصر ياما هاتشوف بهدلة حتي و هي مركونة تحت البيت
رقم العضوية : 123593
تاريخ التسجيل : 23Apr2012
المشاركات : 887
النوع : ذكر
الاقامة : مصر الجديدة
السيارة: Shark 2015
السيارة[2]: K
دراجة بخارية: لا يوجد
الحالة :
ربنا يخليك يا باشا، يمكن كلامي وصلك علشان عندي العربيتين، الشارك الفئة اللي ب52 اللي فيها فتحة سقف، والصني اول فئة.
بالنسبة لبهدلة العربيات كل شوية الاقي الشارك متعلم عليها، سواء من عربية أو حد ابن حلال غاوي رسم. فعلا البلد دي خسارة في شوارعها عربيات غالية.
بالتوفيق وربنا يهديك للأصلح
رقم العضوية : 147495
تاريخ التسجيل : 19Aug2013
المشاركات : 42
النوع : ذكر
الاقامة : القاهرة
السيارة: not yet
السيارة[2]: PEUGEOT
الحالة :
حضرتك معاك العربيتين كدة انت وقعتلي من السما :) انا عاوز أعرف هل بتعاني في صيانة الشارك ولا في مراكز خدمة يعتمد عليهم و بالنسبة لصيانة الصني ايه ظروف الوكيل و اخبار قطع الغيار ايه من حيث التوافر و السعر لكل عربية و هل في فرق كبير في السواقة الهادية مابينهم انا مش بتاع شد ولا غرز بس عاوز العربية اللي تبقي استجابتها عالية و ايه اخبار الفرامل بالنسبة للاتنين و ايه ظروف الشارك مع بنزين 92 عشان بيقولوا ان مكتوب عليها بتاخد 95 و اخبار عزل صوت الموتور و الهوا و الطريق ايه لكل عربية و قوة التكييف لكل عربية و هل المروحة الخلفية للصني مؤثرة ولا لا و هل خامات الصني الداخلية الرخيصة عيبها بس ان شكلها رخيص ولا في مشكلة في متانتها و كمان ياريت لو عندك اي معلومات تانية تحب تنصح بيها بالنسبة لكل عربية و المقارنة بينهم الميكروفون مع حضرتك ،معلش الأسئلة كتير و الرد مجهد بس حضرتك عارف انا و غيري كتير من حتي اللي بيقرأ بس و مش بيشارك بالتعليق متعطشين لمعرفة التجارب الحقيقة لملاك العربيات عشان نستفيد منها في قرار الشراء ،و ربنا يعينك :)
رقم العضوية : 123593
تاريخ التسجيل : 23Apr2012
المشاركات : 887
النوع : ذكر
الاقامة : مصر الجديدة
السيارة: Shark 2015
السيارة[2]: K
دراجة بخارية: لا يوجد
الحالة :
الاسإلة مش كتير ولا حاجة بس انا تهت منك
ححاول أجاوبك على قد منا عارف
[QUOTE=noureldinhasan;3875963291]حضرتك معاك العربيتين كدة انت وقعتلي من السما :) انا عاوز أعرف هل بتعاني في صيانة الشارك ولا في مراكز خدمة يعتمد عليهم
*** انا جبت الشارك الخليجي مش التوكيل، انا اشتريت ضمان 3A ودا متعاقد مع عدة مراكز صيانة متخصصة في المتسوبيتشي، منها مثلا المصرية اللي في جسر السويس اللي عملت فيها صيانة الألف. أهم حاجة بالنسبالي أول صيانتين علشان الضمان. موضوع التوكيل بصراحة مش فارق معايا انا شخصيا، علشان انا متعود اعمل صياناتي بره التوكيل.
و بالنسبة لصيانة الصني ايه ظروف الوكيل
*** توكيل الصني توكيل محترم، بمعنى أن كل عيوب الصناعة اللي ظهرت في العربية اللي ب تتعلق بالغرامل التوكيل غيرها. علشان كدة بالنسبة للصني لازم المحافظة على مواعيد الصيانة علشان الضمان. أكيد مع انتشار العربية، قطع الغيار إبتدت تتوفر، مش عايز اقولك اني شوفت في الحرفيين العربية متقطعة انصاص.
هل في فرق كبير في السواقة الهادية مابينهم انا مش بتاع شد ولا غرز بس عاوز العربية اللي تبقي استجابتها عالية
*** السحب بالنسبة للعربيتين ممتاز واستجابة الفتيس ممتازة، والشارك تتميز بأنك مابتحسش بالنقلات
و ايه اخبار الفرامل بالنسبة للاتنين
***ممتازة والاتنين فيهم BA, الصني مشوار الفرامل أطول شوية
و ايه ظروف الشارك مع بنزين 92 عشان بيقولوا ان مكتوب عليها بتاخد 95
*** مكتوب في المانوال 95، وأن العربية مصممة تاخد بنزين 90 في ظروف اضطرارية، بس الأداء حيقل، دا اللي مكتوب
و اخبار عزل صوت الموتور و الهوا و الطريق ايه لكل عربية
الشارك: 6/10
الصني: 7/10
و قوة التكييف لكل عربية
الاتنين: 9/10
و هل المروحة الخلفية للصني مؤثرة ولا لا
ولا ليها لازمة
و هل خامات الصني الداخلية الرخيصة عيبها بس ان شكلها رخيص ولا في مشكلة في متانتها
عيبها في الشكل بس، والخامات متينة
و كمان ياريت لو عندك اي معلومات تانية تحب تنصح بيها بالنسبة لكل عربية و المقارنة بينهم الميكروفون مع حضرتك
××××انت بدور على best value for money ودا موجود في العربيتين، بس رأيي لو بتفكر في الفئة التانية في الصني، يبقى تزود شوية وتجيب الشارك.
ونصيحتي ليك هات العربية اللي انت مقتنع بيها، أو اللي شداك اكتر، علشان مش كل يوم الواحد بيجيب عربية، وبالتوفيق أن شاء الله
رقم العضوية : 147495
تاريخ التسجيل : 19Aug2013
المشاركات : 42
النوع : ذكر
الاقامة : القاهرة
السيارة: not yet
السيارة[2]: PEUGEOT
الحالة :
[quote=د.هشام;3875963381]الاسإلة مش كتير ولا حاجة بس انا تهت منك
شكرا كتير يا د.هشام رأيك هايساعدني كتير في قرار الشراء ،في نقطة أخيرة هي أسعار قطع الغيار للعربيتين عشان الشارك بسمع أرقام فلكية لقطع غيارها ،و كل سنة و انت طيب و رمضان كريم :)
ححاول أجاوبك على قد منا عارف
المفضلات