كام مصاريف سيارة 128؟

**مهاب لاشين** · 09-06-2015 03:15 PM

واحد قالى 500 فى الشهر و واحد قال بل 3 شهور مصرفش حاجة، طب ريحونى اعمل ايه :(

**hugan** · 09-06-2015 03:48 PM

البنزين بس هايعمل معاك متوسط 250لو مشاويرك بسيطه
250صيانات ومستهلاكات مابين زيوت وفلاتر و قطع غيار
وطوارئ مالهاش ﻻزمه ومواقف محرجه في الشارع
وتحمد ربنا لو صرفت ال500في الشهر

**مهاب لاشين** · 10-06-2015 03:36 AM

مممممم هى فعلا ارزاق سبحان الله، شكرا لكم جميعا والله افدتونى جامد انا كنت فاكرها ارقام اعلى كتير.

شكرا Abo-Mazen و HUGAN

اى حد يقرا الموضوع ممكن يكتبلنا خبرته برده نستفيد

**nickname** · 10-06-2015 03:10 PM

نصيحة عن تجربة
فى الاول هتصرف عليها كويس ومتستخسرش فيها حاجة وهات قطع الغيار الاصلية والنظيفة والحاجة النظيفة هتعرفها من تجارب الاعضاء هنا ومن ميكانيكى يكون محل ثقة وبتتعامل معاه دايما

لو عملت كدة هتلاقى العربية ماشية معاك كويس ومش هتحتاج حاجة غير البنزين وبعض الصيانة الخفيفة زى اى عربية

**مهاب لاشين** · 11-06-2015 01:34 AM

المشاركة الأصلية كتبت بواسطة nickname

نصيحة عن تجربة
فى الاول هتصرف عليها كويس ومتستخسرش فيها حاجة وهات قطع الغيار الاصلية والنظيفة والحاجة النظيفة هتعرفها من تجارب الاعضاء هنا ومن ميكانيكى يكون محل ثقة وبتتعامل معاه دايما

لو عملت كدة هتلاقى العربية ماشية معاك كويس ومش هتحتاج حاجة غير البنزين وبعض الصيانة الخفيفة زى اى عربية

يعنى اهم حاجة مستخسرش فى قطع الغيار يعنى، تمام تسلم يا باشا

**م أحمد** · 13-06-2015 09:27 PM

هقول لحضرتك

ال128 سيارة الشعب التعليمية رقم 1 و 2 و 3

يعنى ايه؟؟؟

يعنى ناس بتشتريها علشان تتعلم عليها و بعد كدة تقلبها

طب و دا معناه ايه ؟؟؟

تخيل معايا واحد هيبيع بعد شهر ... شهرين ...سنة .....هل هيصرف عليها ؟

أكيد لأ

و المالك اللى وراه بيعمل كدا و اللى وراه بيعمل كدا لغاية لما توصل ليك عربية متهالكة و لما تنوى تمشلى بيها كل شوية تطلع مشكلة نتيجة الاهمال المتراكم

طب و هى كعربية ؟
مش وحشة و عربية عملية و لو مظبوطة يبقى الافضل منها يا إما مكيف او اوتوماتيك او اوسع غير كدا تتساوى او تقترب مع اللى مش موجود فى الصفات دى

و علشان انت طالب و محتاج الوقت فى المذاكرة ، لازم ان شاء الله تجيب عربية بيتى مثلا او مشدودة وواحد يطلع لك فيها التفاصيل بالمللى

الصيانات بالاصلى و عند ميكانيكى بيحترم العربية مش يسيب الصبى يشتغل فيها

استهلاك البنزين لو الموتور مفوت محترم و لو سليم كويس جدا