مشكلة فى فتيس عربيتى

**Chucky** · 14-11-2008 10:17 PM

انا عندى مشكلة مضايقنى اوى فى عربيتى و ياريت حد يقدر يفيدنى فيها

اول لما ادور عربيتى و امشى بيها تبقى طبيعية جدا بس بعد حوالى ربع ساعة مشى كده الاقى الفتيس عندى بين النقلات بقى خشن اوى ( خصوصا فى الاول و التانى ) حتى لو دايس دبرياج على الاخر خالص بتلاقى الفتيس عمال يطلع اصوات اكنه محشور فى حاجة

و بيبقى صعب اوى فى النقلات لدرجة انى لازم اهدى العربية على الاخر و اقعد اعافر معاه

طبعا هو مع اغلب النقلات كده بس هو الاول و التانى هما اكتر اتنين بيبان فيهم

ياريت لو حد يقدر يفيدنى فى الموضوع ده

و سوال تانى... هى العربية اول لما تدورها الصبح عداد الـ RPM بيبقى على كام لانى عندى العداد بيبقى 20 و بعد كده ينزل لـ 15 و صوت الموتور عالى اوى و بتفضل كده حتى لو فضلت اسخنها نص ساعة... لازم اتحرك بيها علشان تنزل لـ 10

**mohamed_fatouh** · 14-11-2008 10:27 PM

انا عندى تقريبا نفس المشكلة و اتقالى انه الديسك بتاع الدبرياج فية مشكلة لان لما العربية بتتحرك بيسخن الديسك و بيتمدد بسبب الحراراة و هوة المسؤل عن العملية دى و سعر الديسك و الاسطوانة و البلية تقريبا 650ج

بالنسبة لل ار بى ام هوة بيكون اعلى من اول رقم على العداد بشرطة واحدة و بعد حوالى دقيقتين او 3 بالكتير بيرجع تحت الرقم ب 2 شرطه .

علش اعزرنى لانى موش فاكر اول رقم فى ال ار بى ام ايه

**ehab_mansour** · 15-11-2008 09:23 AM

السلام عليكم
بالنسبة لموضوع الدبرياج والفتيس فده برضه عندي لكن روحت لميكانيكي قلي ازود زيت الفتيس وشوف هيبقي ايه لو عمل كده تاني يبقي تروح لواحد بتاع فتيس يحلهولك
ثانيا موضوع الأر بي ام ده كده علي حسب برودة الجو لكن هو كده فعلا عالي لأن عندي بتسخن علي 1100 و أكثر حاجه بتكون 1500 وبعد شوية بتنزل لحد 800 الي 900 وده الطبيعي بتاعها لما بتسخن لنصف مؤشر الحرارة وحتي المعدل الطبيعي للحرارة .
اسف علي الإطالة ويارب اكون افدت

م: إيهاب منصور