الموضوع: استشارة ضرورى جدا عن بيع الفلوانس لو سمحتم

المشاركة الأصلية كتبت بواسطة islamhasan

بص يا باشا ربنا يوفقك في البيع بسعر مناسب ليك
لو انا مكانك هفكر نفس التفكير

بس من وجهة نظر حد بيشتري في اعتبارات تانيه تخلي السعر اقل والحقيقه مش حابب اكتبها هنا عشان مأثرش سلبا على موضوعك
وللأسف عدد مشاركاتي ميسمحليش ابعتلك على الخاص

عموما ممكن تسيبلي تليفونك او اميلك على الخاص وانا هكلمك

بس نصيحه مني لو عاوز السعر دا حاول تعرض العربيه دلوقتي ومتتأخرش عشان تاخد وقتك في التفاوض وتوصل لسعر مناسب يرضيك

ياباشا انا حددت السعر ده لا عن طمع ولا عن جهل بالعكس انا دورت كتير فى السوق عن عربية زى عربيتى على انى عايز اشترى والأسعار اللى انا كتبتها دى انا جايبها من ناس بالفعل عارضة عربيات زى عربيتى سواء على كونتاكت او على دوبيزل او فى المعارض ومافيش ولا عربية فيهم عاملة عدد الكيلو متر بتاعى ورغم كده مافيش عربية فيهم تحت 185 ألف واى حد يقدر يتاكد من كلامى بمنتهى السهولة وانا لولا السفر ماكنتش بيعت ومرخص 3 سنين وعربيتى مالحقتش حتى امشى بيها ومافيش فيها خدش لا من بره ولا من جوه ولو بعتها انا كمان ب 185 يبقى اقل 10 الاف من الزيرو واعتقد ده مبلغ مش قليل ,, عموما انا فعلا هاعمل الأعلان على اخر الأسبوع ده او كمان 10 ايام وهى دلوقتى عاملة حوالى 2200 كيلو وده ايميلى the_spider_2011@yahoo.com

المشاركة الأصلية كتبت بواسطة the_power

باشا انا ضفت حضرتك علشان نتكلم بخصوص العربية ........... ياريت رقم تليفون حضرتك علشان اقدر اتواصل معاك

اهلا بحضرتك ويشرفنى اضافتك ومعرفتك بصرف النظر عن العربية ,,, انا كاتب السعر اللى هابيع بيه ولو يناسب حضرتك قولى ونتفق تيجى تشوف العربية وعموما تفاصيل العربية مرة تانية :
رينو فلوانس موديل 2015 اشتريتها من حوالى شهرين بس
الفئة هاى لاين " اعلى فئة " زينون وفتحة سقف وفرش جلد وحساس ركن وعدد 6 ايرباج " ده طبعا غير باقى الكماليات بس ده اللى بتتميز بيه الهاى لاين
اللون موكا ورخصة سارية 3 سنوات لأن كان مش فبالى ابيع اصلا لولا الظروف
العربية ماشية تقريبا 2500 كيلو ده لحد النهارده وخلال المدة دى العربية زى الفل مافيش فيها اى مشاكل من اللى كنت بسمع عنها من بعض الناس زى الزيت والحاجات دى يعنى كل حاجة فالعربية اداء ممتاز بدون اى عيوب وعن تجربة لمدة شهرين
طبعا انا شارى العربية كاش يعنى لا عليها اقساط ولا حاجة وحالة العربية زيرو سواء من بره او من جوه كمان