كشف عن اذا كان العداد ملعوب فيه ولا لأ فى عربية هيوناى نيو اكسنت 2009

**cheetos_2000** · 09-06-2015 11:08 PM

السلام عليكم

انا كنت عايز اعرف اذا كان العداد ملعوب فيه ولا لأ!

هل الكمبيوتر اللى بيتوصل بالعربية ممكن يبين اذا تم التلاعب بالعداد ولا لأ فى عربية موديل هيونداى نبيو اكسنت 2009؟؟

و ايه هى الاعطال اللى الكمبيوتر ممكن يطلعها؟؟؟

و هل الجهاز الى بيكشف اذا كانت العربية رشة ولا لأ دقيق 100% ؟؟

ارجوا الرد للاهمية
وشكرا للجميع

**cheetos_2000** · 09-06-2015 11:38 PM

يا رجالة ارجوكم اليعرف يرد عليا

**ENG.MaRk** · 10-06-2015 12:28 AM

المشاركة الأصلية كتبت بواسطة cheetos_2000

هل الجهاز الى بيكشف اذا كانت العربية رشة ولا لأ دقيق 100% ؟؟

لا مش دقيق 100% و عموماً دقته بتفرق حسب نوعه

**cheetos_2000** · 10-06-2015 07:38 AM

شكرا يا استاذ مارك

**ENG.MaRk** · 10-06-2015 08:10 AM

تحت أمرك يا فندم

**cheetos_2000** · 10-06-2015 08:14 AM

ارجوا اليعرف الاجابة على السؤال الاول باريت يرد

**Abo_Mazen** · 10-06-2015 08:46 AM

محصلش ....الكمبيوتر مش هيكشف إذا كان العداد ملعوب فيه ولا لأ ..فيه طرق تانيه ممكن تعرف بيها إذا كان العداد ملعوب فيه ولا لأ ..وكلها طرق بتعتمد على الحاسه البوليسيه عندك وعلى فراستك ...

**امجد مروان 454** · 10-06-2015 09:46 AM

المشاركة الأصلية كتبت بواسطة abo_mazen

محصلش ....الكمبيوتر مش هيكشف إذا كان العداد ملعوب فيه ولا لأ ..فيه طرق تانيه ممكن تعرف بيها إذا كان العداد ملعوب فيه ولا لأ ..وكلها طرق بتعتمد على الحاسه البوليسيه عندك وعلى فراستك ...

بعد إذن صاحب الموضوع
ممكن يا أبو مازن توضح المقصود بالحاسة البوليسية ده ؟ وايه هی الطرق التانية وهل مفيش طريقة اكيدة يتعرف بيها العداد ملعوب فيه ولا لأ؟
لان العربية ماشية بقالها 13 سنة وعدادها 20000 فانا شاكك ان العداد اتلعب فيه.

**tasaka** · 10-06-2015 11:38 AM

المشاركة الأصلية كتبت بواسطة امجد مروان 454

بعد إذن صاحب الموضوع
ممكن يا أبو مازن توضح المقصود بالحاسة البوليسية ده ؟ وايه هی الطرق التانية وهل مفيش طريقة اكيدة يتعرف بيها العداد ملعوب فيه ولا لأ؟
لان العربية ماشية بقالها 13 سنة وعدادها 20000 فانا شاكك ان العداد اتلعب فيه.

normal >> light use

i had a car for 14 years .. only 185,000 km

**Abo_Mazen** · 10-06-2015 11:46 AM

المشاركة الأصلية كتبت بواسطة امجد مروان 454

بعد إذن صاحب الموضوع
ممكن يا أبو مازن توضح المقصود بالحاسة البوليسية ده ؟ وايه هی الطرق التانية وهل مفيش طريقة اكيدة يتعرف بيها العداد ملعوب فيه ولا لأ؟
لان العربية ماشية بقالها 13 سنة وعدادها 20000 فانا شاكك ان العداد اتلعب فيه.

كلها حاجات عامه ..بتختلف من واحد للتاني في الشطاره ..زي مثلا حالة التهالك بتاعة العربية من جوه ..لون التابلوه ..شكل الطاره ..عصاية الفتيس ..مش عارف إيه ..حاجات كده يعني ..لكن صدقني ..أنا مشفتش كمبيوتر بيكشف العداد الحقيقي للعربية إلا واحد بس كان بيقولك إن في بعض العربيات بيتسجل في الكارته الداخلية بتاعتها عدد الكيلو اللي مشيته العربية والرقم ده غير الرقم اللي بيبقى ظاهر قدامك على التابلوه والرقم ده مفيش جهاز بيقراه غير الكمبيوتر بتاع العربية ومش هتلاقيه غير في التوكيل ,..أنا بصراحه معرفش مدى صحة الكلام ده..لكن بالنسبة للعربيات العاديه أو الشائع ..لأ ..الكمبيوتر مش هيكشف العداد الحقيقي