بي واي دي f3

**حسين عشري** · 10-06-2015 09:40 PM

العربية اةتوماتك موديل 2015 استلام 7 سنة 2014
المشكلة اني باسمع صوت هبده لما بانزل مطب من الجنب الشمال بس
لكن الجنب اليمين مفيشصوت
رحت النهارده صيانه ال 15 ألأف
و قلتلهم على مشكله الصوت ده
رجعولي العربية و قالوا كله تمام
سألت الفني أنت متأكد ان الخمشكلة اتحلت
قالي كانت عاوزة تربيط عفشه و تم و كله تمام
اكدت عليه
راح واخد العربية لفه و رجع قالي كله تمام
استلمت العربية و خرجت من التوكيل لاقيت الصوت ذي ما هوه
رجعتلهم
المهندس ركبها و سمعته الصوت بنفسه
برضه اكد لي انه كله تمام
بصراحه انا مكنتش مقتنع بس هوه صمم ان مفيش اي مشكله و الصوت طبيعي
خرجت من عندهم
رحت لعفشجي صديقي من زمان
شاف العربية بس نبهت عليه ما يم=دش ايده عليه باي عده
عشان الضمان
قالي البطاعه فيها بوش و المساعد فيه تكه
و لازم الجنب كله عفشته تتفك عشان نعرف فيه ايه
شكرته
تفتكروا ارجع للتوكيل تاني ؟؟؟؟

**حسين عشري** · 10-06-2015 09:41 PM

مهندس التوكيل قالي ضمان العفشه لحد 20 ألف كيلو
قدامك فرصه في أي وقت تتأكد من وجود مشكله تغيرها على حساب الضمان
و ما تستناش معاد الصيانه

**akmm** · 11-06-2015 03:47 PM

اكيد تروح تانى وتصمم على حل المشكله دى .....

**miam0502788391** · 11-06-2015 04:39 PM

روح التوكيل واصر على فك الحنب الشمال فى وجود المهندس المختص
طبعا هما لو ناس محترمة اى حاجة فى الضمان هيغيرها
لكن لو العكس هيحاول يقنعك ان المساعد والبطاحة كله تمام وبالتالى مفيش داعى لتغييره وركب ياعم تانى
انت كمان حاول تختبر الاجزاء دى بنفسك لو ليك خبرة بكده
امسك بلية البطاحة ولفها براحة ولقها في ايدك وشوف فيها بوش ولا لأ
كمان امسك المساعد واضغط كويس وسيب واضغط تانى بسرعة وشوف فيه لقة ولا لأ
طالما المشكلة لسه معاك يبقى المشكلة بعيدة عن تربيط العفشة والا كان الصوت راح لما الفنى فى التوكيل ربط عليها
المشكلة هنا فى الاجزاء الميكانيكية
بالمناسبة حضرتك مركب صدادات ؟؟؟

**esamahmed** · 09-07-2015 06:57 AM

متابع

**حسين عشري** · 11-07-2015 02:01 PM

أنا مركبتش أي أضافات للعربية من وقت ما أستلمتها
غير الفرش بس
و رحت لعفشجي معرفه فهمته العرببة ما ينفعش افك و ﻻ أربط عشان الضمان رفعها و نزل تحتها بدون عده
و قالي البطاحه فيها بوش خفيف و المساعد فيه تكه محتاج يفك الجنب عشان يتأكد
طبعآ مارضيتش
و بإذن الله هأروح التوكيل تاني

**ayman66** · 11-07-2015 02:53 PM

حضرتك روحلهم تانى وتصر على حل المشكلة كما نصح الأخوة قبل ان تنقضى مدة الضمان والمحددة ب20الف كيلو ولو اصروا على المراوغة والتسسيف فهمهم إنك مش هتخرج من عندهم إلا وانت ذاهب لجهاز حماية المستهلك وتقد شكواك وتابعها وإنشاء الله تتحل المشكلة المهم ماتسبش حقك

**حسين عشري** · 27-05-2016 07:40 AM

سامحوني أني لم أعقب
رحت التوكيل بعد مرو ضمان العفشة و طبعآ حولوا يتملصوا من تغيير المساعد
لكن هددت بجدية باللجوء لحماية المستهلك لأن العيب مذكور في كارت المتابعه السابق لخروج العفشة من الضمان
و بالفعل تم تغيير المساعد على حسابهم
و الحمد لله