يا جماعه مش عايزين نزعل من بعض كلنا اخوات
عرض للطباعة
يا جماعه مش عايزين نزعل من بعض كلنا اخوات
طالما بتقول انك قاعد من الشغل ولسه بتدور ، تبقى بسيطة لو ما توفقتش فى شغل عندك لازم هتنزل مصر لان صعب تعيش فى الخليج بدون مرتب لان المعيشة غالية
والله لاقيت شغل كان بها ، ملا قتيش انزل مصر وتوكل وعيش
هو اسلوبك عامل كده ليه
وايه لفظ "الاشكال ده"
انتقى الفاظك وخليك مدرك انك في منتدى محترم
الاسلوب والالفاظ اللي بتتعامل بيه في مجتمعك الخاص مش عايزين نشوفها هنا
الادب وحسن الخلق ارضية يجب توفرها في اي حوار سواء كان سياسي او غير سياسي
لكن الطريقة ده والتلميحات غير المناسبة للشخصيات المحترمة اللي في المنتدي مش حابين نشوفها هنا
وزي ما بنقول لاما تقعد وتتكلم كويس او تترك المنتدى وتاخد راحتك بعيد عننا
وانت مين انت علشان تقلي اسلوبي ومش اسلوبي يا بتاع انت
لما تبقي انت محترم الاول وتتكلم باحترام ابقي اتعامل معاك باحترام , مش جاي تقول في مشاركة سابقة مستفز وجاي هنا تعملي فيها محترم واخلاق .
انت اللي تقعد هنا بقوانين المنتدي مش كل شويه تقعودا تقرفونا بالسياسة علشان مجرحين في احاسيسكم .
مبقاش غيركم انتم اللي حيعلموا الناس الاخلاق وعجبي :)
يا جماعه حصل خير
لو الناس هتزعل من بعض بسببى يبقى بلاش الموضوع ... المهم الناس المصرية الحلوه حتى لو كانوا مختلفين
يا اخي حاجة تقرف الواحد بيعدي مشاركات كتير ليهم وبيقول الضرب فى الميت حرام
يجي يفضلوا يقرفوا فينا هنا , مش عارفين نكتب ولا نشارك عدل في اي موضوع لازم اي موضوع يخربوه زي ما انت شايف .
ولما ترد عليهم يقعدوا يطنطوا كدا :)
والله لولا احترامي للمنتدي واحترامي للاعضاء كنت رديت عليهم الرد المناسب لبيئتهم .
لو انت من الطبقه فوق المتوسطه ارجع ، هتعاني شويه بس هتعرف تعيش
لو حضرتك مؤهل انك تشتغل في مكان محترم ارجع
هقول رأيي و اجري علي الله
لو رجعت هتندم ندم السنين
البلد حاليا في حاله انفلات (امني, سياسي, اخلاقي)
الاقتصاد كل يوم في النازل
لو رجعت هتكتشف ان الناس بتطلع القرش من لحمها الحي
و اي مشروع بقه اخر قرف من الكساد و تعاملات الناس
لو رجعت ممكن تتثبت علي الطريق
تلاقي ابنك اخد عبده موته او الالماني قدوه ليه
اقري الموضوع ده برضه
http://www.nilemotors.net/Nile/469189-a-3.html
فكر كويس و استخير ربنا
هقول رأيي و اجري علي الله
لو رجعت هتندم ندم السنين
البلد حاليا في حاله انفلات (امني, سياسي, اخلاقي)
الاقتصاد كل يوم في النازل
لو رجعت هتكتشف ان الناس بتطلع القرش من لحمها الحي
و اي مشروع بقه اخر قرف من الكساد و تعاملات الناس
لو رجعت ممكن تتثبت علي الطريق
تلاقي ابنك اخد عبده موته او الالماني قدوه ليه
اقري الموضوع ده برضه
http://www.nilemotors.net/Nile/469189-a-3.html
فكر كويس و استخير ربنا
السلام عليكم و رحمة الله و بركاته
طاب ماتخليك فى السعودية لحد ماتلاقى فرصة أنك تهاجر على بلد نضيفة و تقوم طالع عليها عالطول.
أنا و كتير جدا عملنا كده أما كننا فى السعودية و هجرة كندا أيامها -أيام الرخص- فتحت. كلنا قدمنا من السعودية و أما الورق خد وقته و خلص. نقلنا على كندا.
و أنت فى السعودية, استغل وقتك فى أنك دور على أى دراسة و لا منحة فى أمريكا و لا كندا و لا استراليا. و أما تلاقى قم رايح. بس بلاش الدول الأوروبية لأنها بقت زحمة أوى و كمان فرصة أنك تاخد اقامة دايمة و جنسيتها تكاد تكون مستحيلة. خليك فى العالم الجديد.
و اللى بقولك أن الحياة فى الغرب بقت أصعب. ده كلام غير صحيح بالمرة, حتى لو فيه أحداث عنف بنسمع عنها بس فى الاعلام. أى مدينة كبيرة فى العالم لازم يكون فيها كل المستويات المعيشية و يكون الجرايم فيها موجودة. لكن الناس عايشة و بتشتغل و تدرس و تنجح و الفرص موجودة فى كل حاجة.
و قبل كل قرار تاخده, استخير ربنا و توكل على الله.
بالتوفيق ان شاء الله.
توكل على الله وإرجع
هتقعد معاها إمتى
أو لو تقدر تاخدها معاك إقامة كاملة يبقى مسكت العصاية من النص
أنا راجع عشانهم إن شاء الله
هم خلفونا عشان نسيبهم ونمشي ؟
سيبك من الأرض ومصر هي أمي والكلام ده
الأرض بأهلها
إنت قاعد على أقدس وأطهر تراب
لكن أمك أهم
صلي إستخارة وتوكل على الله وإختار النية الصح فربنا يوسعلك في رزقك
روى البخاري (2067) ومسلم (2557) عَنْ أَنَسِ بْنِ مَالِكٍ رَضِيَ اللَّهُ عَنْهُ قَالَ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ :
( مَنْ سَرَّهُ أَنْ يُبْسَطَ لَهُ فِي رِزْقِهِ أَوْ يُنْسَأَ لَهُ فِي أَثَرِهِ فَلْيَصِلْ رَحِمَهُ ) .
البسط في الرزق كثرته ونماؤه وسعته وبركته وزيادته زيادة حقيقية .
واختلفت عبارات العلماء في معنى قوله صلى الله عليه وسلم : ( يُنْسَأَ لَهُ فِي أَثَرِهِ ) .
فقيل : المعنى : حُصُولُ الْقُوَّةِ فِي الْجَسَدِ .
وقيل : بِالْبَرَكَةِ فِي عُمْره , وَالتَّوْفِيق لِلطَّاعَاتِ , وَعِمَارَة أَوْقَاته بِمَا يَنْفَعهُ فِي الْآخِرَة , وَصِيَانَتهَا عَنْ الضَّيَاع فِي غَيْر ذَلِكَ .
وقيل : معناه : بَقَاءُ ذِكْرِهِ الْجَمِيلِ بَعْدَ الْمَوْتِ .
وقيل : يُكْتَبُ عُمُرُه مُقَيَّدًا بِشَرْطٍ كَأَنْ يُقَالَ : إِنْ وَصَلَ رَحِمَهُ فَلَهُ كَذَا وَإِلَّا فَكَذَا ، فتَكُون الزّيَادَة فِي العُمرِ زيَادَة حَقِيقِيّة .
راجع : "شرح النووي على مسلم" (16 / 114) – "فتح الباري" (4 / 302)
يا جماعة خلاص هو الأخ صاحب الموضوع شكله مقتنع من البداية إن مصر بلد زي الفل والعيشة مية مية وبالرغم من إن معظم اللي ردوا حذروه ونصحوه إلا إنه بيرد عليهم ومش مقتنع بكلامهم السوداوي وعاجبه ردود الإخوة اللي بيقولوله يرجع
فمش عارف كان لازمتها إيه الموضوع ده طالما حضرتك مقتنع من الأول بكده ؟
حضرتك تشرف وتنور ودي برده مصر أم الدنيا مهما حصل لازم تستحمل ما هي أمك برده لو جت عليك شوية مش مشكلة ومتقولش إيه إدتنا مصر قول هندي إيه لمصر
شرفت ونورت مقدما واحنا ربنا يخرجنا منها على خير إن شاء الله لأننا مش وش نعمة للأسف
لو عايز تعيش ميت ارجع مصر…
اتمنى دخول الاخوة اللى مروا بنفس تجربة الرجوع لمصرعلشان يفيدونا
هههههههههههههه حبيب قلبي إنت كده جيتلي أنا .
بصراحة مش هعرف أفيدك أوي لاني لسه راجع من شهر ونص .
مبدئيا الأجواء مش مبشرة أوي .. مش ماديا إنت كده كده عارف إنك هتعيش هنا في مستوي أأقل
لكن هتلاقي تفاصيل كتير رخمه في يومك ملهاش علاقة بشغلك .
يعني تفاصيل التعامل مع الناس والزحمة والبلطجة اللي في كل حته .
بص هو الفرق يعني إنك مش هتلاقي اليوم بتاعك سلس زي ماكنت متعود .
بس أنا عن نفسي بعرف أتأقلم في أي مكان لاني مش عصبي ومبكبرش المشاكل .
مش عارف إنت بقي طبيعتك إيه .
مافكرتش تاخد والدتك معاك لو إنت قلقان عليها هنا ؟
هتنزل مصر تصرف الفلوس و ترجع الخليج تانى
الخليج بيقفل
الخليج الان ليس كالامس
اغتنم وجودك
صح الخليج بيقفل
بس قدامه قد ايييه هنا كاننا بنضرب ودع
اعتقد في حدود اقل من 5 سنين وحنكون في وضع اشبه بأول التسعينات .
طب اللي رجع من هناك الي هنا عمل ايه
طبعا واجه مشكله تشبع السوق بالوظائف ده غير استنزاف الاصول اللي تكونت سابق
يبقه لازم رجوعك يكون سابق للازمه عشان تبتدي تجهز نفسك لمواجهه الازمه هنا
وعلي فكره من وجهه نظري
مصر حيكون فيها خلال سنتين فرص اكبر من الخليج
لان الخليج نفسه جي هنا وبكره تشوف :)
للاسف معظم الحرامية فى فرنسا من المهاجرين الغير شرعيين سواء عرب او افارقة .. السرقة فى باريس معظمها نشل فلو انت مركز مع حاجتك يبقى فى الامان .. طبعا هما بيستغلوا ان فيه سياح كتير و ناس تايهة و يخطف الحاجة و يجرى بس تثبيت شبه مستحيل تحصل .. طبعا الموضوع غير مصر .. البلطجية ينزلوا بالاسلحة و مهما كنت مأمن نفسك مش هتعرف تعمل معاهم حاجة .. عموما حتى مع نسبة السرقات اللى موجودة هتلاقيها اقل كتير من مصر
مفيش مدينة فى العالم هى الجنة .. بس زى ما حضرتك قلت المدن ديه افضل من مصر و ده طبيعى نتيجة التطور و المدنية و الحرية اللى البلاد ديه عيشاها بقالها مئات السنين .. الضرائب عالية على اصحاب الدخل العالى .. و مفيش اى مقارنة بين اسعار الحاجات فى اوروبا و فى مصر و بين المرتبات فى اوروبا و فى مصر .. يكفى اقولك ان معظم المصريين بيبقوا هجرة غير شرعية و بيشتغلوا فى اقل درجات الوظائف و بيعملوا فلوس كويسة عادى
السرقات مش كتيرة جدا ولا حاجة .. طول ما الواحد مركز و محافظ على حاجته صعب جدا يتسرق
بالنسبة للشحاتين فللاسف لو ركزت كنت هتلاقى ان معظمهم عرب و بصراحة شخصيا انا معرفش تصرف الشرطة ممكن يبقى عامل ازاى معاهم .. هما بيسيبوهم طالما مش بيأذوا حد و على فكرة باريس كمدينة تعتبر مش حلوة كمعيشة لأنها غالية جدا و مزدحمة جدا و سياحية جدا و دا بيقلل من جمالها طبعا مع الاعداد المهولة من البشر .. حضرتك عايز تشوف اوروبا اللى بجد تشوف المدن الصغيرة البعيدة عن العواصم و تشوف الناس ازاى عايشة اخر جمال و روقان
:D عاوز ترجع مصر ... ارجع On Your Own Risk :D
مشروع الفنكوش خلص
فين الناس اللي كانت بتقول الناس بستثمر فلوسها في الفنكوش
إعلان التحالف الفائز بتنظيم حفل افتتاح قناة السويس غدا
إعلان التحالف الفائز بتنظيم حفل افتتاح قناة السويس غدا |اليوم السابع
_كنت فــ الدمام وبحبها جدا عشان مدينة ساحلية وهادية وجميلة ... ولولا والدتي بردو مكنتش رجعت .
_الشغل حسب مجالك بقي
بس أنا مع الرأي اللي بيقول إن مصر هيبقي فيها شغل بس فـ المدن الجديدة والإسماعيلية ومنطقة سينا في خلال 3 سنين لو الأمور ماشيه بشكل طبيعي واللي هيروح هناك بدري أعتقد هيلاقي مجال حلو جدا..
_الوالدة ليها إستقدام علي فكرة بس له شروط ... أدخل علي "مقيم" وشوف يمكن تنطبق عليك
وخلينا نتفق إن موضوع إنك تبدأ من جديد في مصر مجازفة مش معروف نتايجها بس لو مضطر توكل علي الله أقسم بالله مصر فيها ناس شغاله أحسن من اللي فــ الخليج بس طبعا هنا المنافسه أصعب لان تعداد السكان كبير وكل فرصه بيتنافس عليها ألااف .
للاسف المشاكل زادت و حاسس ان دة توجية من ربنا ان كفاية 6 سنين غربة و بلدى اولى بية
ياعم حرام عليك .....ما فيش حد علق على موضوع سياسى ...كله بيقولك الاحوال الاقتصادية .....ما حدش جاب سيرة انتخابات ...على فكرة انا حاليا فى السعودية .....وراجع مصر ...انهاء عقد ....بس راجع ترانزيت ......هدور على عقد تانى ......
والامثلة اللى ضربها لك السادة الاعضاء مثلا
قارن سعر العربية هنا وسعرها فى السعودية
قارن لو عملت حادثة هنا وعملتها فى السعودية ....انا عملت حادثة وعرفت الفرق
شوف عدد سرقات السيارات هنا وعددها فى السعودية
لما تحب تروح مشوار فى مصر وتركن عربيتك وشوف فى السعودية
شوف كام مرة بتسمع كل سنة وانت طيب ياباشا من وشوش عكرة عشان الاتاوة
شوف كم مرة بتقطع الكهرباء هنا فى مصر وكم مرة فى السعودية
شوف كم حادثة بلطجة فى مصر وكم حادثة بلطجة فى السعودية
قارن بين النظافة هنا والنظافة فى السعوية
قارن بين ترخيص العربية فى مصر والسعودية
قارن بين دفع المخالفة فى مصر والسعودية
قارن بين الدفع بالفيزا او الكارت البنكى فى مصر والسعودية
قارن بين مصروفات ماكينة الصراف الالى فى مصر والسعودية
قارن بين نظام التامين الصحى فى مصر والسعودية
قارن بين اخلاق الشرطى فى مصر والسعودية
قارن بين نظافة يد الشرطى فى مصر والسعودية
قارن بين قطع المياه فى مصر والسعودية
قارن بين سعر البنزين فى مصر والسعودية
قارن بين اجراءات ترخيص السيارة فى مصر والسعودية
قارن بين استخراج الرخصة فى مصر والسعودية
قارن بين كم الشتائم التى تسمعها فى مصر والسعودية
قارن بين اسعار الماكولات والمشروبات فى المولات مصر والسعودية
قارن بين الامن والامان فى مصر والسعودية
قارن بين تكلفة المعيشة فى مصر والسعودية
واخيرا قارن بين السياسة فى مصر والسعودية
ولو لقيت كفة مصر رجحت فيما سبق انزل مصر وعيش حياتك
عارف لو كنت جبت مثال تاني غير السعودية كنت اقتنعت
سعودية مين يا ريس
السعودية اللي الشغل فيها بالكفيل والكفيل الناس كلها عرفاه بيعمل ايه في العامل لو معجبوش
السعودية اللي لسه قاطعه ايد عاملة هندية
السعودية اللي كل سنه لازم تعدملها شويه من العمالة الاسيوية
السعودية اللي لو حصل مشكلة بينك وبين سعودي تتظبط ويا سلام لو طلع من العيلة المالكة يبقي اتمحيت من الدنيا
انت جاي تقارن مصر بالسعودية يا راجل يا طيب
اسوء دول بتعامل العمالة زي العبيد هي دول الخليج
- ودى بشاير الفقر إللى مستنياهم:-
https://www.youtube.com/watch?v=u5J_vQStwI0
انا جبت مثال السعودية عشان صاحب الموضوع شغال فى السعودية ......
ثانيا هو مسافر اكيد الفلوس ....واكيد بيسأل فى الرجوع لمصر ايه اخبار المادة ......فكانت المقارنةبين البلد اللى هو ببشتغل فيها .......والبلد اللى هيرجع لها
و.....عودا......حميدا يا 3bdelnor3
عقبال ما نشوف prof
- يا راجل أنت جى تقارن دولة مواجهه مع اسرائيل زى مصر بى دولة متصحبه على اسرائيل زى السعوديه.
- احنا حربنا 4 حروب فى فلسطين واليمن و 67 و 73 ومتنساش العدوان الثلاثى استنزفنا كل مواردنا وطاقتنا وأنت جاى تقارنا بالسعوديه إللى محربتش ولا مرة!!!!!!
- طب يلا أهو جه عليكم الدور واشربوا لدعمكم لجيش الفتح وخسارتكم لبشار للأبد + حربكم لليمن. يلا ألف ألف مبروك عليكم الأوضاع الإقتصادية الجديدة. عيشو. (يتبع)
- العز والمنجه إللى أنتو قاعدين تستعرضو تقارنو وتعددو نعم الله عز وجل فيها عليكم، لو افتكرت كده من قيمه يومين أيام حرب 73 لما كان برميل البترول ملوش أى لازمه وكنتو بتركبو ساعتها الناقه.
- إللى عيشكم فى العيشه دى دم الجندى المصرى (خير أجناد الأرض) وتمن البرميل شد حيلو على عرق ودم وألم ومعانه الجندى الصائم البطل الشهيد فى حرب 73.
- فمن الأولى ترد الفضل لأهله. مصر.مصر.مصر.(يتبع)