الداخلية تُحبط مخطط الإضرار بالاقتصاد القومى وتُعلن تفاصيل ضبط حسن مالك |اليوم السابع
عرض للطباعة
اخي الذي يسأل عن الرجوع الى مصر , انصحك الا تفعل فالاحوال هنا ليست على ما يرام والاسعار نار انتظر حتى تتحسن الاحوال بعد يمكن 5 سنين كمان وهذه نصيحتي وافعل ما تراه صائبا لك وشوف احوال البلد على النت هتعرف اكتر
يا استاذى الكريم ماتيجى تسافر معايا على نفقتنا الخاصه اى دولة افريقية ونفتح شغل خاص هناك فى اى مجال ونشوف ....... انا اشتغلت فوق ال 10 سنين فى دولة افريقية ولكن موظف براتب وندمان انى ما فتحتش شغل او بيزنس خاص بى زى اللبنانين والهنود والصينين .......ياريت المصريين يتجهوا للدول الافريقية لان فيها خير كتير اوى ومتعطشه لاى مجال
تنزانيا وجامبيا
معلش عندي سؤال تاني للناس اللي عايشة في مصر...انا المفروض أكون محوش كام علشان اعيش عيشة كويسة انا و عيلتي المكونة من زوجة و طفلتين.
بصراحة من طول المدة اللي قعدتها في الغربة ما بقتش عارف ايه المبلغ اللي عنده اقول كفاية كده غربة و بلدي اولي بيه.
مع العلم اني شغال في الحكومة في مصر و مش هحتاج ادور علي شغل لما انزل بس هو المرتب بعافية شوية زي كل مرتبات مصر.
٥٠٠٠ ده لمصروف البيت ولا داخل فيه المدارس و اللبس و الدكاتره و العلاج؟
طبعا هو حسب كل واحد و طريقه حياته بس لو دخلت فواتير الكهربا و الغاز و البنزين مع اجابة سؤال المدارس (خاصه ولا حكومى و لو خاصه هتدخل فى انهى مستوى ... ابو خمسه ولا ابو عشره ولا ابو عشرين)
بالنسبه للاخ اللى بيسال احوش كام انت قصدك هتصرف كام ولا تتسند على مبلغ كام للظروف؟ لو للظروف انت و حظك ... المرض لوحده ماساه و لسه صديقين فى الفتره الاخيره احتاجو عمليات جراحيه و الفاتوره كانت بين ٤٠ الف الى ١٦٠ الف (ال ١٦٠ دى كانت قلب مفتوح بينتما ال ٤٠ كانت زايده و التهاب فى الامعاء ) و لاحظ انى بتكلم على المستشفى و اتعاب الدكتور مدخلتش العلاجات و ما شابه من مصاريف ....
فبالتالى انت محتاجلك على الاقل فى رايي من ٤٠٠-٥٠٠ الف عشان تقول انا مطمن شويه و يكون عندك دخل شهرى ثابت ميقلش عن ١٠ لو انت معاك اسره بطفلين او تلاته
الله يكون فى عون الشعب المصرى داخل مصر المحبوسه
اما من هو خارجها فهو مثل الطفل المشتاق الى امه
مصر الان اصبحت مثل القلعه اللى داخلها يصارع من اجل الخروج منها واللى خارجها بيحاول يدخلها وهو يجهل مادار بها خلال 10 سنوات مضت
معلش احنا بنفس همومنا
الغربة أول سنتين ثلاثة بتبقي جميلة لانك متبقاش شايف الا الفلوس و النظافة و النظام و بعد كده بتفقد كل حاجة معناها الجميل و ما بيتبقاش الا مرارة الغربة و الوحدة و ممكن تجمع عليهم المرض كمان.
احب علية اني أعيش في مصر علي كل مساوئها اللي انا ما بنكرهاش بس في الاخر برضه هبقي وسط اهلي و اخواتي ولو حصل ايه مش هبقي خايف لاني عارف لو حصلي حاجة هلاقي الف واحد بيقف جنبي
اما في الغربة و الله انا ببقي ساعات تعبان و بخاف اقول لمراتي علشان ما تخافش و احنا قاعدين لوحدنا في بلد ما نعرفش فيها حد
الله يفتح عليك ......... انت لخصت فى كلمتين مساوىء الغربة الحقيقية
انا عايز اقول لصاحب الموضوع حاجة ....... الفكرة مش برة بلدك او جوة بلدك على قد ما انت ناوى تعمل ايه فى الحالتين و خطتك ايه
حضرب مثال من اتنين اصدقائى اعرفهم ...... دكاترة اسنان ...... ابناء الطبقة المتوسطة
الأول ....... قعد فى مصر لغاية ما خلص الماجستير ...... بعد كده سافر السعودية ........ ماكنش عاجبه الوضع فى مصر و لا استحمل وضع السعودية ....... سافر كندا ...... قالوله شهادتك بتاعت مصر ماينفعش تشتغل بيها ....... لازم اتدرس عندنا ....... طب منين ...... اخد قرض للدراسة ...... بقى بيشتغل اى حاجة غير الطب و يدرس ...... و بعد ما يخلص دراسة اللى بقالها كذا سنة ...... حيشتغل كأى طبيب اسنان لسه متخرج .... من الأول يعنى ...... بس عليه دين لازم يسدد قرض التعليم اللى خده و فى خلال ده بيحاول ياخد الجنسية ........... عنده 37 سنة و لسه ماتجوزش و ماعندوش شقة عشان فلوسها صرفها على السفر
الثانى ..... اشتغل فى مصر شوية ..... و ماخدش الماجستير ...... سافر السعودية ... شاف الويل زى صاحبنا الأولانى ...... بس استحمل و قعد بتاع 6 -7 سنين ........ ماشاء الله عليه ...... اجوز و خلف و عايشين معاه فى السعودية ....... قرب يخلص اقساط شقته فى مصر ....... و شبك فى شقة تانية صغيرة جمب شقته الأولانية بيقسط فيها حيعملها عيادة ........ على حسباته ...... قدامه سنة و لا اتنين حيبقى عنده شقته الخاصة ملكه و جمبها شقته الصغيرة عيادته ملكه برضه و ينزل نهائى من الغربة
مش فارق اوى هنا ولا بره و لا فين .......... المهم ناوى تعمل ايه و ربنا معاك
البلد دي فيها خير مش في بلد تانهيبس الذكي الي يطلعه
عشان كدا علي جثتي اني اسيبها واطلع منها
احدد نوع المشروع الي ناوي تعمله وشووف رأس المال هيكفي ولا لاء وبعد كدا حدد هترجع ولا هتكمل
مفيش جديد يا رجاله ؟
اخر مره الموضوع بتاعك كان اكتيف كنت بره ومكنش في نيه للرجوع ولو 1%
سبحان الله لما اتفنح تاني النهارده الوضع اتغير و خدت قرار النزول ونازل كمان الاسبوع الجاي
مش عارف القرار صح ولا غلط هندم ولا لأ بس اعتقد ده كان احسن حل ف وسط الظروف اللي عندي حاليا
ربنا يكرمني ويكرمك وان شاء الله خير
السلام عليكم ياشباب
على فكره هو ده حالنا في الغربه ان عايزين نرجع بلدنا للحنين الى جوانا بس لما نشوف ونفتكر الى بنشوفه بس في الاجازات بنقول لا بلاش رجوع بس مع الازمات الى بتحصل في الغربه الفتره ده بالذات فبرضه بفكر في الرجوع
وعشان ترجع لازم تخطط لحياه اولادك أولا لان طبعا لو مدخلهم هنا مدارس انترناشيونال مش هتقدر عليها في مصر يبقى عملت داون جريد لمستوى التعليم لولادك وده اول حاجه بس في المقابل الحياه الاجتماعيه للأولاد هتظبط شويه عن هنا
ثانيا انت مش ناوى تشتغل موظف تمام بس محتاج دخل شهرى سريع او مبلغ يكفيك لمده سنه تصرف منه خارج حسابات استثمارك عشان تأمن الحياه الكريمه الى طبعا مش هتحس بيها زى هنا ان الحياه سهله وهتبقى اصعب بكتير في ام الدنيا
ثالثا المشروع الى انت ناوى تعمله راى لا تضع البيض كله في سله واحده بمعنى ان لازم يبقى في اكتر من فكره عشان واحدهلو انت مخططلها تبقى عائد دورى سريع لو هتصرف منه واحد عائد بعيد الى ممكن يبقى 6 اشهر او سنه وموضوع الشغل الخاص اينعم صعب في مصر انما فعلا تعبك وشقالك انت بيبقى ليك وحتى الى بيقولوا ماترجعش وشغالين شغل خاص غير الموظف يعنى بتلاقى الدنيا ماشيه بياكل وبيشرب وبيعلم أولاده بس مش بيعرف يشيل او يحوش وكله بقدر من الله
رابعا الحياه صعبه سوا هنا او في بلدنا بس لو مابذلناش مجهود كبير وانت قادر تبذله وبصحتك عشان مشروعك يكبر شويه شويه مش هتقدر وانت عمرك كبير وهتخاف اكتر واكتر على فلوسك وساعتها هتفضل هنا لحد ماترجع على ضهرك وده ليها من الاوجاع الى بنشوفه في زمايلنا الى بيتوفاهم الله هنا في الغربه
المهم صلى استخاره مره واتنين وثلاثه لحد ماتترتاح الى بتعمله لان كل الناس بتختلف في الآراء وعمر الناس مابتجتمع على راى واحد
اعتقد ان الأفضل النزول بعد انتهاء السنه الدراسيه للأولاد وده الى انا ان شاء الله بخطط ليه دلوقتى وبتمنى من الله ان اقدر اقعد لحد انتهاء الدراسه شهر 7
والى فبه الخير ربنا يقدمهولك وربنا ييسرلك الحال لك ولى ولكل من محتاج انه ياخد قرار ومش قادر
لانه فعلا قرار صعب ومصيرى
أنا راجع نص يناير إن شاء الله بس أنا أساسا شغلي في مصر وكنت زي منتدب هنا
بدأت أسأل على المدارس ومش لاقي أماكن في معظم المدارس وطبعا هنقل الولاد من بريطاني لناشيونال عادي ومش هعرف أخد أي إجراء وأنا هنا..فهضطر أستنى لما أنزل عشان أبدأ أدور على المدارس...م
شكلة طبعا لما أرجع بلدي ومش لاقي مدرسة كويسة للولاد
أنا مدورتش على شغل بديل وراضي بالرجوع والحمد لله
نصيحة..خلي بالك من موضوع المدارس لأن المدارس بتفتح باب التقديم من شهر ديسمبر على حسب المدرسة من ديسمبر لحد مارس...فلو نازل مصر نهائي لازم تنزل مصر أجازة الفترة دي تحجز في مدرسة وإلا إما هتلاقي كله إتحجز وقفل باب الحجز أو هتلاقي أماكن في المدارس اللي مستواها أقل وسمعتها وحشة ومش هتعجبك
أنا بدور في القاهرة الجديدة لأني ساكن هناك ومع إن القاهرة الجديدة كثافة السكان فيها مش عالية والمدارس كتير ولكن لسه مش لاقي أماكن..مدينتي فيها مكان بس بعيدة شوية بس أنا بفضل الولاد يكونوا قريبين
أنا بدأت أدور عن طريق ملف الوزارة اللي فيه المصاريف عشان يديني فكرة عن المدارس..وعملت ملف إكسيل فيه المدرسة ومكانها وبدأت أبحث عن كل مدرسة على جوجل وأكتب في الملف رقم التليفون ومكانها والموقع الإلكتروني بتاعها وأعرف أراء الناس فيها وأتصل بكل مدرسة دولي أسأل على اماكن متاحة للتحويل للترم التاني
المشكلة في التقديم الجديد إن المدارس بتحتاج تعمل إنترفيو مع التلميذ وأولياء الأمور كمان فمش عارف هينفع حد يقدملك أو لأ بس لازم تبدأ فورا عشان تكون في الأمان عشان يكون معاك وقت ترتب ظروفك
فعلا البلد محتاجة تعمل حاجة خاصة و تركز فيها
لو الظروف ارغتمك زى ما تخافش من الندم لانك مش بتدلع
نشكر على النصايح وان شاء الله تتوفق للخير
فعلا التقديم من بدرى احسن بس اعتقد لو ابتديت تحجز من شهر مايو كويس اوى مش لازم قبل كدة
مصروفات مدارس القاهرة من موقع الوزارة
http://services.moe.gov.eg/spending/cairo.pdf
مصروفات مدارس الجيزة من موقع الوزارة
http://services.moe.gov.eg/spending/giza.pdf
الملف ده إسترشادي تبدأ بيه تاخد فكرة عن المدارس وتجيب مواقعها من جوجل
وطبعا جوجل كمان عشان تعرف أحسن المدارس
استاذ تامر ده الملف اللي أنا عامله..ملف بسيط جدا عشان كل المدارس تكون قدام عيني
https://drive.google.com/file/d/0B0L...ew?usp=sharing
[QUOTE=swimmer25;3876033250]استاذ تامر ده الملف اللي أنا عامله..ملف بسيط جدا عشان كل المدارس تكون قدام عيني
https://drive.google.com/file/d/0B0L...ew?usp=sharing[/QUOTE
تسلم ايدك ياباشا انا فعلا كنت عامل واحد زيه هنا لمدارس جده شكرا لاهتمامك مره تانيه
مش عارف العبور تبع إيه..شرقية ولا قليوبية ولا قاهرة
وعموما ملف القاهرة مفهوش غير إدارة السلام أقرب حاجة
الملفات كلها موجودة في اللينك ده
مركز معلومات وزارة التربية والتعليم
بعد ارتفاع سعر الدولار الجنونى بسمع ان الوضع بقى صعب جدا !!!
هل الواحد يستنى شوية و لا يعمل اية ؟
لسه اول مرة اشوف الموضوع ده وصراحة موضوع ثري وفيه معلومات كتير.
ربنا يهديك ويهدينا للخير.
اثبت مكانك ولو تقدر خدنى معاك الله يخليك