ماتريكس ولا Sx4 هاتشباك...ساعدوني انا محتارة

**haneena** · 19-11-2008 12:21 PM

بصى ولا تحتارى ولا حاجة اعملى صلاة استخارة على التيدا والSX4 طبعا الماتركس خارج المنافسة دى تماما وبالذات لو مش هاتبيعى قريب
وانا معايا SX4 والعربية ماشاء الله تحفة وعفشتها مش زى ماوصفوها والله العربية ممتازة وكفاية كم الاوبشنز الرهيب اللى فيها واللى مش موجود فى التيدا وكمان التيدا دى مابيعجبنيش شكلها الSx4 تكسبها فى الشكل بفرق واضح وكمان فى الكماليات بس عشان الامانة انا ماسوقتش التيدا قبل كده ولا اعرف حد جربها وبصراحة مش باشوفها هنا فى اسكندرية نهائى
الSx4 بدات تنتشر هنا فى اسكندرية خصوصا الهاتشباك عليها اقبال اكتر
وانا كل يوم بحب العربية دى اكتر واكتر وصدقينى لو رجعت تانى كنت هاشتريها برده
وفى ملحوظة كمان مع ان العربية sx4 اوتوماتيك لكن سحبها رهييييييييييب وده برده بشهادة الناس اللى جربتها وربنا يوفقك للخير

**major123** · 19-11-2008 05:03 PM

انا حاسس ان انتى حبة ال Sx4 لو حباها طبعاً توكلى على الله

**bmya** · 19-11-2008 07:16 PM

المشاركة الأصلية كتبت بواسطة shahd

انا فعلا ماركبتهاش قبل كده وباحكم عليها من خلال شكلها الخارجي
لكن انت شجعتني اشوفها ان شاء الله اكيد ..و مين عارف يمكن يكون التغيير على ايدك :)

:wacko:يااااااارب
بصي هي عربيه والله محترمه جداا وفعلا شكلها الخارجي صغير شويه لكن فعلا من جوه حاجه تانيه خاااااااالص وبتاخود 3 مرتاحين جداا انتي بس حاولي تروحي اي معرض كده وتقعدي فيها وانتي مش هتنزلي منها
انا بقولك والله بعت اللانسر اللي كانت وبرده كان شكلها عجبني بس كنت بقول صغيره لحد ماروحت الوكيل بتاعها عندنا في المنصوره وركبتها من جوه حاجه تانيه خالص وكل اللي يشوفها يقولي حرام عليك تبيع لانسر وتجيب توكتوك

بس لما يركبوها من جوه يبقوا مش مصدقين ان هي دي اللي من بره صغيره عموما براحتك برده شوفي انتي مرتاحه لايه واستخيري ربنا كده
بس عموما سيبك خاااااالص من الماتركيس دي عربيه اي كلام
والسوزوكي عربيه جميله فعلا هي بقيت بكام حاليا لانها تقريبا كانت بقرب ال100000

**Dr.A.Nabil** · 19-11-2008 08:14 PM

كان في اخونا كريم منير عامل test drive لل سوزكي sx4 وكان بيقول ان عفشتها ناشفه وصالونها مش مريح

- عموما حضرتك بصي في منتدى هونداي و سوزوكي وشوفي الاراء ايه وهاتقدري تطلعي عيوب كل عربيه

**HANGMAN** · 19-11-2008 11:29 PM

انا بغير اقوالي انا راي بقي تيدا عشان كويسة ووسعة من جوة وبحب الهاتش باك اكتر من ال سيدان
استاخيري احسن

**shahd** · 20-11-2008 12:03 AM

ميرسي يا جماعة بجد على مساعدتكم ليا ..وانا هاستخير ان شاء الله واللي فيه الخير يكتبهولي ربنا ان شاء الله

بس انا كنت قريت في كونتكت كارز ان الsx4 الهاتشباك اوتوماتيك بـ 117900

هل هي كده فعلا ...ولو ده سعرها هل تستحق السعر ده و لا كتير؟؟؟

**K.LOTFY** · 20-11-2008 12:12 AM

المشاركة الأصلية كتبت بواسطة shahd

ميرسي يا جماعة بجد على مساعدتكم ليا ..وانا هاستخير ان شاء الله واللي فيه الخير يكتبهولي ربنا ان شاء الله

بس انا كنت قريت في كونتكت كارز ان الsx4 الهاتشباك اوتوماتيك بـ 117900

هل هي كده فعلا ...ولو ده سعرها هل تستحق السعر ده و لا كتير؟؟؟

أنا لقيتها نفس السعر في مجلة أخبار السيارات

بصراحة أنا شايف سعرها مقبول و مناسب عليها و منافس لأسعار العربيات التانية اللي في نفس الفئة دي

وربنا يوفقك إن شاء الله لو ليكي خير فيها

و لو عايزة حاجة هاتشباك جامدة برضه شوفي الابيزا 1600 CC موديل 2009 حتبقى تقريبا في نفس السعر ده كده

**shahd** · 20-11-2008 03:48 PM

مش عارفة ليه مش برتاح للابيزا ركبتها مرة مارتحتش فيها

**K.LOTFY** · 20-11-2008 05:38 PM

المشاركة الأصلية كتبت بواسطة shahd

مش عارفة ليه مش برتاح للابيزا ركبتها مرة مارتحتش فيها

خلاص طالما ال sx4 مريحاكي هاتيها وأنا شايف أنها ابتدت فعلا تنتشر ودي حاجة كويسة ولو قارنتيها بحاجة تانية قارنيها بالتيدا مش بالماتريكس خالص واللي الاتنين جامدين و أنا كمان محتار ما بينهم :K15: