الموضوع: نيسان صني 2015

المشاركة الأصلية كتبت بواسطة islamboshy

استاذ احمد / العربيه عامله معاك كام كيلو ؟؟؟؟

انا العربيه عاملة معايا 5000 كيلو ورايح اتو ايجيبت ابو رواش اعمل الصيانه الاسبوع دا ان شاء الله

المشاركة الأصلية كتبت بواسطة noureldinhasan

الله يطمنك انا بفكر فيها و كنت مقلق شوية بس قولي ايه تقييمك للفرامل بتاعتها

بص حضرتك انا ماشى بالعربية لحد دلوقتى5000 كيلو واكتر سرعه وصلت بيها بالعربية كانت 140 والثبات كان كويس ..الفرامل لحد دلوقتى ماشاء الله عليها كويسه والحمد لله فى كذا موقف الفرامل طلعت زى الفل ..وبالنسبة لاستهلاك البنزين انا شايف انها موفره بدرجة كويسه..واقدر اقول حضرتك لحد دلوقتى مفيش عيوب ظهرت عندى والحمد لله راضى عن أداء العربية تمام .

المشاركة الأصلية كتبت بواسطة ahmedfrancais

بص حضرتك انا ماشى بالعربية لحد دلوقتى5000 كيلو واكتر سرعه وصلت بيها بالعربية كانت 140 والثبات كان كويس ..الفرامل لحد دلوقتى ماشاء الله عليها كويسه والحمد لله فى كذا موقف الفرامل طلعت زى الفل ..وبالنسبة لاستهلاك البنزين انا شايف انها موفره بدرجة كويسه..واقدر اقول حضرتك لحد دلوقتى مفيش عيوب ظهرت عندى والحمد لله راضى عن أداء العربية تمام .

ربنا يباركلك فيها ،طمنتني انا حسبتها كتير من كل الأوجه و لقيت ان كل الطرق تؤدي الي..نيسان صني

هوا مش المفروض ان احنا عملنا صيانه 1000 كم يعني صيانة 5000 كم تكون علي 6000كم ولا ايه

عندى استفسار بخصوص ال overdrive ...دلوقتى انا لو سرعتى فوق ال 170 و دست على زرار overdrive العربيه على 170 بتكون على الرابع و زرار ال overdriveبيقفل الغيار الرابع معنى كده ان لو دست على زرار ال overdrive و انت فوق ال 170 الموتور هينفجر او الفتيس هيتحرق....اهو عموما انا دوست على overdrive بالغلط و انا فوق ال 170 و مش حصل حاجه يعنى العربيه مش نقلت للغيار ال 3 و اعتقد ده safty فى العربيه السؤال هنا هل المفروض يكون للزرار ده range يعنى هو كدن مش هيشتغل غير من 70 ل 170 و اعتقد ده نفس فكره ال kick down العربيه مش هترضى تعمل kick down على سرعه فوق 170 علشان ال rpm مش يعلى اوى فيبوظ الموتور...ياريت حد فاهم يوضح النقطه ده علشان انا قلقان اكون بوظت حاجه فى الفتيس....و كمان فيه حركه غبيه فى الفتيس نيسان مش عملو حسابها ...دلوقتى لو انت على D و بالغلط ايدك خبطت الفتيس فا ينقل على 2 و لو انت فوق 100 كده يبقي الفتيس راح و ده بقى مكتوب فى المنوال ...الغيار التانى كان مفروض يعملو عليه lock يعنى مش يجى غير بالزرار زى الغيار الاول عملين فيه كده....

انا برضو الحمدلله اشتريت الصني الجديدة 2015 فيس لفت وبصراحة العربية بكل المقاييس مناسبة لكل اسرة وجميلة ومريحة على الطريق وانا سافرت بيها مطروح والقاهرة وثابتة في الارض لحد 160 كمان وصتها هادي والعزل الصوتي فيها بره السرعات الكبيرة جميل وماتسمعش حاجة انا كمان ركبتلها فرش جلد الماني وارضية جلد عشان تستحمل وانشاء الله هاجيبلها الكاسيت الاصلي بالشاشة دفي دي ب 3000 جنيه في الوكالة وبصراحة الوكالة ناس محترمسن جدا من وقت الاستلام لحدم مايرجعوها تاني بيفرشوها ورق على مكان السواق والدركسيون وبيشيكو عليها وتشوفها قدام عينيك بصراحة كسيارة وكوكالة بتعاملهم هايكون لهم مستقبل وسمعه حلوة طبعا العربية شكلها الجديد جميل وتكييفها رائع والكاسيت ممتاز والشنطة واسعة والكاوتش بتعها بريدجستون ياباني انتاج السنة 2015 واستهلاكها للبنزين جدا موفرة بلف يعني داخل المدينة كل 200 احطلها ب 50 جنيه ولما سافرت بيها مطروح فولت في اسكندرية الاول والمرة التانية في مطروح انا لحد دلوقت عامل 2800 كم واللي بفكر يشتريها بقولو اتوكل على الله وهاتها مش هاتندم انا اشتريتها من معرض الطارق في اسكندرية