الناس اللي جربت الالنترا من 2011 وطالع.. افيدوني

انا كنت ناوي علي لانسر شارك.. بس اختي في الامارات معاها الالنترا 2012 ومبسوطه منها وبتنصحني بيها
وجوزها رغم انه معاه نيسان التيما بس بيحب الالنترا عنها!
لعبولي ف دماغي من خصوصا لما عرفت ان الانترا بفتحه سقف ب 170 يعني زي الشارك الكامله واباه تفاديت العيوب الشهيره بتاعه ضيق الشنطه والعزل السئ وضعف السحب مقارنه بالالنترا..
المطلوب منكم تنقلولي انطباعكم او تقييمكم للفتره اللي استخدمتوا فيها العربيه ولو تعرفوا مقارنه عادله بينها وبين الشارك يباه كتر خيركم
وياريت تقولولي اذا عيب علبه الدريكسيون اتعالجت ولا لا.. وهل توكيل غبور كويس وبيغير الحاجات اللي فيها مشاكل فعلا ولا بيماطل؟
والالنترا ثابته لغايه سرعه كام؟
وهل فعلا اي خبطه الصمكري بيتنح فيها ومبيعرفش يرجعها زي الاول بسبب الكيرفات والتمويجات الكتير؟
واثه الفرق بينها وبين السيراتو عشان هنا ف قسم المقارنات كله رجح السيراتو ومقلش اسباب.. وانا لما بصيت علي اوبشنز السيراتو لقيتها زي الالنترا في نفس الفئه السعريه..
اسالتي كتير بس محتاج خبرتكم
وشكرا مقدما

انا معايا الانترا 2015 الي بفتحة سقف و جنط و abs . هي عربية حلوة اوي و ثبات كويس و مريحة و ابشن مش بطال .
الشارك انا مبحبهاش دا غير ان فيها اكتر من 7 فئات ( وكيل و خليجي )
الانترا تتميز عن الشارك انها اوسع و احسن في الاوبشنز و الشكل و الماتور اقوي و قطع غيارها موجودة و رخيصة بالنسبة لل شارك و الثبات تقريبا واحد ..
غبور كا صيانة كويس مش بطال .. و لو العربية فيها حاجة ضد عيوب الصناعة هيعملهالك مفيش مشكلة
السيراتو بقي اخت الانترا هو هو المصنع و هو هو التقفيل و هي هي الخامة بس السيراتو احلا في الاوبشن .. و الانترا احلي من السيراتو في الوسع بتاع الصالون ..
نصيحة اخوية بقي و فكك من الكلام دا كلة ..
لو تقدر تركب سيراتو هاي لاين اللي فيها ليد من ورا اتوكل علي الله لو مقدرتش اركب الانترا اللي هي ب 170
و ربنا معاك ان شاء .. بس ابقي قولي انت اخترت اية في الاخر

السيراتو الهاي لاين بتوصل لفوق ال 200 الف.. لو عرفت اوصل الميزانيه لكده هفكني من كل ده واجيب كورولا طبعا
رغم ان السيراتو فعلا عامله اوبشنز زي الرز ف الفئات العالية
هل سمعت جديد عن عيوب علب الدريكسيون ف الالنترا؟
ومتشكر اوي لاهتمامك

http://www.nilemotors.net/Nile/466520-2015.html

http://www.nilemotors.net/Nile/464480-a.html
www.nilemotors.net/Nile/304665-2010.html
www.nilemotors.net/Nile/269823-2012.html

اقتباس:

---

المشاركة الأصلية كتبت بواسطة 4fun14

السيراتو الهاي لاين بتوصل لفوق ال 200 الف.. لو عرفت اوصل الميزانيه لكده هفكني من كل ده واجيب كورولا طبعا
رغم ان السيراتو فعلا عامله اوبشنز زي الرز ف الفئات العالية
هل سمعت جديد عن عيوب علب الدريكسيون ف الالنترا؟
ومتشكر اوي لاهتمامك

---

لا يا باشا مفيش فيها مشكلة .. دي كانت في 2012 و حلوها دلوقتي و في صنايعية بيحلو الموضوع دا بسهولة

طيب سؤال سريع
انا اعرف ان مواتير الهيونداى عموما والالنترا خصوصا قوى جدا وسريع بس المشكله في الثبات
هل الثبات على 140 مثلا مقبول؟ولا يباه اخرك كام قبل ماتحس ان العربيه بقت خفيفة؟

اقتباس:

---

المشاركة الأصلية كتبت بواسطة 4fun14

طيب سؤال سريع
انا اعرف ان مواتير الهيونداى عموما والالنترا خصوصا قوى جدا وسريع بس المشكله في الثبات
هل الثبات على 140 مثلا مقبول؟ولا يباه اخرك كام قبل ماتحس ان العربيه بقت خفيفة؟

---

لو ب جنط 16 العربية حلوة لغاية 160 170 .
انا عن نفسي بجيب 200 و بكون مش مقلق بس دا علي طريق سفر

شكرا يا أستاذ زيزو..إجابات مختصرة ووافية

طيب كام سؤال كمان معلهش:
1- الصيانات بتتعمل كل 10 الاف كيلو ولا كل 5؟
2-متوسط سعر الصيانه في التوكيل كام؟
3-امبارح عضو عمل قائمة بأسعار قطع غيار الشارك جابلى اكتئاب الحقيقة ومش قادر الاقى موضوع هنا مشابه عن الالنترا..هل الالنترا أسعارها زى الشارك ولا اغلى ولا ارخص؟

بص يا سيدي أنا برضو كنت بفكر أجيب شارك بس اتنين اصحابي كان معاهم شارك و حذروني منها جدا.. مش فاكر ليه بس انا باثق في رأيهم الصراحة فا جبت النترا ٢٠١٣ .

العربية انا مش زعلان منها الحقيقة يعني المشكلة الوحيدة اللي حصلت فيها كانت في الكاسيت و التوكيل غبور غيروهولي في الضمان غير كده العربية تمام الحمد لله انا عامل بيها حوالي ١٤٠٠٠ كيلو.

بالنسبة للصاج انا برضو كنت فاكر زيك كده بس بالتجربة اللي حصلتلي ان العربية اتخبكت مرتين و هيه واقفة و المرتين كانو في نفس المكان بالظبط رفرف و اسضام و باب.. الرفرف بالذات كان معجون علشان كان في مركز الخبطتين . و لرحت لواحد ردهالي علي البارد الحمد لله رجعت زي الاول بالظبط باسثناء الخدوش طبعا.

بالتوفيق :grin02:

اقتباس:

---

المشاركة الأصلية كتبت بواسطة rimounadel

بص يا سيدي أنا برضو كنت بفكر أجيب شارك بس اتنين اصحابي كان معاهم شارك و حذروني منها جدا.. مش فاكر ليه بس انا باثق في رأيهم الصراحة فا جبت النترا ٢٠١٣ .

العربية انا مش زعلان منها الحقيقة يعني المشكلة الوحيدة اللي حصلت فيها كانت في الكاسيت و التوكيل غبور غيروهولي في الضمان غير كده العربية تمام الحمد لله انا عامل بيها حوالي ١٤٠٠٠ كيلو.

بالنسبة للصاج انا برضو كنت فاكر زيك كده بس بالتجربة اللي حصلتلي ان العربية اتخبكت مرتين و هيه واقفة و المرتين كانو في نفس المكان بالظبط رفرف و اسضام و باب.. الرفرف بالذات كان معجون علشان كان في مركز الخبطتين . و لرحت لواحد ردهالي علي البارد الحمد لله رجعت زي الاول بالظبط باسثناء الخدوش طبعا.

بالتوفيق :grin02:

---

شكرا لمشاركتك ياباشا..انا خلاص تقريبا شيلت اللانسر شارك من تفكيرى
طيب ليا شوية اسالة كمان يمكن حضرتك مخدتش بالك منها,
1-الصيانه كل كام الف كيلو؟كل 10.000 ولا 5.000؟
2-متوسط اللى بيتدفع ف الصيانه كام؟
3-قطع غيار الالنترا اغلى من الشارك ولا ارخص؟لان أسعار غيار الشارك جابتلى ازبهلال,الفانوس ب 3500 تقريبا حاجه كده

اقتباس:

---

المشاركة الأصلية كتبت بواسطة 4fun14

طيب كام سؤال كمان معلهش:
1- الصيانات بتتعمل كل 10 الاف كيلو ولا كل 5؟
2-متوسط سعر الصيانه في التوكيل كام؟
3-امبارح عضو عمل قائمة بأسعار قطع غيار الشارك جابلى اكتئاب الحقيقة ومش قادر الاقى موضوع هنا مشابه عن الالنترا..هل الالنترا أسعارها زى الشارك ولا اغلى ولا ارخص؟

---

كل 5 الاف كيلو بس انا عن نفسي بعملها كل 10 الاف عشان اغير زيت بالمرة ..
عموما الصيانة كويسة مش غالية بالنسبة للشارك
الهيونداي ارخص ..
مقدرش افيدك في الاسعار اوي عشان انا لسة مغيرتش حاجة في عربيتي الحمد لله

اقتباس:

---

المشاركة الأصلية كتبت بواسطة 4fun14

شكرا لمشاركتك ياباشا..انا خلاص تقريبا شيلت اللانسر شارك من تفكيرى
طيب ليا شوية اسالة كمان يمكن حضرتك مخدتش بالك منها,
1-الصيانه كل كام الف كيلو؟كل 10.000 ولا 5.000؟
2-متوسط اللى بيتدفع ف الصيانه كام؟
3-قطع غيار الالنترا اغلى من الشارك ولا ارخص؟لان أسعار غيار الشارك جابتلى ازبهلال,الفانوس ب 3500 تقريبا حاجه كده

---

تحت امرك :)
١- بص يا سيدي الصيانات اللي عملتها الألف و الخمسة و العشرة.. اعتقد الصيانة الجاية العشرين ان شاء الله لانب بحط زيت ١٠٠٠٠

٢- مش فاكر قوي بس في العادي يعني.. انا كان معايا قبلها لانوس و مش حاسس اني بقيت بادفع اكتر بكتير يعني.. ممكن تكلم خدمه العملا لو عايز الاسعار بالظبط بس انا شايف يعني الدننا حلوه

٣- الفانوس اللي ورا عندي اتكسر و ناوي اغيره قريب لما سألت عليه لقيته في التوكيل اللي في ش دمشق ب ١١٠٠ جنيه و موجود عن الرجل اللي قدم التوكيل اصلي ١٠٠٪ ب ٦٥٠ جنيه و في منه صيني ب ١٠٠ جنيه تقريبا

بص انا في ناس اتريقت عليا اني دفعت المبلغ دا في عربية كوري و كان ممكن ادفع ١٠٠٠١ بس زيادة و اجيب كوروللا او استرا و انا مازلت مقتنع ان قراري كان صح خصوصا بسبب موضوع اسعار قطع الغيار ده

فرق ال10 الاف فوق ال 170 الف بتوع الالنترا بقت صعبه جدا جدا وحاسس ان العربيه لو غليت اتنين جنيه مش هشتريها لانى أصلا كنت بخطط اشترى ف رينج ال 145 الف بس
ده لسه بترخص 3 سنين وتشترى طفايه ومثلث واسعافات ويستحسن تأمن ع العربية غير البقشيش لكل واحد يعرف انك اشتريت عربيه
انت عملت الصح