صوت تكتكه عند وصول الrpm الي 5.5 - لانوس

السلام عليكم ورحمة الله وبركاته

شباب يارب تكونوا جميعا بألف خير،

الموضوع وما فيه كالتالي:
انا مش متعود احرق بالعربيه وكدا، يعني دايما بمشي بيها علي rpm بحد أقصي ٣ او ٣ونص

بس لما أكون مستعجل او طلبت جنان واجي ادوووس وأبدأ اخلي الآر بي ام يوصل ل٥ و٥ونص اسمع صوت تكتكه مستفز بيخليني اخاف اروح جايب الغيار اللي بعده علي طول، عشان الصوت دا بحسه هيكسر حاجه ف الماتور.

انا مش فاهم بقي ليه الصوت الرخم دا، تكتكه بايخه وتحس التروس بتتكسر ف بعضها او في تروس بتفوت علي بعض بس العربيه ماشيه عادي!

لكن لما ارجع امشي هادي يعني لغاية ٤ أر بي ام او ٤ونص، الدنيا زي الفل مفيش مشاكل هو بس صوت الماتور الطبيعي بيعلي واعتقد دا طبيعي عادي.

انا عندى حاجه شبه اللى عندك ده الميكانيكى قالى
محتاجه طقم سبيكه والله اعلى واعلم

تكتكه ولا تخبيط ..؟؟؟؟

اقتباس:

---

المشاركة الأصلية كتبت بواسطة ayaamna

انا عندى حاجه شبه اللى عندك ده الميكانيكى قالى
محتاجه طقم سبيكه والله اعلى واعلم

---

والله ياغالي مش عارف، بس ثواني انا هوضح اكتر لأبو مازن اللي بيحصل بالضبط، وشوف نفس اللي بيحصل معاك ولا لا.

اقتباس:

---

المشاركة الأصلية كتبت بواسطة abo_mazen

تكتكه ولا تخبيط ..؟؟؟؟

---

بص يابو مازن اللي بيحصل بالضبط كالتالي، عشان انا شرحت الموضوع غلط شويه ف الموضوع فوق.

لما ببدأ احرق بالعربية عداد الآر بي ام بيوصل لغاية ٤ والصوت طبيعي

اول ما ابدا أوصل ل ٤ونص يبدأ صوت التكتكه دا او صوت زي سرنيك كدا ( عارف صوت الخشولة لما تروس تبقي مفوته في بعض مثلا ) ؟ اهو زي كدا ، هو صوت يخوف وكان بيخليني أزود غيار علي طول عشان خايف ع الماتور

بس امبارح نزلت اجرب الموضوع تاني، لقيت أني لما بجمد قلبي وأفضل داااايس لغاية ما أوصل ل ٥ أر بي ام، الصوت بتاع الخشوله دا بيروح وبيرجع صوت الماتور الطبيعي وانقل الغيار اللي بعده علي ٥ونص او ٦ وهكذا

فدا من ايه انا مش فاهم!؟

دى ظاهرة التصفيق و محتاج ضبط الكهربا مع البنزين

اقتباس:

---

المشاركة الأصلية كتبت بواسطة م أحمد

دى ظاهرة التصفيق و محتاج ضبط الكهربا مع البنزين

---

ينصر دينك يا اخي
ايوووووووون هي كأنها بتصقف بالضبط، تقريبا الماتور بيسقفلي عشان وصلت لغاية ٤ونص وأول ما اعديها يبطلوا تصقيف عشان بكون زودتها شويه زياده عن اللزوم :E_braces[1]:

طيب ايه بقي اضبط كهربا مع بنزين دي ازاي!؟

بعد ما بعد ما البساتم تبطل تصفيق و تقعد على كراسى المسرح قصدى كراسى التحميل على عمود الكرنك ، أدخل أى بنزينة محترمة و صقف للعامل علشان يجيلك و يحط لك بنزين كويس ، ممكن تنفحها 95 مرة من نفسها

التصفيق دا خطر على الموتور ، بيحصل إشعال للوقود قبل ميعاده او بعد ميعاده فيضاد حركة البساتم او يدفعها بطريقة غير منتظمة ، كمان كمية شوائب كتير ما بتحترقش لحظة الاشعال هى اللى بتعمل الصوت دا

هو حضرتك بتحط بنزين كام حاليا ؟؟؟؟

اقتباس:

---

المشاركة الأصلية كتبت بواسطة م أحمد

بعد ما بعد ما البساتم تبطل تصفيق و تقعد على كراسى المسرح قصدى كراسى التحميل على عمود الكرنك ، أدخل أى بنزينة محترمة و صقف للعامل علشان يجيلك و يحط لك بنزين كويس ، ممكن تنفحها 95 مرة من نفسها

التصفيق دا خطر على الموتور ، بيحصل إشعال للوقود قبل ميعاده او بعد ميعاده فيضاد حركة البساتم او يدفعها بطريقة غير منتظمة ، كمان كمية شوائب كتير ما بتحترقش لحظة الاشعال هى اللى بتعمل الصوت دا

---

ههههههههه حلو موضوع التصقيف دا يا م احمد، بس ليه كدا انا زعلت لما شوفت كلمة خطر ع الماتور :crying1: دنا اشممها بنزين ٩٩ بس متزعلش لانوستي حبيبتي :E_braces[1]:

اقتباس:

---

المشاركة الأصلية كتبت بواسطة Abo_Mazen

هو حضرتك بتحط بنزين كام حاليا ؟؟؟؟

---

والله ٩٢ وعمري ماحطيتلها ٨٠ غير مرتين كانت أزمة بنزين وكمان كان مخلط يعني كان فيها شويه ٩٢ وزودت ٨٠ :( .
بس دول مرتين بس من ٢٠١٠ :( ، ولا ٩٢ كمان بقي وحش :crying1:

طب يا جماعه اومال ايه سبب اني لما ادوس على دواسة البنزين للاخر و العربية واقفه و على المور تسمع زي صوت تقطيع كده بس الكلام ده لما تجيب اخر دواسة البنزين يعني الصوت ده مبيطلعش و انت ماشي او لو دوست و هي وقفه بس مش للاخر اوي كده متسمعش الصوت برضه

يا سيدى مفيش داعى تدوس للاخر خليها ماشيه
وربنا يسترها معانا ومعاك

اقتباس:

---

المشاركة الأصلية كتبت بواسطة medo_love

طب يا جماعه اومال ايه سبب اني لما ادوس على دواسة البنزين للاخر و العربية واقفه و على المور تسمع زي صوت تقطيع كده بس الكلام ده لما تجيب اخر دواسة البنزين يعني الصوت ده مبيطلعش و انت ماشي او لو دوست و هي وقفه بس مش للاخر اوي كده متسمعش الصوت برضه

---

طيب وحضرتك ليه بتدوس لآخر الدواسه وهي واقفه على المور ..ده حضرتك قلبك جامد قوي ..ما بيصعبش عليك صوت المكنه طيب وهي هتقطع بعضيها من الصوت ده ؟؟؟؟!!!!

اقتباس:

---

المشاركة الأصلية كتبت بواسطة abo_mazen

طيب وحضرتك ليه بتدوس لآخر الدواسه وهي واقفه على المور ..ده حضرتك قلبك جامد قوي ..ما بيصعبش عليك صوت المكنه طيب وهي هتقطع بعضيها من الصوت ده ؟؟؟؟!!!!

---

يا باشا الموضوع جه لما كنت بجرب عشان الشكمان كان فيه مشكله فكنت بسمع الصوت فده اللي خلاني كنت دوستلها للاخر و كنت بشوف لو في دخان بيطلع من الشكمان و لا لأ ..... بس ليه سؤال هو الدوسه للاخر دي غلط اوي كده على الماتور او صوت التقطيع ده سببه ايه

اقتباس:

---

المشاركة الأصلية كتبت بواسطة medo_love

يا باشا الموضوع جه لما كنت بجرب عشان الشكمان كان فيه مشكله فكنت بسمع الصوت فده اللي خلاني كنت دوستلها للاخر و كنت بشوف لو في دخان بيطلع من الشكمان و لا لأ ..... بس ليه سؤال هو الدوسه للاخر دي غلط اوي كده على الماتور او صوت التقطيع ده سببه ايه

---

أنا متهيألي إن الضغط على الموتور بدون حمل أخطر من الضغط عليه بحمل ..لإن هنا قوة الدفع لذاتي للمحرك بتكون أعلى ..أنا أعتقد والله أعلم ..زي كده الخلاط ..عارف الخلاط المنزلي بتاع المطبخ ده ..لو شغلته بدون حمل يتحرق ..عشان قوة الدفع الذاتي للمحرك هتخليه يلف عدد لفات عاليه هتؤدي لتلفه ..

اقتباس:

---

المشاركة الأصلية كتبت بواسطة abo_mazen

أنا متهيألي إن الضغط على الموتور بدون حمل أخطر من الضغط عليه بحمل ..لإن هنا قوة الدفع لذاتي للمحرك بتكون أعلى ..أنا أعتقد والله أعلم ..زي كده الخلاط ..عارف الخلاط المنزلي بتاع المطبخ ده ..لو شغلته بدون حمل يتحرق ..عشان قوة الدفع الذاتي للمحرك هتخليه يلف عدد لفات عاليه هتؤدي لتلفه ..

---

نفس الاحساس بالماتور وانا عند اى ميكانيكى لو مؤاخذة يعد يزود على الفاضى ويعمل فيها بيسمع ام كلثوم وهات تزويد علشان يستقنيص ويطلع العيب ببقا هاين عليا السعة فى ايدة الغبية اللى بيزود بيها
بالنسبة لصاحب المشكلة
ممكن يكون البوابة مبتفتحش للأخر ومبتعديش اكسجين كفاية للحرق الكبير
اكشف على سير التقسيمة وسير المجموعة واعمل فلاش تنضيف للماتور والبوابة
والصوت هيروح ان شاء الله

اقتباس:

---

المشاركة الأصلية كتبت بواسطة modyegypt

نفس الاحساس بالماتور وانا عند اى ميكانيكى لو مؤاخذة يعد يزود على الفاضى ويعمل فيها بيسمع ام كلثوم وهات تزويد علشان يستقنيص ويطلع العيب ببقا هاين عليا السعة فى ايدة الغبية اللى بيزود بيها
بالنسبة لصاحب المشكلة
ممكن يكون البوابة مبتفتحش للأخر ومبتعديش اكسجين كفاية للحرق الكبير
اكشف على سير التقسيمة وسير المجموعة واعمل فلاش تنضيف للماتور والبوابة
والصوت هيروح ان شاء الله

---

يبقى أنا إحساسي صح برضه

اقتباس:

---

المشاركة الأصلية كتبت بواسطة modyegypt

نفس الاحساس بالماتور وانا عند اى ميكانيكى لو مؤاخذة يعد يزود على الفاضى ويعمل فيها بيسمع ام كلثوم وهات تزويد علشان يستقنيص ويطلع العيب ببقا هاين عليا السعة فى ايدة الغبية اللى بيزود بيها
بالنسبة لصاحب المشكلة
ممكن يكون البوابة مبتفتحش للأخر ومبتعديش اكسجين كفاية للحرق الكبير
اكشف على سير التقسيمة وسير المجموعة واعمل فلاش تنضيف للماتور والبوابة
والصوت هيروح ان شاء الله

---

أنا بردوا بتخنق لما الميكانيكي يقعد يحرق ف الماتور بإيده كدا وبقوله خلاص ياعم الحج كفايا وبحس إني عايز اشبعه ضرب :_Alshmokh08[1]:

وأنا والله احترت دا صوت تسقيف ولا مش تسقيف، هو صوت زي خشوله كدا وبيروح بعد ما الار بي ام يعدي ال ٤ونص ويوصل ل٥

المهم روحت لميكانيكي كان غيرلي اسطوانة الدبرياج قبل كدا وعجبني شغله.

وريته المشكله وسمعته الصوت، راح قالي محتاجه بوجيهات، أنا استغربت قولتله ياعم دا صوت تروس بتخشول جوه الماتور!!! قالي لا الموتور مخنوق وعايز يغير بوجيهات!! قولتله ماشي وفعلا انا مكنتش غيرت الوجيهات اصلا من ساعة ما جبت العربيه ووصلت ٦٠ألف كيلو، قولتله هي البوجيهات دي بتتغير كل كام ؟ قالي تقريبا كل ٣ شهور... فأنا اتصدمت ههههههههههه العربية ليها ٥ سنين مغيرتش بوجيهات، قولتله الحقني بالبوجيهات فجاب نوع مكتوب عليه NGK وقالي كويس كانت كرتونه لونها اصفر ب ٨٠ جنية، انا شكيت في رقم ٨٠ دا بس صوت الخشوله كان شاغلني فعديتها يعني بمزاجي. هي الكرتونه فيها ٤ بوجيهات طبعا.

المهم بعد ما غير البوجيهات، قالي جرب
بجرب راح طلع نفس الصوت :_Alshmokh08[1]: قولتله اهو ياعم الحج مش موضوع بوجيهات بقا

راح نزل تحت العربيه وقالي بوابة الشكمان باين هي اللي بتعمل الصوت دا !!!
قولتله واشمعنا يعني بتعمل الصوت دا عند ٤ لغاية ٤ونص ار بي ام وبعدين يختفي الصوت ؟
قالي هي عايزه تتنضف او تتغير بس العربية سليمه وماشاء الله الموتور فايق وزي الفل!

المهم أنا حسيت أني واحد أهبل بيكلم واحد مش فاهم وقولتله تسلم إيدك وسلام عليكم.

شكل عربيتي الوحيده اللي ف العالم اللي فيها الحوار دا :E_braces[1]:

اقتباس:

---

المشاركة الأصلية كتبت بواسطة modyegypt

نفس الاحساس بالماتور وانا عند اى ميكانيكى لو مؤاخذة يعد يزود على الفاضى ويعمل فيها بيسمع ام كلثوم وهات تزويد علشان يستقنيص ويطلع العيب ببقا هاين عليا السعة فى ايدة الغبية اللى بيزود بيها
بالنسبة لصاحب المشكلة
ممكن يكون البوابة مبتفتحش للأخر ومبتعديش اكسجين كفاية للحرق الكبير
اكشف على سير التقسيمة وسير المجموعة واعمل فلاش تنضيف للماتور والبوابة
والصوت هيروح ان شاء الله

---

شكرا على الرد بس هو كده فعلا العربية فيها حاجه لان واحد قالي فبل كده ده طبيعي لما تدوس للعربية للاخر تسمع صوت زي تقطيع كده و هي واقفه بس معرفش ده كده عادي و لا لأ ؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة medo_love

شكرا على الرد بس هو كده فعلا العربية فيها حاجه لان واحد قالي فبل كده ده طبيعي لما تدوس للعربية للاخر تسمع صوت زي تقطيع كده و هي واقفه بس معرفش ده كده عادي و لا لأ ؟؟؟؟؟؟؟؟؟؟؟

---

هي المشكلة فيه صوت حضرتك مش قادر تميز هو تسقيف ولا شخوله ؟؟..ولا في صوت تقطيع لما تدوس على دواسة البنزين للآخر وهي على وضع المور؟؟

لو عايز رأيي محدش بيعرف يضبط الحاجات دي ولا في ميكانيكي هيفهمك أصلا .

أصل هما حاجات كتير بس أنا فعلا أول حاجة جت في بالي موضوع التسقيف ده .
جرب كده تحرق بس تدريجي وببطء .. يعني خلي الـ rpm يعلي بس تدريجي متعملش kick مرة واحدة .
لو مافيش صوت يبقي ده تسقيف وش وضبط كهربا وبنزين .. وأعتقد دي حاجة مشهورة فـ الانوس.

تاني حاجة بص علي سير المجموعه كده ممكن مش مشدود صح .

عامة لو أنا مكانك ... مش هفكر أروح لميكانيكي أصلا ..
همشي كده وأكبر دماغي أحسن من حرقة الدم مع المكيانيكية .

وبصراحة أنا ضميري بيأنبني علي المشاركة دي لإننا إتعودنا في المنتدي ننصح الناس بالصح .
بس المشكلة أن الصح صعب يتنفذ .. وبتالي بنضطر نتعايش مع عيوب عربياتنا .

اقتباس:

---

المشاركة الأصلية كتبت بواسطة graffittiii

لو عايز رأيي محدش بيعرف يضبط الحاجات دي ولا في ميكانيكي هيفهمك أصلا .

أصل هما حاجات كتير بس أنا فعلا أول حاجة جت في بالي موضوع التسقيف ده .
جرب كده تحرق بس تدريجي وببطء .. يعني خلي الـ rpm يعلي بس تدريجي متعملش kick مرة واحدة .
لو مافيش صوت يبقي ده تسقيف وش وضبط كهربا وبنزين .. وأعتقد دي حاجة مشهورة فـ الانوس.

تاني حاجة بص علي سير المجموعه كده ممكن مش مشدود صح .

عامة لو أنا مكانك ... مش هفكر أروح لميكانيكي أصلا ..
همشي كده وأكبر دماغي أحسن من حرقة الدم مع المكيانيكية .

وبصراحة أنا ضميري بيأنبني علي المشاركة دي لإننا إتعودنا في المنتدي ننصح الناس بالصح .
بس المشكلة أن الصح صعب يتنفذ .. وبتالي بنضطر نتعايش مع عيوب عربياتنا .

---

والله لو حضرتك تقصد الحاجات اللي الواحد يطنشها في العربية فهي كتير ..عندي صوت حاجه بتلق من ورا عندي لما أبقى نازل من على المطب ..وبصراحه مش عاوز أفتح في العفشه من ورا ..ومطنش ..وأهي ماشيه

اقتباس:

---

المشاركة الأصلية كتبت بواسطة abo_mazen

هي المشكلة فيه صوت حضرتك مش قادر تميز هو تسقيف ولا شخوله ؟؟..ولا في صوت تقطيع لما تدوس على دواسة البنزين للآخر وهي على وضع المور؟؟

---

حضرتك انا المشكله اللي عندي صوت التقطيع لما تدوس للعربية للاخر و هي على المور ......... و انا واحد تاني اصلا غير اللي بيشتكي من الشخلله و التسقيف بس كتبت المشاركه هنا بمشكلتي ........ و بعتذر عن اللغبطه دي

اقتباس:

---

المشاركة الأصلية كتبت بواسطة medo_love

حضرتك انا المشكله اللي عندي صوت التقطيع لما تدوس للعربية للاخر و هي على المور ......... و انا واحد تاني اصلا غير اللي بيشتكي من الشخلله و التسقيف بس كتبت المشاركه هنا بمشكلتي ........ و بعتذر عن اللغبطه دي

---

هههههههههههه يا غالي ولا يهمك

انا هسيبها تشخلل وأمري علي الله

لأن فعلا ولا ميكانيكي ولا بتاع زيوت ولا اي حد اعرفه فاهم أنا بقوله إيه

طيب نقول انتوا هنا ف المنتدي معاكوا حق مش سامعين الصوت، طيب واللي بروحلهم بالعربيه وبسمعهم الصوت ؟؟؟؟؟؟؟؟

أقسم بالله بيقفوا متنحين ويقولولي ايوا يعني المشكله فين؟

أقولهم انت مش سامع الشخلله دي؟ يقولي لا الموتور زي الفل

بس أنا مخنوق وحاسس انه مش طبيعي رسمي :_Alshmokh08[1]:

لسه بقي هديها مشوار الغردقه عشان اوريها للتوكيل !؟

نفسي أوصل ل ٥ آر بي ام من غير ما اسمع الخشوله دي :(

شكلي انا مجنون يا رجاله :B4_592:

اقتباس:

---

المشاركة الأصلية كتبت بواسطة w.eltayeb

هههههههههههه يا غالي ولا يهمك

انا هسيبها تشخلل وأمري علي الله

لأن فعلا ولا ميكانيكي ولا بتاع زيوت ولا اي حد اعرفه فاهم أنا بقوله إيه

طيب نقول انتوا هنا ف المنتدي معاكوا حق مش سامعين الصوت، طيب واللي بروحلهم بالعربيه وبسمعهم الصوت ؟؟؟؟؟؟؟؟

أقسم بالله بيقفوا متنحين ويقولولي ايوا يعني المشكله فين؟

أقولهم انت مش سامع الشخلله دي؟ يقولي لا الموتور زي الفل

بس أنا مخنوق وحاسس انه مش طبيعي رسمي :_alshmokh08[1]:

لسه بقي هديها مشوار الغردقه عشان اوريها للتوكيل !؟

نفسي أوصل ل ٥ آر بي ام من غير ما اسمع الخشوله دي :(

شكلي انا مجنون يا رجاله :b4_592:

---

على فكره أنا تخيلت الصوت اللي عندك ..هو صوت حاجه بتشخلل في حاجه ..زي ما يكون صوت وره كده أو صوت كرررر مع الحرق الجامد ..لو الصوت زي ما وصفته كده ومتخيلة في دماغي ..يبقى ده حوار كهربا