صوت تكتكه عند وصول الrpm الي 5.5 - لانوس

**W.eltayeb** · 13-06-2015 09:45 PM

السلام عليكم ورحمة الله وبركاته

شباب يارب تكونوا جميعا بألف خير،

الموضوع وما فيه كالتالي:
انا مش متعود احرق بالعربيه وكدا، يعني دايما بمشي بيها علي rpm بحد أقصي ٣ او ٣ونص

بس لما أكون مستعجل او طلبت جنان واجي ادوووس وأبدأ اخلي الآر بي ام يوصل ل٥ و٥ونص اسمع صوت تكتكه مستفز بيخليني اخاف اروح جايب الغيار اللي بعده علي طول، عشان الصوت دا بحسه هيكسر حاجه ف الماتور.

انا مش فاهم بقي ليه الصوت الرخم دا، تكتكه بايخه وتحس التروس بتتكسر ف بعضها او في تروس بتفوت علي بعض بس العربيه ماشيه عادي!

لكن لما ارجع امشي هادي يعني لغاية ٤ أر بي ام او ٤ونص، الدنيا زي الفل مفيش مشاكل هو بس صوت الماتور الطبيعي بيعلي واعتقد دا طبيعي عادي.

**ayaamna** · 14-06-2015 11:56 AM

انا عندى حاجه شبه اللى عندك ده الميكانيكى قالى
محتاجه طقم سبيكه والله اعلى واعلم

**Abo_Mazen** · 14-06-2015 02:51 PM

تكتكه ولا تخبيط ..؟؟؟؟

**W.eltayeb** · 14-06-2015 03:13 PM

المشاركة الأصلية كتبت بواسطة ayaamna

انا عندى حاجه شبه اللى عندك ده الميكانيكى قالى
محتاجه طقم سبيكه والله اعلى واعلم

والله ياغالي مش عارف، بس ثواني انا هوضح اكتر لأبو مازن اللي بيحصل بالضبط، وشوف نفس اللي بيحصل معاك ولا لا.

المشاركة الأصلية كتبت بواسطة abo_mazen

تكتكه ولا تخبيط ..؟؟؟؟

بص يابو مازن اللي بيحصل بالضبط كالتالي، عشان انا شرحت الموضوع غلط شويه ف الموضوع فوق.

لما ببدأ احرق بالعربية عداد الآر بي ام بيوصل لغاية ٤ والصوت طبيعي

اول ما ابدا أوصل ل ٤ونص يبدأ صوت التكتكه دا او صوت زي سرنيك كدا ( عارف صوت الخشولة لما تروس تبقي مفوته في بعض مثلا ) ؟ اهو زي كدا ، هو صوت يخوف وكان بيخليني أزود غيار علي طول عشان خايف ع الماتور

بس امبارح نزلت اجرب الموضوع تاني، لقيت أني لما بجمد قلبي وأفضل داااايس لغاية ما أوصل ل ٥ أر بي ام، الصوت بتاع الخشوله دا بيروح وبيرجع صوت الماتور الطبيعي وانقل الغيار اللي بعده علي ٥ونص او ٦ وهكذا

فدا من ايه انا مش فاهم!؟

**م أحمد** · 14-06-2015 03:24 PM

دى ظاهرة التصفيق و محتاج ضبط الكهربا مع البنزين

**W.eltayeb** · 14-06-2015 03:29 PM

المشاركة الأصلية كتبت بواسطة م أحمد

دى ظاهرة التصفيق و محتاج ضبط الكهربا مع البنزين

ينصر دينك يا اخي
ايوووووووون هي كأنها بتصقف بالضبط، تقريبا الماتور بيسقفلي عشان وصلت لغاية ٤ونص وأول ما اعديها يبطلوا تصقيف عشان بكون زودتها شويه زياده عن اللزوم

طيب ايه بقي اضبط كهربا مع بنزين دي ازاي!؟

**م أحمد** · 14-06-2015 04:06 PM

بعد ما بعد ما البساتم تبطل تصفيق و تقعد على كراسى المسرح قصدى كراسى التحميل على عمود الكرنك ، أدخل أى بنزينة محترمة و صقف للعامل علشان يجيلك و يحط لك بنزين كويس ، ممكن تنفحها 95 مرة من نفسها

التصفيق دا خطر على الموتور ، بيحصل إشعال للوقود قبل ميعاده او بعد ميعاده فيضاد حركة البساتم او يدفعها بطريقة غير منتظمة ، كمان كمية شوائب كتير ما بتحترقش لحظة الاشعال هى اللى بتعمل الصوت دا

**Abo_Mazen** · 14-06-2015 04:18 PM

هو حضرتك بتحط بنزين كام حاليا ؟؟؟؟

**W.eltayeb** · 14-06-2015 04:50 PM

المشاركة الأصلية كتبت بواسطة م أحمد

بعد ما بعد ما البساتم تبطل تصفيق و تقعد على كراسى المسرح قصدى كراسى التحميل على عمود الكرنك ، أدخل أى بنزينة محترمة و صقف للعامل علشان يجيلك و يحط لك بنزين كويس ، ممكن تنفحها 95 مرة من نفسها

التصفيق دا خطر على الموتور ، بيحصل إشعال للوقود قبل ميعاده او بعد ميعاده فيضاد حركة البساتم او يدفعها بطريقة غير منتظمة ، كمان كمية شوائب كتير ما بتحترقش لحظة الاشعال هى اللى بتعمل الصوت دا

ههههههههه حلو موضوع التصقيف دا يا م احمد، بس ليه كدا انا زعلت لما شوفت كلمة خطر ع الماتور

دنا اشممها بنزين ٩٩ بس متزعلش لانوستي حبيبتي

المشاركة الأصلية كتبت بواسطة Abo_Mazen

هو حضرتك بتحط بنزين كام حاليا ؟؟؟؟

والله ٩٢ وعمري ماحطيتلها ٨٠ غير مرتين كانت أزمة بنزين وكمان كان مخلط يعني كان فيها شويه ٩٢ وزودت ٨٠ :( .
بس دول مرتين بس من ٢٠١٠ :( ، ولا ٩٢ كمان بقي وحش

**medo_love** · 14-06-2015 08:18 PM

طب يا جماعه اومال ايه سبب اني لما ادوس على دواسة البنزين للاخر و العربية واقفه و على المور تسمع زي صوت تقطيع كده بس الكلام ده لما تجيب اخر دواسة البنزين يعني الصوت ده مبيطلعش و انت ماشي او لو دوست و هي وقفه بس مش للاخر اوي كده متسمعش الصوت برضه

الموضوع: صوت تكتكه عند وصول الrpm الي 5.5 - لانوس

LinkBack

أدوات الموضوع

عرض

صوت تكتكه عند وصول الrpm الي 5.5 - لانوس - انشر الموضوع فى :

-

-

-

-

-

المواضيع المتشابهه

الrpm مابينزلش

دايو لانوس : صوت تكتكه وتعبت مرفق فيديو

الrpm مش مزبوط

الrpm ده طبيعى و لا لأ ؟

عن الrpm و rbm

الكلمات الدلالية لهذا الموضوع

المفضلات

المفضلات

ضوابط المشاركة