صنى الشكل القديم 2015 ولا لوجان هاى لاين 2015

**pinocchio** · 16-06-2015 10:20 PM

المشاركة الأصلية كتبت بواسطة J A G U A R

انا شايف ان حضرتك موضح لنفسك كل حاجه ومش فاضل غير تشوف ايه اللي يناسبك وتختار
انا لو مكانك اختار الصنى بلا تردد وميشغلنيش الرفاهيه اللى ف اللوجان .. كلها حاجات تتركب ف اقل محل اكسسوارات فى البلد .. ورغم ان الصنى شكلها قديم بس شكلها كلاسيك وليها ستايل محترم وشكله احسن من اللوجان بمراحل اللى كل ما اشوفها احس انها كنزه كده ومش مرتاحه ف المشى

وصلي استخاره وربنا يوفقك ان شاء الله

المشاركة الأصلية كتبت بواسطة AymanEF

انا رايى الصنى لانى شخص كل ما اهتم به حاجات معينه
1- اداء الموتور و تكيف العربيه
2- ازاز كهربا و سنتر و كاسيت اسمع اغانى و بس مش مهتم بقا بالكمبيوتر و الكلام دا
3- توفير البنزين و سى سى العربيه و للعلم انى مبحبش عربيه اقل من 1500 سى سى عشان بسافر كتير
4- الوسع يهمنى و العربيه عاليه و لا لاء

شوف انتا احتياجاتك ايه لانها وجهات نظر و مش كل الناس هتكون زى بعض

مع الاختفاظ بمكانه العربيتين لان الفرنساوى لا يقل احتراما او جوده عن اليابانى

هى المشكلة فعلا بالنسبالى ان انا عارف كل مميزات وعيوب اللوجان والصنى. بمعنى ان مفيش معلومة معينة نقصانى لو عرفتها هقدر اتخذ القرار الصحيح. ومع كدة بردو مش قادر اختار واقرر انة فيهم الانسبلى

**AymanEF** · 17-06-2015 01:02 PM

طيب هجيبهالك من جهه نظر تانيه انتا من النوع الى ممكن يلف على ميكانيكى و يلف على ارخص قطع غيار و لا مش فارق معاك كل الى تعملو ترميها للتوكيل خلاص ؟

**J A G U A R** · 17-06-2015 02:20 PM

المشاركة الأصلية كتبت بواسطة pinocchio

هى المشكلة فعلا بالنسبالى ان انا عارف كل مميزات وعيوب اللوجان والصنى. بمعنى ان مفيش معلومة معينة نقصانى لو عرفتها هقدر اتخذ القرار الصحيح. ومع كدة بردو مش قادر اختار واقرر انة فيهم الانسبلى

لا معلش بالطريقه دى مش هاتشترى عربيه

**arc_sherif_81** · 18-06-2015 03:18 PM

لو هبيع و اغير في خلال سنتين يبقي صني
لو هتخلي العربيه 5 او 6 سنين علي الاقل يبقي لوجان

**pinocchio** · 19-06-2015 02:23 AM

المشاركة الأصلية كتبت بواسطة arc_sherif_81

لو هبيع و اغير في خلال سنتين يبقي صني
لو هتخلي العربيه 5 او 6 سنين علي الاقل يبقي لوجان

هى العربية اللى هشتريها هتعيش معايا على الاقل 10 سنين وممكن لوفضلت حالتها كويسة تقعد لحد 15 او 20 سنة لان اصلا انا نسيت اقول ان العربية هتكون لمراتى او المدام و انا معايا اوبل فكترا 98 اوتوماتيك 2000 cc عاملة 60 الف كيلو واخدها من والدى وكانت معاة من الزيرو ومريحانى جدا و مش بفكر اغيرها خالص واحنا اصلا استهلاكنا للعربية قليل جدا يعنى ممكن نعمل 6 الاف فى السنة وانا شايف ان العربية وسيلة مواصلات لا اكثر ولا اقل و غلط ان انا اغير عربيتى كل كام سنة علشان ملليت منها بس. انا ضد دة تماما. لكن انا اسف مافهمتش قصد حضرتك لية لو هبيع بسرعة اجيب صنى ولو هخليها اجيب لوجان؟؟؟