الموضوع: تكلفة الصيانات لل 316i موديل 2015

ممكن اعرف تكاليف الصيانه الدورية لل 316i موديل 2015 , يعنى تكلفة صيانه ال 10,000 , 20,000 كم وهكذا وهل فعلا قطع الغيار غاليه جدا" لهذة العربية .
علشان ناوى اشتريها ان شاء الله وقلقان من موضوع الصيانات وقطع الغيار .

قطع الغيار غالية الكاوتش ب 1600 جنية الفردة عمرة اﻻقصى 35000 بس ممكن يتصلح و لو اتخرم ياخد خوابير زى التيوبليس العادى ..و الجنوط اﻻلمونيوم طرية وبتتعوج لو كلت بيها مطبات كتير.. لو المراية فيها وحدة ضم تبقى الواحدة معدية 12 الف لكن لو مفهاش ..زى موديل 2013 تبقى ب 6500..الفوانيس اﻻمامية والخلفية فى تجار بتبيع الواحد ب 4 اﻻف جنية هيا حلوة وجميلة ومن اجمل ما انتجت المانيا فتيسها جميل اﻵى جرايف هيعجبك بس عاوزة قلب تقيل فى السواقة عشان تتجرأ تدخل بيها فى الزحام وانت مش خايف..حافظ عليها تحافظ عليك خد بالك الصالون مش واسع. قوى والكراسى واطية شوية وربنا يوفقك

الف شكر على الرد , بس معندكش معلومات عن اسعار الصيانات وهل هى عربية تستحمل وله لازم معامله خاصة يعنى من الاخر حمارة شغل وله لا

الاسعار دى اسعار اشياء مش مستهلكة بمعنى انها مش بنود بتحصل كل فترة وممكن ما تحصلش , بمعنى انك مش كل يوم هتغير مرايا , انا سؤالى على اسعار الصيانات وقطع الغيار المستهلكة من الاستخدام ( تيل , فلاتر , زيوت , وهكذا) , هى دى اللى تخوف مش المرايا ام 12000 جنية .