مشكله فى لانسر شاارك ضروووووووووورى

**sherif309** · 15-06-2015 09:59 AM

انا عندى العربيه بتشتغل بريموت بصمه. وبتدور ستارت انجن.. كنت داخل مطعم واديت لواحد يركن العربيه وانا خارج راح جبهالى بعد اما روحت بحاول اقفل العربيه بالبصمه طبها لاقيتها مبتقفلش وطبعا ولا بدور والعدادات كتبالى Invalid Key لفيت تقريبا مصر كلها على حد بتاع مفاتيح مشفرة او ريموت بصمه عشان يحل المشكله وطبعا .... ولا اى حاجه.
لدرجه انى رحت التوكيل فتخيلو بيقولولى هيغيرو الضفيرة وهتتكلف حوالى 16 الف وسيبها اسبوع وسيب عربون 1000..... ههههههه طبعا كلام خيالى.

يا جاعه حد يفيدنى فى الريموت والبصمه عشان انا هتجنن

**محمود فرنسا** · 15-06-2015 10:06 AM

طب ماتغير لوحة البصمة كلها !!
لو انت من الهرم او قريب ممكن تروح لـ ابراهيم الكهربائى اعتقد هيفيدك ف الموضوع ده
كان قالى انه بيركب البصمة بـ 350 ج
مكانه خلف قاعة سيد درويش الكونسفتوار خاتم المرسلين

**aymanshebl** · 15-06-2015 10:13 AM

متابع

**sherif309** · 15-06-2015 11:21 AM

يا ريت لو رقم تليفون

**Abo_Mazen** · 15-06-2015 11:23 AM

طيب هو يكون السايس بتاع الجراج عمل فيها إيه يعني ..؟؟

**محمود فرنسا** · 15-06-2015 12:47 PM

فى الحقيقة انا مش معايا رقم تليفونو بس لو عايز تروحلو هو عنوانه سهل لو وصلت عند قاعة سيد درويش هتدخل شارع العروبة اللى على اوله الشبراوي وهتسئل على مدرسة العمرانية الخاصة الورشة بتاعته قدامها اسمه ابراهيم

**a7medalaa** · 15-06-2015 12:55 PM

جربت المفتاح ال spare ممكن يكون الريموت نفسه باظ او ممكن يكون بدل المفاتيح من غير ما يقصد بس دارت عشان مفتاحها كان في جيبه

**mazen56** · 15-06-2015 08:49 PM

انا عندي تقريبا نفس المشكلة بس في الكيا سيراتو . المشكلة مش عارف حلها ورحت عند 3 كهربائيه ولا حد عرف اي حاجه فيها المشكله ان لما اجي اركن واطفي الموتور من مفتاح start key المفروض ان الموتور يطفي والسنتر يفتح والساعه وشاشه التابلوه تنطفي لكن احيانا ينطفي الموتور فقط انا بفتح السنتر مانيوال وبعد لما انزل ادوس على البصمه علشان السياره تقفل لا تستجيب ادوس على الريموت بتاع السياره بينور ولكن السياره لا تستجيب اضطر انا اقفلها بالريموت فصل السياره ولكن بعد مرور ساعه السياره تفتح السنتر والساعه وشاشه التابلوه بيطفو
انا مش عارف الحل مع العلم ان كل كهربائي ارحله بيركب جهاز كشف الاعطال وبيقولي مش عارف السبب

**sherif309** · 16-06-2015 08:36 AM

يا جماعه حد يرد علينا يكون قابلته نفس المشكله او على الاقل يكون يعرف حد بيصلح الحجات دى.
التوكيل بصراحه ايدك منه والارض... والناس الى برة كلهم فتاين وحدش عارف حاجه.. فياريت حد متخصص يقولنا موضوع الشفرة دة بيتحل ازاى

**Abo_Mazen** · 16-06-2015 08:50 AM

المشاركة الأصلية كتبت بواسطة sherif309

يا جماعه حد يرد علينا يكون قابلته نفس المشكله او على الاقل يكون يعرف حد بيصلح الحجات دى.
التوكيل بصراحه ايدك منه والارض... والناس الى برة كلهم فتاين وحدش عارف حاجه.. فياريت حد متخصص يقولنا موضوع الشفرة دة بيتحل ازاى

ما هو لو حضرتك تروح التوكيل تشوف إيه الحل وتحاول تحل المشكلة بره التوكيل ..هيبقى حضرتك برضه مسكت العصايه من النص..يعني تخلي التوكيل يشخص المشكلة وتحل بره التوكيل