عكس اتجاه الكوتش لحفظ الإتزان!!!

**DReaMaKeR** · 16-06-2015 12:53 AM

ياشباب انا محتاج استشارة فنية ضروري جدا
الحمدلله النهارده غيرت 4 فرد بعد ما القديم ماكان هايفرقع خلاص :d
بعد ماركبتهم رحت اضبط زوايا العربيه وطلعنا نجربها بقت بترمي يمين! الراجل قالي ده الكوتش وصمم نعكس الفردتين الي قدام
بعد العكس العربية رمت يمين شوية!! راح فاكك الفرده اليمين وعدل النقشة (يعني القدام شمال هي بس الي نقشتها مقلوبة واليمين اتعدلت صح)
العربيه بقت ماشيه زي الفل! يمكن صفرت معيا مره لمه لفيت شمال على سرعه
الراجل مصر ان الموضوع ده عادي واني مارجعشي للي باعي الكوتش
وقالي امشي كده 5000ك وافك الفرده والعدلها وارجع الإتنين القدام وراه وهم مع الوقت هايتضبطوا!
انا عارف ان ده عيب صناعه وان من حقي اغير الفرده
انتوا ايه رايكم! والكلام ده صح فعلا انه عادي واله ايه؟

**Abo_Mazen** · 16-06-2015 11:10 AM

أنا مش عاوز أحبطك ..بس لو رجعت للي باعلك الكاوتش مش هيعترف بموضوع عيب صناعه ده ..هيقولك تاريخ الإنتاج جديد ..وحتى لو تاريخ الإنتاج قديم شوية ..هيقولك إنت كنت عارف ..وهيقولك إنت اللي بوظت الكاوتش ..تلاقيك لبست مطب جامد أو حفره لوحت الكاوتش..وهيقولك أنا ركبت الكاوتش ليك وأديك شايف النقشه بتاعته زي الفل والفرده هيفكها قدامك وهيحطها كده ويقولك بص ..ويقوم دايس عليها وهيقولك بص ..العجلة أهي مفيهاش تنميل ولا فيها الهوا ..فمش هتوصل معاه لحاجه ..ثانيا ..في مشاكل فعلا بتتحل بإنك بتعكس الكاوتش ..وخصوصا لما تبقى مشاكل حدفه غير مفهومة السبب ..كنت قريت هنا مشاركة لواحد كان شاري فيرنا زيرو ..وكان عنده مشكلة حدفه مش لاقي ليها حل ..وكل لما يروح التوكيل يعملو ليه ضبط زوايا ومفيش فايده ..قام مبدل العجل ..الحدفه راحت ..فعادي ..ممكن يكون أحد الحلول إنك تبدل اليمين شمال والشمال يمين ..حكاية بقى عكسة النقشه دي أنا بصراحه شايفها مش صح ..لإن المفروض أصلا أصلا بتاع الزوايا ما يقفلش شغله غير لما يتأكد إن الكاوتش كله واخد العدل بتاعه ..يعني مفيش نفشه معكوسه ولا حاجه مقلوبة ..أنا معرفش إزاي أصلا بتاع الزوايا أقنع نفسه ..مش أقنعك ..لأ ..أنا بقول أقنع نفسه أصلا إن الحل إن العجله تركب نقشه معكوسه ..هي أصلا العجلة اللي نقشتها معكوسه دي عامله خلل في الإتزان العام بتاع الأربع عجلات ..وبما إن الكاوتش على العدل بتاعه في مشكلة فمع وجود الخلل ده المشكلة متدارية ومش ملحوظة ..لكن خسارة الكاوتش اللي نقشته معكوسه ده يتاكل أو بتنحل ..وأديك شفت برضه بنفسك ..العجل إستغاث لما أخدت ملف عفي شوية وقام مصفر ...الحل ..بما إن الكاوتش لسه جديد وعمره زي بعض ولسه ملحقتش أصلا تمشي بيه ..وعشان ما تدخلش في حوارات مع بتاع الكاوتش ..لإن أكيد بتاع الكاوتش مش هيلبس نفسه في أربع فرد كاوتش ..تجيب واحده من اللي ورا قدام ..أو تجيب الإثنين اللي ورا قدام ..وتجيب القدام ورا ..وهما أصلا مع المشي هيضبطوا لوحدهم ..بس الفكره إن الحدفه ورا لما بتبقى جايه من الكاوتش وحدفه ضعيفة مش باينه ..ما بتعملش حاجه

لو بتاع الكاوتش معرفه وليك كلام معاه أو إنك ضامن إنه هيبدل الكاوتش بدون مشاكل أو حوارات ..يبقى بدل الكاوتش .أو إعمل موضوع اللي ورا قدام واللي قدام ورا وريح نفسك

**DReaMaKeR** · 16-06-2015 12:07 PM

المشاركة الأصلية كتبت بواسطة abo_mazen

أنا مش عاوز أحبطك ..بس لو رجعت للي باعلك الكاوتش مش هيعترف بموضوع عيب صناعه ده ..هيقولك تاريخ الإنتاج جديد ..وحتى لو تاريخ الإنتاج قديم شوية ..هيقولك إنت كنت عارف ..وهيقولك إنت اللي بوظت الكاوتش ..تلاقيك لبست مطب جامد أو حفره لوحت الكاوتش..وهيقولك أنا ركبت الكاوتش ليك وأديك شايف النقشه بتاعته زي الفل والفرده هيفكها قدامك وهيحطها كده ويقولك بص ..ويقوم دايس عليها وهيقولك بص ..العجلة أهي مفيهاش تنميل ولا فيها الهوا ..فمش هتوصل معاه لحاجه ..ثانيا ..في مشاكل فعلا بتتحل بإنك بتعكس الكاوتش ..وخصوصا لما تبقى مشاكل حدفه غير مفهومة السبب ..كنت قريت هنا مشاركة لواحد كان شاري فيرنا زيرو ..وكان عنده مشكلة حدفه مش لاقي ليها حل ..وكل لما يروح التوكيل يعملو ليه ضبط زوايا ومفيش فايده ..قام مبدل العجل ..الحدفه راحت ..فعادي ..ممكن يكون أحد الحلول إنك تبدل اليمين شمال والشمال يمين ..حكاية بقى عكسة النقشه دي أنا بصراحه شايفها مش صح ..لإن المفروض أصلا أصلا بتاع الزوايا ما يقفلش شغله غير لما يتأكد إن الكاوتش كله واخد العدل بتاعه ..يعني مفيش نفشه معكوسه ولا حاجه مقلوبة ..أنا معرفش إزاي أصلا بتاع الزوايا أقنع نفسه ..مش أقنعك ..لأ ..أنا بقول أقنع نفسه أصلا إن الحل إن العجله تركب نقشه معكوسه ..هي أصلا العجلة اللي نقشتها معكوسه دي عامله خلل في الإتزان العام بتاع الأربع عجلات ..وبما إن الكاوتش على العدل بتاعه في مشكلة فمع وجود الخلل ده المشكلة متدارية ومش ملحوظة ..لكن خسارة الكاوتش اللي نقشته معكوسه ده يتاكل أو بتنحل ..وأديك شفت برضه بنفسك ..العجل إستغاث لما أخدت ملف عفي شوية وقام مصفر ...الحل ..بما إن الكاوتش لسه جديد وعمره زي بعض ولسه ملحقتش أصلا تمشي بيه ..وعشان ما تدخلش في حوارات مع بتاع الكاوتش ..لإن أكيد بتاع الكاوتش مش هيلبس نفسه في أربع فرد كاوتش ..تجيب واحده من اللي ورا قدام ..أو تجيب الإثنين اللي ورا قدام ..وتجيب القدام ورا ..وهما أصلا مع المشي هيضبطوا لوحدهم ..بس الفكره إن الحدفه ورا لما بتبقى جايه من الكاوتش وحدفه ضعيفة مش باينه ..ما بتعملش حاجه

لو بتاع الكاوتش معرفه وليك كلام معاه أو إنك ضامن إنه هيبدل الكاوتش بدون مشاكل أو حوارات ..يبقى بدل الكاوتش .أو إعمل موضوع اللي ورا قدام واللي قدام ورا وريح نفسك

كتر الف خيرك انت راجل محترم :) والموضوع مش احباط بس للأسف في مصر لازم نحارب عشان ناخد حقنا
النهارده العربية رجعت تحدف على السرعات وفوق ال 140 فيه رجه جامده
انا فعلا هارجع لبتاع الزوايا اخليهم يلف ال 4 عجلات ويضبط الزويا تاني والله المستعان
الف شكر ليك :)

**Abo_Mazen** · 16-06-2015 12:09 PM

المشاركة الأصلية كتبت بواسطة dreamaker

كتر الف خيرك انت راجل محترم :) والموضوع مش احباط بس للأسف في مصر لازم نحارب عشان ناخد حقنا
النهارده العربية رجعت تحدف على السرعات وفوق ال 140 فيه رجه جامده
انا فعلا هارجع لبتاع الزوايا اخليهم يلف ال 4 عجلات ويضبط الزويا تاني والله المستعان
الف شكر ليك :)

خلي بالك خيار إنك تجيب الكاوتش اللي ورا قدام واللي قدام ورا ..ده متاح قدامك ..لإن لسه الكاوتش جديد وعمره زي بعض ..فده يبقى إحتمال برضه وارد إنك تعمله لو هيحل المشكلة