غالبا العنوان من مش واضح عشان كده هفسر كلامي
دلوقتي لو شوفت فولت البطارية والعربيه مبطله هلاقيها 12 فولت مثلا
طب لو دورت العربيه وضغطت علي البنزين ضغطه حلوه وقست الفوت في نفس الوقت هلاقي 13 فولت مثلا
السؤال هنا
هل تغيير الفولت ده بتحس بيه اللمبات و مكونات العربيه ولا لأ؟ بمعني ان هل هناك جهاز مسئول عن تثبيت الفولت لمكونات السيارة؟
تصدق فعلا سؤال مهم ..إيه اللي بيخلي الفولت ثابت بتاع الكهرباء وميخليهوش يزيد مع زيادة سرعة الدينامو ...المفروض فعلا لما العربية تمشي على سرعة 180 مثلا ..كل اللمض اللي في العربية تتحرق عشان الكهربا الزايده ..بس إستنى ...الكتاوت بيقوم بالدور ده ..كتاوت الدينامو هو اللي بيعمل الموضوع ده ...لإن لو عندك مشكلة في كتاوت الدينامو هتلاقي النور بيضعف مع السلانسيه ويزيد مع السرعه ..هو الكتاوت ياريس اللي بيعمل الموضوع ده ...لإن الكتاوت محول رفع ..بياخد كهرباء الدينامو القليلة ويقوم رافعها وفي حالة زيادة كهربا الدينامو عن حد معين يقوم الكتاوت يثبت الفولت عند حد معين ..يبقى هو الكتاوت
اعتقد الموضوع مش كدة الدينامو بيشحن البطارية ومن البطارية يتم توزيع الكهرباء 12 فولت على العربية يعنى مفيش اتصال مباشر بين تيار الدينامو و اجهزة العربية و البطارية فقط هى مصدر كهرباء السيارة و الصادر منها 12 فولت مهما كان قوة التيار الداخل لها بالزيادة وليس العكس يعنى لو مفيش شحن للبطارية طبعا هتنام علشان كده الكهرباء ثابته و ياريت متخصص يشاركنا فى الحوار
أعتقد ده الجهازاقتباس:
المشاركة الأصلية كتبت بواسطة amagroup
Pivot Mega Raizin Universal Fuel Saver Voltage Stabilizer Regulator Grounding | eBay
http://i.ebayimg.com/00/s/MTYwMFgxNj...Tm3Lx/$_57.JPG
ياباشا البطارية دورها بينتهي بعد تشغيل السيارة مباشرة ..البطارية ليها وظيفتين ..بدئ التشغيل للمحرك ..والمشاركة في الأحمال الزائدة على الدينامو ..حضرتك ممكن تشيل البطارية والعربية شغاله عادي جدا ..جرب كده شغل العربية وإفصل البطارية مش هتلاقي أي مشكلة ..اقتباس:
المشاركة الأصلية كتبت بواسطة ali ashraf
شكرا على الرد انا الحقيقة طبيب وده كان مجرد تخمين يبقى اكيد فى حاجة زى الاستبليزر اللى بنستخدمه فى البيت لتثبيت التيار مع الفارق ان الاول متردد والثانى هيكون ثابت و برضه ده تخمين مش معلومةاقتباس:
المشاركة الأصلية كتبت بواسطة abo_mazen
ما هو الكتاوت اللي بيقوم بالدور دهاقتباس:
المشاركة الأصلية كتبت بواسطة ali ashraf
أولا شكرا ليكم جميعا علي الاهتمام وسرعة الرد
ثانيا كل كلامكم جميل بس انا لفت نظري المشاركة دي
لو كان الكتاوت بيقوم بالدور ده فعلا يبقي المفروض ان لما اقيس الفولت الاقيه ثابت في أي حال مش كده برضه ولا أيه ؟!؟!اقتباس:
المشاركة الأصلية كتبت بواسطة abo_mazen
عموما تعالوا نفكر بشكل تاني
هل لو قست الفولت لتغذيه لمبه هلاقيه متغير حسب ضغطة البنزين ولا لأ؟؟
طبعا تجربه ده هتفهمنا حاجات كتيير لان لو لقينا الفولت ثابت علي اللمبات يبقي في جهاز مخصص لتثبيت الفولت
في دايره تثبيت جهد بيسموها السليكونايه حسب ما افتكر بتكون راكبه على الدينامو
علي ما اعتقد السليكونات لتوحيد خرج تيار الدينامو وجعله تيار مستمر فقط ولا علاقه له بثبات الفولت
باشا مفيش محول رفع او خفض ,المسمي خطأ بكتاوت الدينامو هو voltage regulator او مثبت الجهد .مجموعة ترانزستورات بتخلي جهد الدينامو ثابت في حدود مدي معين .في اغلب السيارات 12-15 volt ,واحيانا بيلحق ديودات التوحيد.اقتباس:
المشاركة الأصلية كتبت بواسطة Abo_Mazen
http://www.bputah.com/Disco%20Parts/...r_AMR4247K.jpg
اقتباس:
المشاركة الأصلية كتبت بواسطة abo_mazen
باشا القصة دي اتهرست في موضوع سابق ,وتاني اللي مصدق ان دور البطارية بينتهي بعد الدوارة في الاتومبيلات الالكتروني ,ياريت يشيلها فعلا والبكا يبا علي راس الميت.
طيب ما أنا عندي شلت البطارية والعربية شغاله محصلش حاجه !!!!اقتباس:
المشاركة الأصلية كتبت بواسطة mecha
قصدك لما الكهربائي اسمو ايه كام بيجرب حاجه , لا شيلها خالص وامشي ودوساقتباس:
المشاركة الأصلية كتبت بواسطة abo_mazen
اللى بينظم جهد الدينامو هو منظم الجهد وده بيبقى راكب جوه الدينامو
بيحافظ على تيار الدينامو فى حدود 12 ل14.5 و15 فى بعض العربيات وكمان بيحافظ على ان لو الدينامو شحنه قل لاى سبب جهد البطاريه مايروحش للدينامو زى فى حاله لو انت مبطل العربيه
وفعلا البطاريه دورها بينتهى بعد تدوير المحرك لكن فى العربيات الحديثه لو شيلتها العربيه فى الغالب بتبطل لان الكنترول اقلا بيراقب جهد البطاريه ويعرف هى مشحونه ولا لا وطبعا مجرد ماتشيل البطاريه العربيه تبطل
لانه بيبقى فيه طرف اسمه g بيبقى راكب فى القطاش السالب بيتحكم فى جهد الدينامو وطرف fr بيقيس جهد الدينامو وطبعا اللى بيوصله المعلومه هو pcm كنترول الموتور
+ اصلا جهد الحث اللى رايح للدينامو عشان يولد مجال مغناطيس لملفات العضو الثابت بيجى من البطاريه فى بدايه الدوران لكن بعد كده الجهد ده بيخرج من الدينامو بس مع زياده سرعه المحرك بيحتاج ان جهد الحث ده يزيد عشان يولد جهد اعلى فبياخد من البطاريه تانى لحد لما جهد الدينامو يعلى عشا كده لو شيلت البطاريه وفرضا ان العربيه فضلت دايره مع تزويد البنزين هتلاقى ان اى لمبه ولو صغيره ضوئها بيزيد ويقل مع rpm والكلام ده تشوفه فى الموتوسيكلات بتاعه زمان اللى مكانش فيها بطاريه
اقتباس:
المشاركة الأصلية كتبت بواسطة besso
معلومات جديدة و جميلة و مفيدة جدا
موتوسيكلات زمان شغاله بمجنيتو مختلف خالص عن الدينمو الحالي اللي 3 فاز.اقتباس:
المشاركة الأصلية كتبت بواسطة besso
كانت نفس الفكره بردو كل الاحمال شغاله على الدينامو
لما كنت تزود بنزين تلاقى النور بيشد
حتى مكنش حد بيعرف يركب حاجات اضافيه فيه زى كلاكس كبير مثلا
لاحظوا ان اثناء شحن البطارية ولما تقيس أي طرف موجب مع سالب هتلاقي الفولت ازيد من 12 فولت
وعشان كده انا بتوقع ان لو قست علي طرفي أي دوايه لمبه بين الموجب والسالب هتلاقي الفولت ازيد برده لانها في الأول وفي الاخر دائرة كهربيه واحده
إلا لو في حاجه بتاخد من البطاريه بعد كده وتعمل voltage regulator او تثبيت جهد لدخل البطاريه علي المكونات الكهربيه عشان تفضل علي طول 12 فولت ومتعرضش اللمبات للحرق
ومثال علي كده مره حصل معايا ان كتاوت الدينامو باظ وفضل يشحن البطاريه علي طول فطبعا البطاريه ضربت واعتقد لو كنت بالليل سعتها كان اللمبات اتحرقت لان الفولت فضل مثلا علي 15فولت عشان استمرار الشحن
ولا انا كلامي غلط!!!
مظبوط لو قيست اى دوايه لمبه وانت مدور هتلاقيها اكتر من 12 ويمكن 13 كمان
الطبيعى اصلا وانت مبطل هتلاقى البطاريه حوالى 12.30 مبالك وانت مدور ؟
وده مافيهوش مشكله وامان ودوائر الكهرباء مصصمه انها تتحمل اكتر من كده بدون مشاكل