أساءل عن اى شي فى الدايو

**SAEDDAEWOO** · 05-12-2008 04:43 PM

المشاركة الأصلية كتبت بواسطة alymoussaly

السلام عليكم
الاستاذ / سعيد دايو
تحية طيبة

هل من الممكن انى احول عربيتى النوبيرا العادة الى اوتوماتيك
وهل يوجد مساوئ لها بعد كدة
وياترى التكلفة التقريبية كام ؟؟؟؟

والف شكر

*******************

تم تنبيهك اكثر من مرة لعدم الاعلان عن ورشتك داخل المنتدى بدون اتفاق مسبق مع الادارة

تحذير ثانى لمخالفة قواعد المنتدى

مشرف القسم

**nadeem** · 06-12-2008 03:27 PM

والله يا استاذ سعيد الراجل عايز الاجابة بنعم او لا والسلبيات اللي ممكن تحصل للعربية اذا تم تحويل العربية الى اوتوماتيك وانت عاوز اتحط اعلان لورشتك حاول تكون ايجابي في المنتدى وتفيد الناس من خبرتك .

**TAROKA1** · 07-12-2008 12:42 AM

ممكن تكون الرجه دى يكون الكوتش ملوح لان دا حصل معايه فى الانوس
وغيرت العجل الامامى والحمد لله مفيش حاجه دلوقت
طارق بورسعيد

**besso33** · 08-12-2008 01:16 AM

المشاركة الأصلية كتبت بواسطة besso33

سيارتي لانوس اتوماتيك موديل 98 ومشكلتها لما بطلع بيها اي مطلع بتيجي علي السرعة بين 40 و 50 كيلو متر/ ساعة وبلاقي السرعة دي بقت ثابته وعداد الأر بي ام بيفضل يزيد وبضطر اوقف العربية وادورها من جديد علشان تتظبط مع انها سحبها في العادي ممتاز ، رجاء الإفادة عن السبب مع اني غيرت زيت الفتيس والجوان وبرضوا لم تحل المشكلة ، ارجو من حضرتك ان تساعدني وياريت تدلني علي عنوانك

منتظر رد حضرتك يا باشمهندس سعيد ضروري

**islamkhidr** · 08-12-2008 05:20 PM

السلام عليكم جميعا

كل سنة وإنتم طيبيين وفى أحسن صحة وسعادة

ياجماعة أنا معايا دايو لانوس 2000 أوتوماتيك الحمد لله كويسة جدا

من يومين بس حصل فيها حاجة غريبة و أنا مش عارف أعمل إية !!!

أولا أنا مابعرفش فى قراية عداد الـ Rpm هوة عندى متقسم من صفر لحد 8

لما بتكون العربية واقفة ثابتة فى مكانها وهية دايرة بيبقى المؤشر تحت الشرطة رقم 1 بشوية وطبعا بيعلى كل ما أدوس بنزين وبينزل لما بشيل رجلى من على البنزين

اللى حصل دلوقتى إنى وانا ماشى براحة على التانى مثلا و اشيل رجلى من على البنزين مابيوطاش تانى ويفضل عالى شوية على الشرطة بين رقم 1 و 2 مابينزلش غير لو دست فرامل كتير علشان ينزل و العربية تفرمل شوية لأنها بتبقى سريعة

كان شغال كويس قبل كدة وبينزل لواحدة والعربية كانت مظبوطة لكن دلوقتى الموتور بقى عالى شوية ومش عايزة تهدى لواحدها لازم أفرمل كل شوية

ياريت تنصحونى أعمل اية خصوصا إنى مسافر بيها فى العيد

**ايهاب سمير** · 08-12-2008 09:03 PM

الحقنى يا باشمهندس طلمبة البنزين وقفت وغيرتها وبدل الكتاوت فى علبة الفيوزات والفيو سكمان شيكت عليه والطلمبه برضه ما اشتغلتش من فضلك ايه احتمالات العطل وادور فى ايه علشان الاجازه كده باظت وكل سنه وانت طيب

**TAROKA1** · 22-12-2008 02:23 PM

حد يقولى اعطال الفتيس لانوس 2 الاوتوماتيك والصيانه واذا انا بسمع تكتكه اعمل ايه والتكتكه دى بتيجى منين وشكرا

**hillal** · 23-12-2008 06:13 PM

انا عندى العربية بتدخن ياباشمهندس واحد الاعضاء جزاه الله افادنى ان سبب الدخان هو الاويل سيل بوش السلندر ده طبعا استنتجه من كلامى ممكن اعرف التكلفة كام وفين المكان اللى اقدر اصلح فين وانا مطمان ياريت الرد منك ومن اعضاء المنتدى سريعا وشكرا

**ashrafhassan** · 24-12-2008 10:42 AM

طيب انا عاوز اسئل سعادتك عن عمر الكاوتش الصح لاننى مغير ببيرجستون وانا كنت عامل 120000 ودلوقتى انا عامل 156400 وايه المفروض والصح لعمر الكاوتش فى الدايو - لانوس