ماهى مميزات وعيوب الكرولا العيون؟ ولماذا الناس تخاف منها

**borio1704** · 19-06-2015 02:46 PM

أعتقد إن المشكلة الأساسية فيها إنها كانت أول كورولا تنزل مصر وما كانتش تقفيل ياباني (أعتقد إنها كانت تايلاندي).

ده غير إن في الفترة دي كان سوق السيارات في مصر كان منتشر فيه العربيات "المحروقة" بكثرة.. وكلمة "محروقة" مقصود بيها إن سعرها محروق وأقل من قيمتها بكتير نتيجة ممارسات كانت التجار بتعملها علشان تمشي البضاعة الراكدة عندها.

أنا فاكر كويس إن الكورولا دي كانت بتتباع "محروقة" بحوالي 45 ألف جنيه.. في حين إن سعرها من التوكيل كان حوالي 55-60 ألف.

...

**borio1704** · 19-06-2015 04:56 PM

المشاركة الأصلية كتبت بواسطة Mecha

فعلا الفتره دي فيالتسعينات كان فيه فقر في السيوله ,والتجار كانت بتحرق السعر عشان يجيبوا كاش.
بالمناسبه اللوجو بتاعك يا بشمهندس هو بتاع التويوتا القديم ,شفته في فورك تويوتا عتيق.

أيوه.. اللوجو ده فعلا بتاع تويوتا في السبعينات والثمانينات... الفترة الذهبية لصعود السيارات اليابانية.

أنا عن نفسي بحب اللوجو ده أكتر من لوجو تويوتا الحالي.. خصوصا إنه بيفكرني بسيارة والدي "تويوتا كريسيدا 82" واللي سقتها أنا شخصيا فترة كبيرة جدا.

...

**tasaka** · 21-06-2015 06:07 PM

المشاركة الأصلية كتبت بواسطة mecha

فيه قصه ماشيه عن كريسيدا التمانينات دي ,ان شركة تويوتا بتمقتها .لانها مستنفعتش منها في قطع الغيار هههههههه.

العربيه دى فى السعوديه كان هناك رقابه من المرور على ترخيصها و الاهتمام بها بالذات

كانت سريعه جدا فى الصحراء .. و اعتقد انهم فعلوا ذلك بسبب المهربين مثلا .. الله اعلم

الله يرحم السبعينيات .. الداتسون 140 بى و الداتسون 180 بى .. و بعدين المازدا 929 الاسبور القديمه و الداتسون 240 .. عربيات جميله ايضا

**Abo_Mazen** · 21-06-2015 09:35 PM

المشاركة الأصلية كتبت بواسطة tasaka

العربيه دى فى السعوديه كان هناك رقابه من المرور على ترخيصها و الاهتمام بها بالذات

كانت سريعه جدا فى الصحراء .. و اعتقد انهم فعلوا ذلك بسبب المهربين مثلا .. الله اعلم

الله يرحم السبعينيات .. الداتسون 140 بى و الداتسون 180 بى .. و بعدين المازدا 929 الاسبور القديمه و الداتسون 240 .. عربيات جميله ايضا

مكانش لسه بقى طلع الحقن الالكتروني والمحركات الألمونيوم ..كانت الدنيا لسه سهلة في عالم الميكانيكا نوعا ما

**hardmind_doc** · 22-06-2015 01:34 AM

انا معايا كورولا عيون من سنة تقريبا
هى نفس عفشة وموتور الموديل اللى قبلها بس اختلاف الشكل وان المساعدين اقصر فى الموديل السابق
لو قدامك حالة كويسة توكل على الله
العربية كاعتمادية رقم 1
ولكن الموتور ال 1300 اداءه ضعيف شوية وان كان بيأدى برضو وبيوصل ل 140 بس مع التكييف بيموت بالذات لو الجو حر
الثبات معقول وان كان بيضيع بعد ال 120 وكمان لو فى مقطورة معدية بتحس العربية بتلعب من ورا جامد
استهلاك البنزين معقول جدا من 200 ل 230 كيلو فى الصفيحة حسب الاستخدام والقرص والتكييف
طبعا التكييف تلاجة لو مظبوط ومشحون
المساحة الداخلية ضيقة شوية من ورا خاصة انى طويل وبارجع الكرسى للاخر
طبعا الارتفاع عن الارض تعتبر واطية شوية خاصة لو محمل مش هتحك فى المطبات العادية لكن رسمى هتحك فى الجبال بتاعت الارياف
قطع الغيار معمرة وان كانت غالية شوية
يعنى الكبالن الخارجية اليابانى حوالى 600
فلتر التكييف 60 الاصلى
فلتر الزيت 45 الاصلى
فلتر الهوا 125 تقريبا الاصلى
البوجيهات تقريبا 80 جنيه الاصلى
بارات الدريكسيون 240 يابانى والاصلى 1580
طقم السيور الاصلى يعدى ال 700 جنيه
الخلاصة ... لو لقيت حاجة خليجى كاملة 1600 توكل على الله مش هتندم