Persona

**hemedah** · 15-11-2008 03:46 PM

يا جماعة اولا لازم نشكر القائمين على المنتدى ده
حقيقى من المنتديات القليلة الى ممكن نستفيد منها
المهم ... انا من اسكندرية و لسه راجع من عند معرض عز العرب
انا حجزت البرسونا .. عربية روعة بس فيه شئ غريب
زى ما يكون الى عملوها بخلو عليها
يعنى حاجات بسيطة قوى ناقصة مثلاً :
1 - تتخيلو العربية مفيهاش ريموت .. مش مشكلة
2 - تتخيلو مفيهاش سنتر ... مشكلة
3 - طبعا مفيش Abs - Abd
4 - 2 ازاز كهربا بس
انا بصراحة كنت خايف ما يكونش فيها تكييف !! .. و الغريب فعلاً ان البورشور بتاعها قايل ان فيها كل ده !!
بس عموما برضو انا حجزت و هستلم بكره ان شاء الله .. على فكرة انا بتكلم على المانيوال
ربنا يسهل و تطلع عربية حلوة .. انا حاسس كده

**Ayman_52** · 15-11-2008 04:26 PM

مبـــــــــــــــروك الف الف مبرووووووووووووك

ربنـا ريباركلك فيها يارب ...ويحفظهالك ويكفيك شرها ...وتستلم بكره على خير ان شاء الله

مبــــــــــــــــــــروك

**mazagnge** · 15-11-2008 06:27 PM

هو عمو عز كدة له حاجات غريبة

لكن اللى انت طالبة موجود في العربية برضة بس بجميع الكماليات و كلة بحسابة مع ملاحظة ان العربية فول ابشن اتوماتيك فقط و معرفش لية ؟؟؟؟؟؟؟؟؟؟

مبروكة عليك ان شاء الله .... و منتظرين تقريرك بعد الاستلام + الصور+ و مقلتش اخترت لون اية يا مان ؟

**khpopo** · 15-11-2008 07:33 PM

مبروووك وعقبال ماتستلم وتنبسط منها ويحميهالك
العربية الى انت حجزتها النسخة الاساسية ودة مانيوال واتوماتيك ولكن النسخة الكاملة اتوماتيك لذلك مفيهاش الكماليات الى قولتها لكن انشاالله العربية كويسة وهاتعجبك والف مبروك الحجز
ربنا يوفق

**elmadawy** · 15-11-2008 07:36 PM

الف مبروك علي العربية وربنا يباركلك فيها إن شاء الله

**mayki4u** · 15-11-2008 07:42 PM

الف مبرووك يا برينس
وواحده مبروك تانى عشان دخولك جروب البروتوناويه
وإن شاء الله تستلم على خير
بس متنساش زى ما قاللك مزاجنجى
عشان الناس تستفاد
خاصة انك اول واحد بيرسوناوى فى المنتدى هيبقى ( والله أعلم ) .

**mino** · 15-11-2008 08:56 PM

دي اكيد اللي ب 80000 هما نزلوا الشريحة دي عشان انتشار العربية و دي تعتبر فول اوبشن بالنسبة لماركات تانية كتير من ضمنها الافيو و الياريس علي ما اعتقد بتبقي زجاج امامي كهربا فقط في الفول اوبشنز

و مبروك عليك العربية الجميلة

**essamostafa** · 15-11-2008 11:35 PM

السلام عليكم ورحمة الله وبركاته.
ربنا يباركلك فيها ان شاء الله ويديك خيرها يكفيك شرها..
الصراحة موضوع الاوبشنز بتاع العربية والعلاقة بينه وبين الفتيس اذا كان مانيوال ولا اوتوماتيك انا شايف انه زي العلاقة بين البطيخة والفيل (اي حاجة). يعني انا مثلا واحد عاوز جميع الكماليات وفي نفس الوقت تكون مانيوال. تلاقي عمك التوكيل منزل العربية مانيوال ناقصة حاجات تلاقيها في الاوتوماتيك يعني يا اما تسوق اوتوماتيك يا ترضى بالاوبشنز القليلة. طب ليه ياعم الحاج هوه فيه ايه اختلف يعني ماتعرفش (اي حاجة برضه).
ليه العربية ما تنزلش المانيوال زي الاوتوماتيك بس فرق الفتيس بس؟؟؟:k15: (سؤال غريب ما جاوبش عليه) وعلي فكرة ده مش في البيرسونا بس فيه عربيات كتيرة على نفس المنوال.
وعجبي

**bishoo33** · 16-11-2008 12:37 AM

مبروك ياباشا وتتربى فى عزك
ربنا يكفيك شرها ويمتعك بيها

**ahmedsiyam** · 16-11-2008 09:36 AM

العربية مافيهاش اى مشكلة من ناحية المواصفات
نازلة نص كماليات و ثمنها 80000 جنيه لا تقلق و البرشور اللى حضرتك شوفته ده اكيد بتاع الاوتو الكاملة اللى بـ 91000 جنيه

الموضوع: Persona

LinkBack

أدوات الموضوع

عرض

-

-

-

-

-

-

المواضيع المتشابهه

persona P3-21A

My new proton persona :))

m11 vs persona

انا استلمت Persona النهارده ( باقى موضوع Persona )

Persona

الكلمات الدلالية لهذا الموضوع

المفضلات

المفضلات

ضوابط المشاركة