مشكلة غريبة فى النترا 2008
السلام عليكم
انا اشتريت النترا 2008 من 6 شهور لى العداد وقتها 113 ألف و دلوقتى 120 ألف بس من يوم ما اشتريتها حاسس ان صوتها عالى شوية و عزمها أقل من مثيلاتها بنسبة ملحوظة و كذلك التسارع مكنش وحش بس أقل من الطبيعى و بعد شهر غيرت زيت موبيل 10000 لزوجة 5-50 و فلتر الويت ثم بعد شهرين لقيت انى محتاج ادوس دواسة البنزين اكثر علشان تدينى نفس العزم و التسارع بشكل رخم و لاحظت رعشة خفيفة فى السلانسيه و احيانا لا تستجيب الا بالكيك داون و برده مش زى الاول فرحت للميكانيكى نضف بوابة و جبت بوجيهات Mobis ( Ngk ) نضفت حساس الماب باسبراى الكترونيات و الايدل فاتحسنت بنسبة ملحوظة بس لمدة يومين تلاتة بس و الرعشة فى السلانسيه بقت تيجى و تروح و بعد كدة بيوم او اتنين لمبات النقلات 3 و 2 و 1 بقت بترعش وميض سريع بشكل عشوائى بس غالبا لما بدوس دواسة البنزين جامد سنة للنص مثلا بس ممكن ترعش فى اى وقت بشكل عشوائى على فترات زمنية مختلفة.
كشفت بالكمبيوتر ملقتش أعطال و غيرت فلتر هواء اصلى من غابور جبته من المنصورة مخصوص فتحسنت بنسبة بسيطة يعنى لسة صوتها عالى و تسارع وحش من غير الكيك داون و تسارع تعبان قوى مع التكييف حتى مع الكيك داون مع التكييف صوتها بيعلى قوى كما قمت بتغيير حساس الماب و مفرقش
الخلاصة انا عاوز حد يساعدنى و يقترح عليا ايه ممكن يكون سبب بطئ السحب من غير الكيك داون و ترعيش لمبات النقلات 3 و 2 و 1 فى التابلوه و الصوت العالى مع العلم انها اوقات تكون مضبوطة و ناعمة و حلوة جدا و سحبها ممتاز بس بشكل عشوائى و قليل جدا جدا يمكن اقل من 3% من اوقات استخدامى لها و هل التكييف ( تكييف بكر بخنق العربية ديه قوى كده )
[CENTERو لكم جزيل الشكر[/CENTER]
مع الاسف طلع عيب بنزين ( نفسى اعرف مغشوش بإيه)
سبحان الله حطيت بنزين مرة واحدة كده العربية اتحسنت جدا لغاية لما حطيت بنزين تانى برده اوحشت قوى بالنسبة للصوت و الاداء باقى بس ترعيش لمبات النقلات فى التابلوه ارجوكم لو حد عارف ايه ممكن يكون السبب يقوله و كل سنة و انتم طيبين