بسم الله الرحمن الرحيم
السلام عليكم و رحمة الله و بركاته
حبيت بس اعملكم تقرير سريع عن صيانة الـ 10000 بالرغم ان التقرير متأخر شوية بس نظرا لظروف معرفتش كتبه
العربية رينو لوجان مانيوال 2015
بداية حجزت لصيانة الـ 10000و كالعادة مكنش فيه ايام فاضية قبل اسبوع
روحت لهم الساعة 8:30 الصبح و كالعادة الاستقبال كويس
المرة ديه لقيت مهندس شاب جديد صغير في السن هو اللي هيستلم العربية مني
و كان عندي مشاكل كالعادة
صوت و رجرجة الدريكسيون و طلع عندي مشكلة قطمة الدريكسيون برده
اصوات من الشنطة و الموتور و التابلوه او الباب اللي جنب الراكب اللي جنبي للمرة التالتة
تزييق الفرامل الخلفية و دواسة الدبرياج للمرة التالتة
تنفيث الشكمان مازال موجود
استلموا العربية و بدأ الانتظار الطويل كالعادة
في الأول لما المهندس جرب العربية قالي مفيهاش قطمة الدريكسيون لكن الورشة جوة بلغوه انها موجودة بالفعل
تم في الصيانة تغيير الزيت و فلتر الهوا و باقي الصيانة زي تربيط عفشة و مراجعة السوائل و خلافه
اما بالنسبة تيل الفرامل ابلغوني ان لسه عليه شوية
استلمت العربية ع حوالي الساعة 2
و مكنتش مغسولة و لاول صيانة تتغسل من ساعة ما روحت لهم كل مرة كنت بستلمها ماسحينها بس و لولا اني ببقي مستعجل لأن كل مرة كنت بخلص ع الساعة 4 مكنتش استلمت
طبعا ادوني ايصال بتغيير قطمة الدريكسيون و قالولي لما توصل هنكلمك و من ساعتها محدش عبرني
بعد الصيانة حاجات ظهرت و للأسف مش عارف اروح لهم قبل الصيانة الجاية ع اقل تقدير
و هي شخللة بتظهر من التابلوه مكنتش موجودة قبل الصيانة
تزييق مع تشغل او قفل التكييف مكنتش موجودة قبل الصيانة
تزييق دواسة الدبرياج رجع تاني
دراع النور و الكلاكس بيعلق و النور بيطفي و يشتغل لوحده
ده غير ان الاصوات الغريبة اللي بسمعها من وقت للتاني و تزييق الفرامل الخلفية لسه زي مهي
و الله اعلم هيظهر ايه تاني
و الصيانة ع ما اتذكر اتكلفت 700 و كسور
و انتظروا ان شاء الله تقارير الصيانات القادمة
المفضلات