حالة من الملل !

**ESO101** · 19-06-2015 04:30 AM

بمر بحالة ملل فظيعة .. أول مرة ييجي رمضان وأنا بكل الملل دا
أنا حتى عربيتي حسيت إني مش طايقها ونفسي أغيرها
مش حاسس بطعم الأكل
الفطار محسيتش بلهفة الصايم على الأكل كأني مش جعان
أكلت لقمتين وحسيت بالشبع
أرق ومش قادر أنام ساعتين على بعض
وحتى القرآن اللي كنت ناوي أخلص جزء منه النهردة شغلته يوتيوب من غير تلاوة

هل ممكن الجوع والتغيير المفاجئ في نظام اليوم يتسبب بالحالة دي .. ؟
إزاي أقدر أتغلب على الشعور دا !!

**kaza** · 19-06-2015 08:57 AM

اعمل اي حاجة بتحبها او سافر ..المهم تغير روتين حياتك اليومي ومش لازم بتكاليف كبيرة ..لا ابسط الاشياء ..اتمشي علي الكورنيش ...اصطاد سمك ...اركب العربية وشغل الكاسيت وعلية ...شوف حد من اصحابك او اخواتك واخرج معاة في اي حتة ..دور علي جامع كبير قديم وروح صلي فية واقرا جزئك هناك ...اسئل الله ان يخرجك من الحالة دة ويعافينا واياك وتاكد ان المولي في ايدية تغيير الحال وكل سنة وانت طيب

**ESO101** · 19-06-2015 10:14 AM

المشاركة الأصلية كتبت بواسطة kaza

اعمل اي حاجة بتحبها او سافر ..المهم تغير روتين حياتك اليومي ومش لازم بتكاليف كبيرة ..لا ابسط الاشياء ..اتمشي علي الكورنيش ...اصطاد سمك ...اركب العربية وشغل الكاسيت وعلية ...شوف حد من اصحابك او اخواتك واخرج معاة في اي حتة ..دور علي جامع كبير قديم وروح صلي فية واقرا جزئك هناك ...اسئل الله ان يخرجك من الحالة دة ويعافينا واياك وتاكد ان المولي في ايدية تغيير الحال وكل سنة وانت طيب

وحضرتك طيب وبألف خير
أنا بعد ما عملت خروج من المنتدى أخدت العربية وخرجت شوية على الكورنيش
وقفلت الموبايل ولسه راجع عشان أجهز للصلاة
لسه حاسس بالملل متغيرش شعوري
هحاول أعمل اقتراحك .. جزاك الله خير

**engineer_Amr** · 19-06-2015 12:47 PM

وحضرتك كده من أول رمضان بس ولا من قبل كده كمان ؟؟

**ESO101** · 19-06-2015 02:27 PM

المشاركة الأصلية كتبت بواسطة engineer_amr

وحضرتك كده من أول رمضان بس ولا من قبل كده كمان ؟؟

مع بداية رمضان للأسف
يوم واحد مش مشكلة لو هعرف أتأقلم بعده بس أكتر من كدا جنون

**أبو آسر** · 19-06-2015 03:31 PM

حاسس ان رمضان السنة دي مش زي كل سنة ومش حاسس بنفس الفرحة ونفس الأجواء الرمضانية بتاعة كل سنة وعندي نفس حالة الملل والزهق وفتور عن العبادات وبرده مش زي كل سنة خاصة في أول الشهر اللي بتحس فيه بنشاط وهمة وعزيمة ممكن تقل مع مرور أيام الشهر بس علطول كده من أول الشهر ! أكيد في حاجة غلط يمكن فيا يمكن في الأجواء العامة حواليا يمكن في الاتنين !
ربنا يلطف بينا

**Abo_Mazen** · 19-06-2015 07:26 PM

look around ..شوف إحنا وصلنا لفين وإنت تعرف الناس مالها ملوله ليه ..الناس مستنية مصايب هتحصل بعد العيد وبتحاول تأهل نفسها ليها ..كذا واحد يكلمني يحسسني إن نهاية العالم بعد العيد ..البنزين هيغلى ..والأسعار هتزيد ..وقانون الخدمة الجديد اللي هيتبطق وهينزل المرتبات أو على الأقل هيضمن عدم زيادتها بأكتر من 5 في المائة في السنين اللي جايه ..كل ده بعد العيد..بجد عندي إحساس إني مش عاوز بعد العيد ده ييجي ..

نصيحه مني ..فر إلى الله ...

**4fun14** · 20-06-2015 06:17 PM

انا كمان بمر بحاله نفسيه سيئه جدا من بدابه رمضان وفتور من كل شئ
لدرحه اني مش شايف الانتحار قضيه كبيرة

**Mohamed.Muslim** · 21-06-2015 01:40 AM

زور أى مستشفى , ادخل قسم غسيل الكلى , ادخل قسم العلاج الكيماوى , اعقد على اى كرسى فى المستشفى و اتفرج على المرضى اللى رايحين و جايين .......

حتحمد ربنا
و زى ما أحد الاعضاء قال : فروا الى الله ........

-

الموضوع: حالة من الملل !

LinkBack

أدوات الموضوع

عرض

حالة من الملل ! - انشر الموضوع فى :

-

-

-

-

-

المواضيع المتشابهه

نكته علشان نكسر الملل

بيجو تتحدي الملل

لوجان تتحدى الملل .....

الملل هيخنقنى

الكلمات الدلالية لهذا الموضوع

المفضلات

المفضلات

ضوابط المشاركة