الموضوع: جواز الصالونات و الخداع

المشاركة الأصلية كتبت بواسطة mody1982

في البدايه احب اشكر من رد عليا
ثانيا بالنسبه لموضوع التواصل بيني بينها من غير شئ رسمي انا عارف انه مش مقبول بمعايير كتير بس هو بقي حاجه كده من الاعراف اللي موجوده في جواز الصالونات و ظهرت من 4 سنين مثلا نتيجه نسبه الفشل في الجواز المرتفعه في المجتمع فالناس بقت تدي نفسها وقت للكلام و التعارف اكتر حتي قبل قرايه الفاتحه او الخطوبه
طبعا انا مش هتكلم عن كل الناس بس انا و ربنا يعلم بتكلم معاها كأني بتكلم مع واحد صاحبي
ثالثا للناس للي بتلومني علي قلقي يا جماعه انا خايف من الفشل في الزواج او اني ابقي اسأت الاختيار و اتخدعت في الناس اللي هناسبهم او ان البنت تكون بتمثل انها طيبه
اساسا اكتر حاجه قلقاني منها انها بتتناقش كتير ده قالقني انها تبقي عنيده او غير مطيعه بعد الجواز رغم ان كلامها ان هي شايفه ان الطاعه للزوج مفروضه عليها من ربنا
هي بتصلي و ملتزمه و متدينه بس دي اخلاقيات و تبقي الطباع هي اللي الواحد مش عارف يكتشفها
انا لا عايز العب بحد و لا بعمل حاجه تغضب ربنا انا عايز اتجوز و يبقي اختياري صح
و مطلوب مني اتجوز واحده لا اعرفها و لا اعرف اهلها خالص و لا اعرف اللي جايبنهم لينا بالظبط كأني مقابلهم في الشارع و بقولهم اتجوز بنتكم
و بالنسبه لموضوع الكلام الكتير انا اعتقد اني اتكلمت كتير فعلا ( مكنتش اعرف اني المفروض متكلمش )بس علشان اوضح
اللي انا متوقعه و الثوابت اللي عندي اللي متتغيرش
اخيرا يا جماعه انا كاتب الموضوع علشان الناس تساعدني بخبرتها في ازاي الانسان يكتشف اللي قدامه بيخدعه و لا لأ او ازاي يكتشف صفه الشخص ده بيحاول يخبيها علشان تبقي مقتنع بيه و بعدين تبقي بعد الجواز لبست و خلاص

قبل اى شيئ

كل كلمه و كل حرف ذكرته لك فى ردى السابق .. ليس توقعا او مجرد رأى
بل هو نتيجه حقيقيه حدثت بالفعل .. فى المواقف المذكوره

زواج الصالونات

90% من ابائنا و امهاتنا تزوجوا بهذا الشكل ( من اكثر من نصف قرن من الزمان مثلا ) .. فالمشكله ليست فى زواج الصالونات بل فى تغير الفكر فى مجتمعنا الحالى .. سواء للفتاه .. او لاسرتها ( و هذا هو الاهم )

و اعتقد انه مهم جدا ان يكون الطرف الذى توسط فى الموضوع على معرفه وثيقه بالطرفين .. لانها يعلم كلا الطرفين على الحقيقه و بدون تصنع .. فعندما يقوم بترشيح فتاه هو يعلم مسبقا ان طباعكم مبدئيا متشابهه نسبيا .. و طبعا القرار الاخير بعد ان يتم لقاء التعارف

و اذكر موقفا لاحد اصدقائى و هو مهندس استشارى ( طبعا احنا كبار فى السن و لسنا شبابا ) و هو من اسره عريقه و كذلك زوجته ..

عندما غضبت زوجته .. و ذهبت الى منزل والدها و هو استاذ جامعى ( بدون اخطار زوجها او والدها ان هناك مشكله و انها ترغب فى ترك المنزل )

عندما طرقت الباب على والدها و فتح لها .. امرها بالانتظار على باب المنزل حتى يستئذن من زوجها فى ادخالها .. و لم يدخلها المنزل حتى اذن له زوجها بذلك

و عندما ذهب صديقى لمقابله والدها .. تأسف له الاب .. و طلب من صديقى ان يتفضل شاكرا بقبول عودتها لمنزل الزوجيه

و على فكره صديقى او والد الزوجه كانو اشخاص عاديين من ناحيه التدين .. و لكن كانت هذه هى المبادئ العامه السائده فى مجتمعنا سابقا

و كانت هذه اول و آخر مره فعلت فيها الزوجه هذا الاسلوب .. و زواجهم الان مستمر من اكثر من 40 سنه بدون مشاكل

لهذا شددت على اهميه الاسره فى حفظ الحياه الزوجيه .. و يجب ان تقوم بدراسه اسرتها ضمنا اثناء اتخاذ قرارك

من الواضح

من الواضح انك شخص مستقيم ذو خلق و مبادئ .. و ليس لك فى اللف و الدوران او العلاقات مع الجنس الآخر .. و هذا شيئ جيد ( و لكن للاسف لا يكفى لبدء او لحفظ حياه زوجيه )

الطبيعه البشريه تدعو كل من الرجل و المرأه لان يتجمل باظهار افضل ما فيه للطرف الاخر .. و لكن الفرق يكمن فى النيه و الهدف من فعل ذلك

هناك فرق فى النفوس و الاهداف

فشخص ذو خلق كما اظنك .. توقعى انك قمت بأخبارها بعيوبك بالكامل بل و بعض العيوب الغير موجوده فيك اصلا .. قبل ان تبين لها المميزات الجيده لديك .. و ذلك حتى تكون امينا معها و لا تخدعها .. و تتأكد من ان اختيارها لك كان على الحلو و المر ( انت مخطئ هنا .. فهى ستنتظر حتى اتمام الزواج لمواجهتك بما لم يعجبها فى مبادئك و صفاتك ) .. او هكذا هى تظن ( ان بامكانها ذلك )

و شخص اخر سواء كان ذكرا ام انثى او الاسره .. لا يجد غضاضه فى الخداع للوصول للهدف سؤاء بأخفاء عيوب او اظهار مميزات ليست موجوده اصلا

طبعا انا مش هتكلم عن كل الناس بس انا و ربنا يعلم بتكلم معاها كأني بتكلم مع واحد صاحبي

اتذكر انى قرأت حديثا لرسولنا الكريم .. انك اذا اردت خطبه امرأه و النيه صادقه .. فلتنظر منها ما استطعت ( ذلك احرى ان يؤدم بينكما ) .. و لم يحدد مقدار ذلك

و اعتقد ان حديثك معها هو جزء من ذلك .. و ان استطعت معرفه الاكثر .. فافعل

و بالنسبه لموضوع الكلام الكتير انا اعتقد اني اتكلمت كتير فعلا ( مكنتش اعرف اني المفروض متكلمش )بس علشان اوضح

و خطأ كبير جدا جدا .. ان تكثر الكلام معها عن طريقه التواصل الاجتماعى فى الامور الحاسمه فى تفكيرك .. فأنك لن ترى التعبير الفورى على وجهها لكلامك .. و ستأخذ وقتها فى التفكير للرد ( الذى يناسبك و يرضيك )

و خطأ كبير جدا جدا .. انك بينت لها كل ذلك .. فان كانت هى من الصنف الماكر فهى قد حصلت على خريطه تفكيرك سواء المسموح به او الممنوع .. و تستطيع بسهوله ان تخدعك بعد ان اصبحت كتاب مفتوح امامها

اللي انا متوقعه و الثوابت اللي عندي اللي متتغيرش

انت لا تفهم النساء .. لو فضلت تتكلم من النهارده للسنه الجايه فى المبادئ .. و تعيد و تزيد ( ظنا منك انها لم تستوعب الفكره ) .. هذا كله يجب اعتباره وقت ضائع ليس هناك طائل من وراءه

الانثى تفهمك جيدا حتى بدون ان تتكلم انت كلمه واحده .. و فهمهم سريع جدا ( فى اى شيئ يتعلق بالزواج )

النساء لا تفهم الا المواقف .. النساء لا تفهم الا المواقف .. النساء لا تفهم الا المواقف

فتصرف واحد حاسم منك فى موقف معين بناءا على مبدأ معين .. افضل من شرح سنه لها لهذا المبدأ .. لانها رأت الموقف و عرفت كيف ستقوم انت بالتصرف الفعلى الان و لاحقا بعد الزواج ( فى الامور التى تقوم هى بتأجيل المواجهه فيها .. الصمت او الردود الملتويه )

و ايضا سيجعلها تحسم امرها ان كانت تتلاعب معك .. و تصرفك المفاجئ لها فى هذا الموقف سيظهر حقيقتها غالبا ( و لو للحظه سريعه )