اريد معرفة التعديل اللذى تم على هذا المحرك

**kaza** · 22-06-2015 11:02 PM

المشاركة الأصلية كتبت بواسطة abo_mazen

ممكن يكون تربو..لإن أنا شايف الشكمان ليه ماسورتين في العربية الصفرا

استاذ ابو مازن ..التربو لازم يكون فية اتصال بين مواسير الشكمان ومواسير المنيفلود لان مراوح التربو اللي بتضغط هواء للموتور بتستمد طاقة الحركة من اندفاع غاز العادم لتحريك المروحة المقابلة واللي في الصور دة سحب عادي بالخلخلة تحت فلتر رياضي ولا يوجد اتصال خالص بالعادم ...وانا عارف ان المعلومة دة مش ممكن تفوتك

**الحمادوى** · 23-06-2015 09:23 AM

المشاركة الأصلية كتبت بواسطة kaza

كربراتير من طراز su زينيث بيعمل بخلخلة الهواء عن طريق مكبس متصل مباشر بالابرة لتعديل نسبة الخليط وزيادة نسبة البنزين بزيادة ضغط ااخلخلة فوق المكبس وبيجهز بية بعض الموتوسيكلات والسيارات الفولفو والفوكسهول والكريزلر الانجليزي والجاجواروالمرسيدس القديم
ميزة الكربراتير دة سهولة الحصول علي قدرة وعزم طبقا لاحتياج الموتور بغض النظر عن السعة اللترية والتعديل فية بسيط جدا بزيادة حجم الفونية و حجم منيم الابرة المتصل بالمكبس

افهم من حضرتك ان الكربراتير ده بيتعدل لاى سعة لترية

سؤال
الكربيراتير ده موجود فى مصر جديد ؟؟
وبالنسبة للعلبة الفضى اللى ع الشمال فيه منها خرطوم متوصل بالفايس بتاع الزيت فى غطا التاكيهات
التانى هيكون متوصل فين؟؟ وفايدته فى التعديل

**kaza** · 23-06-2015 01:30 PM

المشاركة الأصلية كتبت بواسطة الحمادوى

افهم من حضرتك ان الكربراتير ده بيتعدل لاى سعة لترية

سؤال
الكربيراتير ده موجود فى مصر جديد ؟؟
وبالنسبة للعلبة الفضى اللى ع الشمال فيه منها خرطوم متوصل بالفايس بتاع الزيت فى غطا التاكيهات
التانى هيكون متوصل فين؟؟ وفايدته فى التعديل

اسف علي التاخير بس ظروف الشغل ورمضان كريم ...سيدي الفاضل الكربراتير موجود في محلات قطع غيار المرسيدس واللاندروفر والانجليزي عند فؤاد وميخالي في شارع عدلي ومحلات قطع غيار الفولفو وممكن تلاقي نسخ صيني للموتوسيكلات بس في حالة استخدام كربراتير موتوسيكل لازم تخلي لكل سلندر كربراتير مستقل لتحصل علي قدرة محترمة من موتور 26 ....بالنسبة للعلبة اللي اشرت اليها دي تانك لتكثيف بخار الزيت المحترق والخارج من خرطوم الفايظ للمحرك لتخفيف ضغط غازات العادم المتسربة لعلبة المرفق ( البلوك )وطبعا بيتحرق ويتبخر جزء من طبقة الزيت المبطنة لجدران السلندر وبالتالي بتتجمع وتتكثف في العلبة دي علشان البيئة

**الحمادوى** · 23-06-2015 09:38 PM

كل سنة وانت طيب
بس الكربراتير ده فى الماركات المذكورة هيكون سعره غالى حتى لو صينى
ممكن لو فكرت اجرب الموضوع يبقى لو لقيت حاجة تبع الموتسكلات الصينى
بس استفسار
لو استخدمت كربراتير واحد أكيد هيفى بالغرض حتى لو النتيجة نص اداء المحرك
طب ولو اتنين
هل اعمل نفس الكوعة دى بس اعمل منها فرعين لكل كربراتير فرع ولا ايه نظام الاتنين؟؟