يا جماعة العربية عندى كانت بدخن خفيف وهى بردة وبتاكل زيت وقربة المياه بتغلى لو مشيت مشوار صغير والحرارة مش بتكون عاليه المهم دلوقتى على الدائرى العربية اعدت تسقف جامد ومفيش سحب وسخنت معدتش النصف بس غليان جامد وبطلت سبتها تهدا شوية ودورت مشيت مش عاوزة تجيب اكتر من 30 تجيب ال3 تسقف ومفيش عزم وريحة شيات جامد اوى كدا الماتور راح ولا ايه
وبعدين دورتها الصبح مش عاوزة تدور والمياه عمالة تطلع من القربة كل مدور المياه تطلع ومش عاوزة تدور ده معناه اية ؟
بالله عليكم افيدونى
تم تعديل العنوان
م.ع 7
العربية ماروتى
جوان وش السلندر عندك كان هلكان ..والزيت اللي كان بينقص من عندك ده كان بسبب دخول الزيت على غرف الحريق ..بعد كده بقى واضح إن جوان وش السلندر عندك إنتحر أساسا ..ووصل لمرحلة إنه يدخل كبس غرف الحريق على دورة التبريد عندك..وبيدخل المياه على غرف الحريق عندك ..أنا معرفش أصلا حضرتك ليه مشيت بيها كل ده وهي بتاكل زيت وبتدخن ..تروح لميكانيكي فاهم وهو عارف هو هيعمل إيه
شكرا لحضرتك كدا يعنى محتاجة عمرة صح عشان كنت كل مروح لميكانيكى يقولى الماتور ده مش بيتعمر الى هو 3 سندر هات شورت بلوك
لأ ..مش لازم عمره ..ممكن الموضوع يرسى على تغيير جوان وش السلندر بس ..عموما ..الميكانيكي يفتح ويبص على الجوان أكيد هيلاقيه هلكان ..وقبل ما يشتغل ويمد إيده في المكنه يقولك بقى هتحتاج تعمر ولا لأ ..بس بعد ما يفك الهيد الأولاقتباس:
المشاركة الأصلية كتبت بواسطة kero25
طيب هو فى مكانيكى متخصص فى الماروتى
اولا الجوان ضرب خلاص مات وربنا يستر بقي علي الوش لما الميكانيكي هايفتح هايشوف بعينة بس واضح انك حملت عليها جامد اوي واستنيت كتير فهلكتها طبعا
في ميكانيكي كويس جدا متخصص عمرات في عمارات السعودية في ميدان السواح وعنده خراط جنبة تبعة راجل كبير وجامد جدا وبيخرط بمكنة حديثة ليزر
هو مفيش ميكانيكي متخصص ماروتي ..لكن في ميكانيكية بيشتغلو في المحركات الصغيره ..زي الماروتي والألتو والماتيز والشاريد ..هو طبعا ما بيبقاش متخصص في العربيات اللي أنا قولتها دي بس ..لكن أنا بقول على أساس إن في ميكانيكية ما بيرضوش اصلا يشتغلو في العربيات الصغيره دي ..عموما شوف الميكانيكي اللي الزميل pepo2011 حاطط لحضرتك عنوانه ...اقتباس:
المشاركة الأصلية كتبت بواسطة kero25
طيب ممكن رقمة يا pepo2011