الموضوع: مساعدة فى اختيار سيارة جديدة

سلام عليكم ورحمه الله وبركاتة


كل عام وانتم بخير


كنت عاوز رايكم فى عربية جدسدة تكون عملية وسعرها متوسط

انا بفكر بصراحه فى الوجان او فيرنا بس مش عارف مين افضل من جه

ما بعد البيع / التوكيل / قطع الغيار / القوة


وياريت لو فى حاجه تانية تتفضلوا بيها تكون اقل من ال 100

تحت ال 100 ألف بالمواصفات اللي حضرتك عايزها، مفيش غير فيرنا ولوجان و byd
* الفيرنا أكثرهم انتشارا وأقواهم موتورا وأحسنهم صيانة وقطع غيار وسعر إعادة بيع، وحاجتها موجودة خارج التوكيل بكثرة.. عيوبها خفيفة وخصوصا على السرعات العالية، وصالونها ضيق شوية.
* البي واي دي سبب انتشارها الرئيسي موضوع التاكسي، وهي أوسع عربية فيهم، وحاجتها متوفرة برضه داخل وخارج التوكيل، بس صيني والصيني غير معمر مقارنة بباقي الماركات والله أعلم.
* اللوجان عربية واسعة، موتورها كويس، تكييفها حلو، سحبها كويس، شنطتها سوبر، عالية عن الأرض، ناعمة في المطبات، انتشارها معقول، توكيلهامن أحسن التوكيلات في مصر.. أنا رأيي إنها أحسن اختيار والله أعلم.