محو الأمية التربوية - محمد إسماعيل المقدم | طريق الإسلام
الموضوع ده هيفيدك جدا ان شاء الله
عرض للطباعة
محو الأمية التربوية - محمد إسماعيل المقدم | طريق الإسلام
الموضوع ده هيفيدك جدا ان شاء الله
والله ضحكتني وأنا عمال أقرا ..أقولك إيه بس ..ربنا يبارلك فيهم ..ويهديهم لك ..فكرتني بعيالي ..أنا عندي ولدين .الكبير ست سنين ..والصغير سنتين و 8 شهور داخل على التلاته ..أنا فيه حاجات عندي في البيت من يوم ما إتجوزت وهي كانت فبريكه ..ولله الحمد خرجت من الخدمه معاش مبكر على إيد مصطفى إبني الصغير ..زي باب مثلا كنت عامله في الطرقة عندي ..وزي حاجات تانيه ..ربنا يبارلك في عيالك وفي عيالنا كلنا يارب ..كذا حاجه مش حاجه واحده ..أنا بروح البيت كل يوم ما بعرفش أمشي خطوه على الأرض ..من كتر اللعب اللي مرميه ..عادي إنك تمشي في البيت عندي تلاقي عجلة الولة تشبك في رجلك تكعبلك ..تلاقي لعبة دخلت في رجلك ..أبقى قاعد أتفرج على فيلم كده أو برنامج في التليفزيون تلاقي العيال تيجي تلعب جنبي ..يابني خش العب جوه ..يدخلوا والآقيهم جايين يلعبوا فوق دماغي ..طبعا لا بعرف أتفرج ولا بعرف أسمع وأضطر أعلى التليفزيون وأبقى عامل زي الأطرش اللي مش سامع ..وزوجتي برضه تصرخ وتزعق ..وأروح ألاقيها بتشد في شعرها ...بس عارف ..وبصراحه ..يوم ما أروح ألاقيهم نايمين ..أقولها صحيهم ..تقولي ليه خلينا مرتاحين شوية ..أقولها صحيهم ..أنا ما ينفعش أقعد كده ..وعارف برضه لما زوجتي يشتد بيها الغضب وتبقى خلاص وصلت لمرحلة إن هي تعيط منهم ..وإن كانت ما بتوصلهاش كتير ولله الحمد ..أقرب منها كده وأقولها نعمة ربنا ..إحمدي ربنا عليها وطولي بالك ..قادر ربنا ياخدها منك ..تقوم حاضنه الوله بعد ما كانت بتضربه وتقولي بعد الشر ...يو ه ه ه ه ه..ياما تعبنا أهلنا وعملنا عمايل سودا ..ياختتتتتتتتييي..خليني ساكت ..ده أنا وأخويا كنا مصايب وإحنا صغيرين ..جرى إيه ياباشا ..هو تربية العيال بالساهل ..
خلاصة الكلام عشان طولت عليك ..ركز على حاجتين وبإذن الله ربنا مش هيردك ...وأهو فرصه إحنا في رمضان ...الدعاء ..الدعاء ..إدعي ربنا إنه يصلح حالهم ويهديهم ..ركز قوي قوي قوي على الدعاء ..حضرتك قلت كل حاجه كويسه ممكن تعملها ليهم في الدنيا ..حتى القرآن الكريم ليهم منه حظ ..باقي بقى حاجه صغيره عشان تضمن ليهم الآخره ..إنك تدعي لهم ..ربنا يهديهم ليك ..ويصلح حالهم دنيا وآخره ..والله العظيم لو جبت أطباء العالم النفسيين عشان يهدوهوم وربنا مش رايد ..يبقى ولا كأنك عملت حاجه ..إدعي ..ويارب تكون ليلة القدر من نصيبك ..ركز قوي على الدعاء ليهم ..هتلاقي ربنا هداهم ليك النهارده وبكره وبكره ..ويوم ما تسيبهم ..يدينا ويديك طولة العمر ..هتبقى مطمئن عليهم ..إن هما فعلا هيكملوا مشوارهم لوحدهم ..
وكل سنة وحضرتك طيب
ربنا يبارك فيكم جميعا
احنا فعلا بنطبق معظم الاقتراحات دي بس الانسان بيوصل احيانا لمرحلة فتور وملل ويأس
بس انا عجبني اقتراح اننا نسيب الاولاد يومين ونسافر انا وزوجتي اي مكان بعيد لوحدنا بعيد عنهم ونسيبهم مع اهلي نغير جو واحنا على يقين من اننا مش هنستحمل بعادهم يوم واحد وهنبقى عايزين اليومين يخلصوا علشان نرجعلهم بس هنكون جددنا طاقتنا ولو لكام شهر قدام وبعدين لو اتكررت المشكلة نعمل كده تاني اعتقد ده من افضل الحلول بجانب الاقتراحات الاخرى برده بس هنحتاج نطبقها باسلوب علمي منظم مش عشوائي
جزاكم الله خيرا
اخى الفاضل
ردى عليك ان تراجع حساباتك مع نفسك وزوجتك ايضا ونواياك فيما تفعل
اقصد اصلح ما بينك وبين ربك يصلح لك ذريتك(وَلْيَخْشَ الَّذِينَ لَوْ تَرَكُوا مِنْ خَلْفِهِمْ ذُرِّيَّةً ضِعَافًا خَافُوا عَلَيْهِمْ فَلْيَتَّقُوا اللَّهَ وَلْيَقُولُوا قَوْلًا سَدِيدًا)
اعط اولادك مساحة اكثر من الحرية والتعبير عن رايهم وضع اختياراتهم فى الحسبان
تقبل تحياتى
عمر الضرب ما كان اسلوب تربوي سليم او ناجح و لا أدى لنتايج كويسة
اخي الكريم ابو اسر
اعانك اللة علي الامانة وفعلا التربية دية مش سهلة
بص انا عايزك تثقف نفسك وتقرا شوية كتب عن اساليب التربية الصحيحة الكتب دية مش عايز اقولك موجودة كتير جدا علي الانترنت
المهم من ضمن ماقريت عن اساليب العقاب هوة العزلة والمدة ماتزيدش عن نص ساعة في غرفة مغلقة مع حرمان من حاجة بيحبها صدقني الاسلوب دة فعال جداااا جداااا
وخلي بالك الضرب بيكون باسلوب معين بمعني انك تلفت انتباهة مش توجعلة جسمة يعني ضربة واحدة في مكان مايوجعوش
في كتاب عندي كويس جداااا هاينفعك هحاول ادورلك علية وابعتلك اسمة لكاتب انجليزي هايعجبك
ربنا يخليهوملك وتفرح بيهم
حضرتك كلامى موجه لصاحب المشاركة
وهو اخ فاضل وله مشاركات تدل على انه يفهم كلامى جيدا
الشخص المتدين والمتعمق فى الدين ينظر للامور بنظرة اخرى
كان الصالحون يقولون انى لاجد اثر المعصية فى خلق زوجتى ودابتى
وما اصابكم من مصيبة فبما كسبت ايديكم ويعفوا عن كثير
لدى 4 اولاد ومريت بنفس هذه الظروف ولى تجربة وخبرة
تقبل تحياتى