مش عارف يا أخى إفتكرت الأغنية دي بسببك
https://www.youtube.com/watch?v=XWl40OCbl7k
عرض للطباعة
مش عارف يا أخى إفتكرت الأغنية دي بسببك
https://www.youtube.com/watch?v=XWl40OCbl7k
ربنا يبارك لك فيهم يا أبا آسر وابنى وأبناء المسلمين أجمعين
مش عارف اقولك ايه بجد تربية العيال معاناة ولا العيال بقت متعبة عن زمان ولا احنا اللى نفسنا قصير. الحمد لله معايا طفل سنة وكام شهر مطلع عيننا ومراتى تقريبا اتحولت لبنى آدم تانى من اللى بيعمله فيها. زمان كان الست بتبقى معاها 5 عيال تاخد بالها منهم وكان لا فيه وسيلة تسلية ترفه عنها ولا اجهزة حديثة تساعدها تخلص شغلها كانوا شغالين بوابور الجاز والمنفضة العريضة والمقشة وشكرا على كدة :)
هههههههههه ربنا يخليهم ويبارك لك فيهم
ههههههههه متفتحنيش يا حاج الله يخليك :tire::tire:
انا مرة نزلت من السفر لسة بدخل البيت لقيت مراتى قاعدة بتعيط فالطرقة عالارض و العيال واحدة بتلعب بتتنطط على كنب الليفنج و الوسطانى بيلعب فى علب الكريم و الصغير بيشرب مية من التواليت و يغسل بيها وشه ... كنت عاوز اقفل الباب تانى و ارجع الشغل
يا جدعان متنكوشنيش بقا الله يهديكم :crying1::crying1:
ههههههههههه ربنا يجازيك يا رامي
وانا اللي بشتكي من عيالي؟! ده انا هروح دلوقتي اخدهم بالحضن هههههههههه
ربنا يهديهملك ويباركلك فيهم
انا الاتنين الكبار متعبوناش وهما صغيرين بس تعبونا على كبر لكن اسر الصغير هو اللي بيعمل الحركات اللي بتقول عليها دي بيدخل اوضة النوم يحط ميك اب يدخل الحمام يلعب في التويليت! يجيب الكرسي يقف عليه ويرش برفان ولو في لبان يخلصه لو في فلوس ياخدها وهكذا
بس انا شكلي فعلا اخدت خطوة النيرسري دي متأخر وعندي امل انه يروح يتهد ويرجع مفرهد على النوم
النرسيرى مريحة و بتعلم العيال لكن فالمقابل مهما كانت نضيفة لاااااااازم هتلاقى اخد منها سلوكيات مش لطيفة زى انه يتف على العيال مثلا او يعضهم و هيأ نفسك ان كل فترة هيجيلك مخبوط او مضروب دة مهما كان مستواها على فكرة انا ولادى فى حضانة فى فيلا فالرحاب و بردو الأمر مش بيسلم بس بصراحة بتنمى ذكاءهم و بتديهم تقافة التعامل مع التانيين متلاقيش الطفل منطوى و فنفس الوقت حبة كلام انجليزى على سلوكيات الطعام و هكذا