مساعده في قرار شراء

**meka1990** · 21-06-2015 09:39 PM

دلوقتي انا معايا اكسنت 2013 من الزيرو اول فئه عامله 50 الف كيلو اتخبطت مرتين من قدام بسبب ضعف الفرامل و الثبات و دلوقتي والدة صديق ليه بتفكر في بيع عربيتها مازدا 2006 اعلي فئه بدون الباصمه و الزينون و حاله العربيه كالاتي 155 الف كيلو فابريكه معادا الاكصدامين بس مجرحه كتير من بره و شكلها مبهدل شويه بس من جوه العربيه زيرو بمعني الكلمه و كل حاجه شغاله كويس تكييف و موتور و فتيس مفهومش مشاكل و بتصيين في سمارت كار اللي في المعادي

المشكله بقي انا مستكتر الكيلومتر و مش عارف العربيه تسوي كام بس الفكره ان انا كاره الاكسنت من يوم ما جبتها و نفسي اخلص منها و في نفس الوقت انا ضامن المازدا بس الكيلومتر عالي وكده كده هتقعد معايا في حدود سنه سنه و نص

**hardmind_doc** · 22-06-2015 01:37 AM

لو بتعمل صيانة منتظمة الكيلومتر مش مقياس
اما السمكرة كلها 4000 جنيه سمكرة ودوكو وترجع فلة
المازدا طبعا لا خلاف عليها بس اسال الاول عن اسعار قطع الغيار

**meka1990** · 22-06-2015 05:18 AM

انا معنديش مشاكل في اسعار قطع الغيار المهم بس يبقي لسه فيها نفس بعد 150 الف كيلو ولا خلاص بتفتح بقها ؟

**Abo_Mazen** · 22-06-2015 10:07 AM

وياريت ميكونش عندك مشكلة في سعر إعادة البيع

**Fawzy.Abdelnour** · 22-06-2015 10:10 AM

هى مش هتفتح بقها موتور, لسه شويه عليه على ما اعتقد.
بس هتبتدي حاجات فالعفشه, مساعدين, بارات, جلب مقص, حاجات من دي يعنى.

**pioneerahmed** · 26-06-2015 07:22 PM

لا بلاش هتفتح منك جامد 150000 كتير اوي
و لان هي اصلا اعتمادية فمش هتلاقي اي حاجة اتغيرت من الزيرو غير الصيانات بس
هتستلمك بقي عفشة في حساسات و تتسلي عليك
خليك في حاجة ماشية قليل احسن

**eng_amg** · 26-06-2015 09:44 PM

بص. الياباني مبيفتحش بقه قبل 300 او 400 الف كم.
ودا بالنسبة لمتسوبيشي لانسر مثلا. الي هي اقل فئة في الياباني. فما بالك بمازدا! معتقدش انها مشكله ابدل موضوع العداد دا.
المشكلة بالنسبة لقطع الغيار. لاني سألت مرة عن مجموعة حاجات لقيتها تخض. ياريت تسأل مثلا علي الكبالن. استيراد مش جديد. وبعديها قرر.