محتار اشترى لادا 2107 روسى أم فيات تمبرا

**ALMOSTABAL** · 23-06-2015 12:32 AM

السلام عليكم ورحمة الله وبركاته

اخوانى الأفاضل اعضاء المنتدى الكرام
اخوكم جديد فى المنتدى وجديد فى عالم السيارات كله وجديد فى السواقة كمان ومحتاج مساعدتكم ضرورى
انا بأختصار مقبل على شراء سيارة استعمال فى حدود 30000 وطبعا كنت ناوى على لادا 2107 روسى انجكشن وبالفعل لقيت حجات كويسة موديل 2006 و2008 فى نفس الرنج بتاع المبلغ بس ليا اصدقاء بينصحونى اجيب فيات تمبرا وبصيت بصة على المعروض منها لقيت حجات موديل 92 و90 و 96 بحالات مختلفة
فأرجو منكم النصيحة لادا ام فيات تمبرا وأرجو من الأخوة الكرام الناصحين لى ان يقولو سبب فنى او من خبرتهم بالسيارة لترجيح احداهم على الأخرى
مع اخذ فى الأعتبار الأتى
1- انا جديد فى السواقة ودى حتكون اول عربية اركبها يعنى معرض لخبطات كتير فى الفترة الاولى من السواقة حسب ماأسمع
2- انا فى طريقى اليومى بمر على منطقة غير ممهدة وطبعا المطبات اللى زى الفل اللى بطول الطريق تقريبا فعايز حاجة تكون عفشتها كويسة جدا وتستحمل
3- تكون مش عايزها تعقدنى من العربيات والسواقة وكل شوية عند ميكانيكى بعمل حاجة وبصرف عليها يعنى اجيبها استعملها كام سنة كده وبعدها ابدأ احط ايدى فيها واصرف عليها

**AymanEF** · 23-06-2015 03:03 PM

لادا
خلفى و مقصات مش كبالن و تنفع للطرق المكسره و ارخص منها مفيش او لو عرفت تجيب شاهين بس هتكون حالتها عايزه مصاريف بس ادام شاهين قدام لادا خليك فى الاحدث

**blackbifo** · 24-06-2015 01:09 PM

ايوه انا عندى نفس مشكلتك دى =d .. ناس كتير شكرت لى في التمبرا بس انا مش بحب اللادا وبفكر في الفيليشيا .. وفى موديلات فى الاسبيرانزا شيري و الجيلي مزغلله عينى بكماليتها لما لقيت منها مستعمل في رينج ال 30 الف بردو