اقتباس المشاركة الأصلية كتبت بواسطة أبو آسر مشاهدة المشاركة
مش صحيح
في مصر مثلا الناس قبل ثورة يناير كانوا إلى حد ما ملتزمين وفي حالهم لكن لما انعدم القانون بعد الثورة مباشرة كثرت حالات السرقة والنهب والبلطجة والقتل وكل الجرائم بشكل غير متوقع وغير مسبوق .. ليه ؟
لأن الناس دي معندهاش دين - حقيقي - إلا من رحم الله واللي كان مانعهم القانون فلما راح القانون أصبح مفيش رادع
أيام الصحابة خاصة خلافة الأئمة الأربعة كان يوجد وازع ديني ووازع دنيوي أيضا وهو القانون اللي كان برده مبني على الدين لذلك عم الأمن والأمان والسلام ولم يذكر التاريخ إلا حوادث فردية قليلة وكانت أغلبها من غير المسلمين أو ممن يدعون الإسلام وهم في الواقع منافقون لكن الجو العام كان جو مثالي لم ولن يتكرر
الناس في أوربا حاليا معندهاش دين لكن عندهم قانون ولو غاب القانون هيبقوا همجيين برده وهيعملوا كل شيء ومش هيمنعهم شيء لأن مفيش رادع وشوفي عقب أي ثورة أو مظاهرات بيحصل إيه من نهب وسرقة وفوضى وما أحداث أمريكا الأخيرة عنا ببعيدة !
ومن فترة كنت اتفرجت على فيلم أجنبي ملخصه إن في يوم في السنة مباح فيه اللي عايز يعمل أي حاجة يعملها والشرطة والإسعاف والقضاء وكافة المرافق واخدة أجازة في اليوم ده ومحدش هيتحاسب على اللي هيعمله في اليوم ده وكان بمجرد ما يبدأ اليوم ده كنت تلاقي الشوارع مليانة أناس يعيثوا في الأرض الفساد ويفعلون كل ما يحلو لهم من قتل واغتصاب وسرقة وبمجرد انتهاء اليوم يرجع كل شخص إلى ما كان عليه وكأن شيئا لم يكن ! فكرة الفيلم دي لم تأتي من فراغ
فمتحاوليش تقنعيني إن في إنسان مثالي لدرجة إنه هيمتنع من فعل شيء كده من نفسه بدون خوف من رادع يردعه سواء ديني أو دنيوي لأن النفس البشرية أمارة بالسوء كما أخبر الله تعالى ولا يمنعها من الشر سوى شيء يردعها لأنها جبلت على ذلك

لا انكر ان للدين وقع قوي على الشخص وبيخلي فيه خوف داخلي من الخطأ

بس كمان انا مش قادرة اتخيل نفسي اني امد ايدي واسرق حاجة لو محدش شايفني

الانسان بيتربى فيه القيم دي وبيتشكل عنده رادع داخلي

ممكن تساعد محتاج ومحدش شايفك لمجرد انك عايز تساعده "مش عشان فيه حد انت مش شايفه شايفك وهيكافئك "!

افتكر دي مرحلة عميقة من السلام مع النفس ومع الاخرين

ايوه صعب حد مش متعلم او مترباش على القيم الحضارية يوصلها بدون دين

لان الدين في النهاية بيقولك هتتعاقب لما تموت

لكن فيه انسان بيتربى على انه مش هيعمل كدا بدون ماحد يهدده بعقوبة