الموضوع: كيفية شراء الاوبل من الاسكتدرية

المشاركة الأصلية كتبت بواسطة egyplan

السلام عليكم
شفت اعلان فى مواقع بيع السيارات عن سيارة اوبل كورسا المكان فى القاهرة
السيارة كانت معروضة بسعر كويس فى احد المواقع 48 الف
ونفس السيارة فى موقع اخر معروضة ب 50 الف
المهم اتصلت برقم البائع وذهبت لمعاينة السيارة وذلك قبل الساعة الخامسة
الشخص الذى قابلنى فى الشارع فى مكان السيارة ليس المالك ولكنه ذهب الى احد العقارات وجاء بمفتاح السيارة وقال ان السيارة ملك لسيدة
بعد قليل جاء رجل وقال انه زوج صاحبة السيارة واعطى المفتاح الى الشخص الاخر وقال لى ان هذه الشخص مسؤل عن السيارة وعن تحديد مبلغ البيع وانه فى مشغوليات وان زوجته تريد بيع السياره لشراء سيارة احدث والسيارة كانت مرفوعه 3 سنوات لانها كانت بامريكا وهى الان فى الاسكندرية وهى عملت خبطة بسيطة بالسيارة فى الاكصدام والكابوت
واستأذن وانصرف وقال للشخص الاخر انه يحضر له السيارة فى النادى اخر اليوم

المهم اتفرجت على السيارة كشكل وكعداد وشنطة فالسيارة فى مجملها كويسة والسعر مناسب
وبعد قليل جاء شخص اخر يعاين السيارة وبعد قليل شخص ثالث

المهم وجدت بعض ترشيح الزيت على الموتور فطلبت ان يتم الكشف على السيارة
فجاء شخص كبير فى المكان وقال فيه ميكانيكى فى اخر هذ الشارع
ركبنا نحن الثلاثة وذهبنا للميكانيكى فنظر وقال ده عادى تعريق زيت
المهم رجعنا الى مكان السيارة الاصلى مرة اخرى والمشترين مازالوا واقفين ينتظرون دورهم للفرجة على السيارة
سالت البائع السيارة بكام قال ب 50 الف
قلتله انا شوفتها ب 48 الف
قال انه واحد الاشخاص الاخرين وضعوا الاعلان وهو غلط وحط الرقم 48 الف
انا قلتله ان الرقم 48 هو المناسب
واتصل بزوج صاحبة السيارة وفى الاخر الرجل وافق على بيع السيارة ب 48 الف
المهم الشاب قال انه ليه سمسرة 500 جنية واما هيبعها لشخص اخر
المهم اعطية مبلغ 250 ربط كلام عشان الناس اللى كانت واقفة ومرضيش يكتب وصل بيهم
اللى عرفت اهده منه صورة البطاقة وصورة رخصة السيارة
وعرفت ابص على رقم الشاسية وطلع مظبوط ورقم موتور الكورسا مش عارف هو فين؟

بعدها بقليل لقيت الراحل الى واقف فى الشارع الكبير بتاع المنطقة بيقول ابقى اعطي صاحب السيارة المبلغ الا 3 الاف لحين عمل التوكيل
انا قلتله التوكيل والفلوس فى نفس الوقت ولابد من احضار شهادة المخالفات
المهم مش عارف اتصرف وازاى اعرف اشترى السيارة بدون مايكون هناك مشاكل

لانه غالبا زوج السيدة هيسافر الاسكندرية وهيعملوا التوكيل من هناك !!!

عاوز اعرف ازاى تعرف ان التوكيل مزور او سليم لانه تقريبا ميعاد تسليم التوكيل الخميس مساءا


وهل فعلا سيارات الاسكندرية بها بارومه لانى سالت احد الاشخاص وقالى لى الناس لا تحب شراء سيارات الاسكندرية (الموديل 2005 كورسا)

معلش الكلام مش موضح يعني اولا هل العبية نمر اسكندرية وانت شوقتها في اسكندرية ولا شوفتها في القاهرة.؟
ثانيا العربية انت بتقول فيها خبطة طب هل كشفت عليها كويس بواسطة سمكري ولا انت لوحدك؟ عشان انت عربنت بناء على ايه؟
ثالثا انت دفعت عربون بدون. ما تتفق معاه علي حاجة بلنسبة للورق ولا ظبطت معاه كل حاجة ومواعيد استلام السيارة وتكملة الفلوس؟
اخيرا طبعا نصيحتي لك انك لازم تحجز مبلغ لما تستلم كل ورقك
وبالنسبة للبارومة احب اقولك ان الاوبل اصلا مغواطيس بارومة خاصة عند دواير الزجاج الامامي والخلفي بس لو انت بصيت كويس ومافيش بارومة يبقذ تمام

نصيحة اخويه ابعد عن العربيه دي النصاب مبينصبش غير علي اللي بيطمع وطالما الموضوع فيه قلق اخلع احسن وخليك في حاجة تعرفها وياريت تكون حاضر معاة وهوة بيعمل التوكيل بنفسك دا لو هتاخدها هيا او غيرها


طالما الموضوع فيه قلق سيبك منها والعربيات علي قفي مين يشيل

بالنسبة لموضوع البارومة اينعم اسكندرية عربياتها مشهورة بالبارومة بالمقارنة بمحافظات الوجه القبلي بس بردو مش كله العربيات انما الاوبل في الاغلب بيبقي فيها بارومة خاصة دواير الزجاج الامامي والخلفي زي ماقولتلك عشان كده لازم سمكري

المشاركة الأصلية كتبت بواسطة egyplan

الحمد لله رب العالمين وقدر الله ومشاء فعل

احكى لكم بقية القصة وبصراحة انا زعلان جدا وقرفان جدا

انتظرت يوم كامل ولم اتلقى اى اتصال من زوج صاحبة السيارة فقلت لا اتصل بهم كى لا يحسوا انى ملهوف على السيارة

فى اليوم التالى (الاربعاء مساءا الساعة 11) تلقيت اتصال من خالد وهو المسؤل عن بيع السيارة وقال لى ان الاستاذ احمد (زوج صاحبة السيارة) يريد الان بياناتك عشان يعمل توكيل السيارة لانه الان بالاسكندرية.

رديت عليه وقلتله ازاى هيعملوا التوكيل وانا لم ارى صاحبة السيارة وهو اساسا لم يتسلم الفلوس؟!

فقلت له هات رقمه اتصل بيه. فاعطانى رقمه واتصلت باستاذ احمد وقلتله
انى كنت فى انتظار مكالمتك وان استاذ خالد مكنش عاوز يدينى رقمك فقال لى انه سوف يقوم بعمل التوكيل
وان الفلوس مضمونه وتزيد.

وانى اريد شهادة المخالفات والبيانات للسيارة من مرور الاسكندرية
فقال لى انه يريد ان يبيع السيارة بسرعة لانه فى استعجال عشان زوجته تريد شراء السيارة الجديدة
وانه قادم للقاهرة صبح الغد فليس لدية وقت لعمل تلك الاجراءات
وان السيارة لسا مرخصة من شهر وانه سوف يكتب تعهد لو ظهرت مخالفات سيقوم بدفعها
وقال لى ان هناك جار له كان يريد شراء السيارة ولكنه قال له ان شخص اخر دفع العربون (250 جنية)

فقلت له موضوع شهاد المخالفات ده مش مشكلة وايضا شهادة البيانات
ولكنى ولو انت كنت اتصلت بى امس كنت جيت معاك الاسكندرية

فقلت له انى اريد رفع السيارة فى البنزينه عشان اكشف على رقم الموتور لانى لم استطع ان ارى السيارة بوضوح لان وقت المعاينه كان قبل الفطاروبعدها نعمل الاجراءات
فقل لى انه سوف ياتى الى القاهرة على ظهر الخميس وسيترك المفتاح مع خالد فى المكتب وانى استطيع ان اكشف على السيارة فى اى بنزينه ولكنه يحتاج السيارة الى يوم الجمعة مساءا لانه معزوم على الفطار

فالميعاد المناسب لعمل التوكيل للسيارة سيكون يوم السبت فى نادى الجزيرة وستكون زوجته معه

فقلت له انى ساذهب غدا الى البنك لاقوم بسحب المبلغ

وشكرته واغلقت التليفون معه وكلمت خالد فخالد لقيته عرف المكالمه وانى ساذهب معه اليوم الخميس للبنزينه وقالى لى متقعدش تشد مع الناس دى عشان خلقهم ضيق وان العربية زى الفل ولقطة والعربية عدادها 60 الف كيلو ومرفوعة 3 سنوات واوبل كورسا موديل 2005 لقطة بملبغ 48 الف

المهم تانى يوم الصبح صحيت قعدت ادور على المحفظة ولم اجدها فى المنزل واندهشت لاختفاء المحفظة من المنزل بصورة غريبة رغم ان كل يوم بتكون موضوعه على المكتب

وفى الاخر وجدت المحفظة فى مكان غريب فاستغربت
المهم رحت البنك واخذت المبلغ وطبعا اخذت اذن من الشغل ووضعت المبلغ فى المنزل وانتظرت مكالمه خالد
اتصل خالد الساعة 11:30 ظهرا
سالنى انت عامل ايه قلتله كويس
قالى : مش عارف اقولك ايه يا استاذ محمد بس المدام امبارح كانت ماشية بالسيارة وخبطتها فاللاسف مش هيبيعوا السيارة
قلتله : مش مشكلة ابص على الخبطة لو صغيرة مش مشكلة اشتري السيارة

قالى : بس للاسف السيارة اتباعت لقريب المدام وبصراحة م احمد فالى وانا محرج منك جدا وخاصة انى كنت هاخد 500 جنية مصلحة من السيارة
وقالى شوف هتيجى امتى العجوزة تاخد ال 250 جنية لانهم معايا

قلتله : طب انا هكلم ا احمد افهم منه

اتصلت باستاذ احمد من رقم موبيلى فلم يرد
اتصلت بيه بعدها بعشر دقائق من رقم اخر فرد عليا

وقلتله انا اللى كنت هشترى السيارة الكورسا قالى للاسف امس احد اقرباء المدام اشترى السيارة خلاص وحتى اشتراها اقل من تمنها ب 2000 جنية (يعنى ب 46 الف) وانه باعها ليه لانه كان عاوز يشتريها من فترة وانه مش فاضى لوجع الدماغ؟!!!

فقلتله هو انا عملت ايه يضايق حضرتك؟

قالى مش قصدة هو عاوز يبيع السيارة بسرعة وان قريبهم ده عارف السيارة واشترى السيارة على طول

وقالى ان بيع وشراء السيارات نصيب وعتذر لى
قلتله ده انا رحت البنك واتاذنت من الشغل واخذت الفلوس

قالى على العموم السيارة اتباعت واعتذر لى

شكرته وقفلت معاه

واتصلت بخالد عشان اعدى عليه اليوم الرابعة عصرا فى العجوزة اخذ ال 250 جنية

-------------------------------------------------------------------------------------------------------
ودى كانت قصة محاولة شراء سيارة اوبل

ياريت تحاولوا توضحولى ايه الغلط فى اللى بيحصل ده
وهل انا غلطان فى شئ؟

بص ياسيدي مبدئياً قدر الله وماشاء فعل وربنا يعوضك بخير منها
بس انا اللي عاوز اقولهولك قبل اي حاجة انك اوعي تزعل علي عربية تروح منك لان ياعالم لو كنت اخدتها كان ايه اللي حصل فاكيد ربنا بيدبر الامور للافضل وبيبعد عنك الشر ان شاء الله
ثانيا بقي الأخطاء اللي انت عملتها. اول حاجة انك ماروحتش معاك صنايعية يكشفولك عالعربية كويس او توديها لمركز ودفعت عربون علي طول في حاجة انت مش واثق من حالتها ومش عارف اصلا حاجة عن اصحابها واحمد ربنا انهم طلعا ناس محترمة وهيرجعولك العربون
ثاني حاجة اوعي تتسرع في شراء عربية وتسمع حجج الناس اللي تقولك اصل انا مستعجل عشان مسافر ومهاجر وعاوز افك زنقة وعاوز اشتري شقة او عربية ومنزل في سعرها ودي فرصة ولقطة ويفضل يسربع عشان يتهيألك انها مش هتتعوض وبالتالي ماتكشفش عليها حلو وتتسرع.... لا نصيحتي لك خد وقتك وفرج العربية لنا صنايعية معرفة مش صنايعي من الشارع
ثالث حاجة لما تخلص في عربية لازم تتفق علي كل حاجة في الورق اللي هيتعمل من الالف للياء قبل ماتدفع مليم انت مش بتدفع ورق جرايد ياعم الحاج
واعذرني في الاخر لو كلامي ونقدي ضايقك بس انا بنصحك لله