السلام عليكم ورحمه الله وبركاته
حسبي الله ونعم الوكيل .ربنا يعينك و يعوضك خير.
رقم العضوية : 142510
تاريخ التسجيل : 06May2013
المشاركات : 14
النوع : ذكر
الاقامة : مصر
السيارة: فيات بترا
السيارة[2]: برايد
الحالة :
أنا معايا عربية فيات بترا العربية كانت بتنتش وبتطلع دخنة سودا بس بعد مشوار طويل مش من الأول لفيت بالعربية كتير ومكنش فيه فايدة ورحت لكذا حد من المشهورين ومنهم صابر بتاع مدينة نصر وصرفت علي العربية كتير بس من غير فايدة، كان الحل اللي باقي اني اروح التوكيل وياريتني ما روحت واسمع الحكاية واحكم بنفسك
يوم 24 -5
========
وصلت لتوكيل فيات في العبور بعد مشوار المكان علي الرغم من انه بعيد لكن ظريف وفيه صالة استقبال مريحة، بعد ما بتنتظر شوية فيه مهندس بياخد منك العربية علشان الكشف والنقطة دي بياخدوا فيها وقت طويل أو غير مبرر تقريبا كشف علي العربية في 3 ساعات.
بعد الكشف قالولي العربية عايزة الآتي:
بوابة بنزين
سلوك بوجيهات
بوجيهات
موبينا
حساس map
تعديل كاتينا وظبط
التكلفة الكلية 6000 جنية وبعد ما يغيروا الكلام ده ممكن يكون فيه عمرة للماتور تكلف 10000 جنية لوحدها يعني كله 16000!!!
بعد كلام مع المهندسة اتفقت معاها انهم مع ظبط الكاتينة هايفحصوا الماتور لو فيه مشكلة مش هايكملوا لكن لو سليم هادفع 6000 قيمة القطع اللي هاتتغير، وعلي الرغم من اني كنت مغير معظمهم من قريب وقلتلهم الكلام ده قالولى ليك ان العربية تظبط.
طبعا أنا أول مرة أتعامل مع توكيل قولت دي الناس بتاعة العربية وانت لفيت مش مشكلة الفلوس المهم العربية تظبط. قالولى العربية هاتبات وهاتخلص بعد 3 أيام.
يوم 25-5
=======
تلفون مع المهندسة انهم ظبطو الكتينة والماتور سليم، قولتهلها خلاص أنا موافق علي تغيير قطع الغيار والاستلام يوم السبت.
يوم الاستلام
========
خدت العربية والمهندسة بتقوللي كله تمام ودفعت مبلغ 5600 جنية علشان سلوك البوجيهات ما اتغيرتش، المهم بعد ما طلعت من عندهم وكالعادة العربية بعد المشوار لسه فيها نفس العيب بالظبط !!!! لما بتمشي شوية بتلخبط وتطلع دخنة سودا
طبعا أنا في سري كنت بقول كلام قبيح :)
يوم 28-5
=======
رجعتلهم بالعربية تاني ومهندسة مختلفة اللي استلمت العربية وبعد الفحص قالتلي ظبط كاتينة والعربية هاتبات قولت ماشي مع انهم كانوا قايليين انهم ظبطوها المرة اللى فاتت
يوم 29-5
=======
بالتلفون: أصل المهندس قال دي مش كاتينة دي صبابات وعايزين نتأكد فهانستني مهندس ... هايجي آخر الأسبوع
آخر الأسبوع
========
المهندس فلان قال دى مشكلة وش سلندر بس لازم نفك الاول وتكلفة الفك 600 جنية وبعدين مش عارفين هنلاقي ايه جوة فمش هانعرف نقولك علي التكلفة ولو معجبتكش التكلفة مش هانجمع الماتور تاني هاتخده مفكوك (لفظ قبيح آخر)
أنا قولت: مش هافك الماتور الا لما اعرف تكلفة مبدأية، وبعدين بالنسبة للقطع اللى اتغيرت قبل كده دي مالهاش لزمة عايز أغيرها.
المهندسة قالتلي: حقك محفوظ و ماتقلقش وهاسأل علي التكلفة وأرد عليك
بعدها بيوم:
=======
احنا فكينا الماتور ولقيناه عايز عمرة هاتكلفك 10000 جنية
أنا: (لفظ قبيح بس في سري) أنا قولتلكوا أصلا ما تفتحوش الماتور
هي: أصل المهندس فلان هو اللى قال
أنا: طيب هي عربيتي ولا عربية فلان؟!! أنا مش هاعمل العربية عندكوا وعايز أرجع القطع الأولانية
هي: مافيش مشكلة تعالا خد العربية بس مش متجمعة والقطع هاسألك عليها مدير الصيانة.
بعدها بيوم
======
واحد بيتصل بيا من رقم شخصي أنا المهندس فلان من توكيل فيات أصل أنا من نفس البلد بتاعتك وسمعت
ان عندك مشكلة!!! انت ازاي مش عايز تصلح عربيتك عندنا ازاي تسيبها للصنايعية برة ده احنا بلديات وأنا هاظبتك وهاعملك خصم علشان خاطري يبقي 9000 جنية!!
أنا: (في سري : ايه الحركات البلدي دي؟) في العلي لا شكرا مش عايز
هو: طيب 7 ألاف آخر كلام
أنا: شكرا مش عايز، الواجب اللي تعملهولي انهم يلموا العربية أنا جاي بيها مش هاخدها علي ونش!!! وعايز أرجع قطع الغيار
هو: طيب هاشوف، بس ممكن مانعرفش نرجع البوجيهات
أنا: ياسيدي ما جتش علي البوجيهات بس رجعلى الحاجات الكبيرة.
بعد الحكاية دي حسيت انهم بيلوعوا معايا فبعت شكوي لفيات ايطاليا وردوا عليا انهم هايكلموا الفرع في مصر علشان يحلوا المشكلة.
بعد أسبوع
=========
المهندسة: العربية اتفلت تعالا خدها بس مش هانرجع قطع غيار
أنا: قعد ازعق واهبل ومش عارف أنا بقول ايه من الغيظ
هي: هو كده أخرنا ومفيش كلام غير كده
بعد أسبوع من المدولات في التلفون
=====================
بعد اسبوع كلمت المدير، والمدير هناك ده ولا رئيس الجمهورية اكتر من اسبوع علشان أعرف أكلمة يقولك أصله في اجتماع أصله مجاش طيب هانحولك ويروح الخط قاطع وعلي هذا الحال ثلاث اربع مكالمات في اليوم
وفي الاخر بعد ما كلمته وهو للحقيقة راجل زوق بس برضة مش هانرجع قطع الغيار
النهاردة 23/6:
====
روحت وأنا نفسي مقطوع جبت العربية من عندهم من الغلب وقلة الحيلة بس، بقي يا ناس العربية تروح التوكيل يندفع عليها 5600 جنية وتقد شهر كامل وترجع بنفس العيب، وعلشان يرجعوها بتمشي تاني أقعد اسبوعين اتخانق ده غير العطلة طيب يرضي مين ده ياناس!!!!؟؟؟
والمبرر إن القطع اللى أنا مركبة مش أصليه، طيب ماهي كانت مشغلة العربية بدليل ان اللى انت عملته ما غيرش ولا عالج عيب العربية؟ حتي لو كده المفروض لو هما بيراعوا العميل بتاعهم كانوا غيروا القطع اللى ما أثرتش في العربية في أى شئ.
وحسبي الله ونعم الوكيل
رقم العضوية : 23942
تاريخ التسجيل : 02Nov2008
المشاركات : 144
النوع : ذكر
الاقامة : Giza
السيارة: optra 2009
السيارة[2]: Grande Punto 2007 Dualogic
الحالة :
السلام عليكم ورحمه الله وبركاته
حسبي الله ونعم الوكيل .ربنا يعينك و يعوضك خير.
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
تقريبا المبلغ اللي انت دفعته ثمن تسقيط نوتور جديد من بابه
هو حضرتك كنت رحت لمين قبل التوكيل
afrtow سابقاً
[B]
[gdwl] الإمام الشافعي
إني رأيت وقوف الماء يفسده * * * إن ساح طاب وإن لم يجرِ لم يطبِ
والأُسد لولا فراق الأرض ما افترست * * *والسهم لولا فراق القوس لم يصبِ
والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]
رقم العضوية : 142510
تاريخ التسجيل : 06May2013
المشاركات : 14
النوع : ذكر
الاقامة : مصر
السيارة: فيات بترا
السيارة[2]: برايد
الحالة :
رقم العضوية : 13633
تاريخ التسجيل : 26Jun2008
المشاركات : 5,636
النوع : ذكر
الاقامة : Cairo
السيارة: Optra 2007 AT
السيارة[2]: Pegeout 406 2004
دراجة بخارية: لا يوجد
الحالة :
فيه ناس كويسه
فيه حد اسمه محمد حامد في فيصل
و م ايمن في صقر قريش
دور في القسم حتلاقي عناوين
afrtow سابقاً
[B]
[gdwl] الإمام الشافعي
إني رأيت وقوف الماء يفسده * * * إن ساح طاب وإن لم يجرِ لم يطبِ
والأُسد لولا فراق الأرض ما افترست * * *والسهم لولا فراق القوس لم يصبِ
والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]
رقم العضوية : 17584
تاريخ التسجيل : 31Aug2008
المشاركات : 1,485
النوع : ذكر
الاقامة : cairo
السيارة: FIAT PUNTO DUAL LOGIC
السيارة[2]: Persona 2009
دراجة بخارية: no
الحالة :
وفيه واحد اسمه موسكو في جسر السويس وهو استاذ بجد وامين جدا اسمع عنه سمعة خير من جروب البونتو على الفيس وده رقمه
01226509000
(( ومن يتق الله يجعل له مخرجا ويرزقه من حيث لا يحتسب ))
رقم العضوية : 25254
تاريخ التسجيل : 15Nov2008
المشاركات : 11,512
النوع : ذكر
الاقامة : القا هره
السيارة: شاهين 1400 /97
السيارة[2]: 516.2008 تيجو2013
دراجة بخارية: دايون 150
الحالة :
انا مستغرب ان لسه في توكيل لفيات
وفي كمان ناس بتودي عربيات تتصين
تقريبا ﻻيوجد ليهم حصه من مبيعات العربيات في مصر
ياتقول كلام في محله يا تقول حلو ياحلو
http:///photos/a.879931698703941.107...370587/?type=1
رقم العضوية : 44291
تاريخ التسجيل : 31Jul2009
المشاركات : 372
النوع : ذكر
الاقامة : الشيخ زايد-6 اكتوبر
السيارة: GOLF MK IV
السيارة[2]: JETTA MK V COMFORTLINE
دراجة بخارية: لا يوجد
الحالة :
باشا روح عند صابر هو شغال في التوكيل وفاتح بره والله انا بعت البونتو وانا زعلان اني مش هاتعامل معاه راجل محترم وفاهم وبيجبلك من الاخر بس نصيحه اوعي تروح عند اي حد غير صابر هو في مدينه نصر بجوار قسم ثاني اما بوابه سكن جامعه الازهر وادعيلي
علي فكره انا غيرت الموتور والفتيس والضفيره لبونتو 2 من نص وكانت حالتها ممتازه ب 2600 جنيه في حد في عزبه شلبي عنده انصاص فيات حديث كتيره
التعديل الأخير تم بواسطة esam_comm ; 24-06-2015 الساعة 01:51 PM سبب آخر: df
رقم العضوية : 172192
تاريخ التسجيل : 21Feb2015
المشاركات : 5
النوع : ذكر
الاقامة : الاسكندريه
السيارة: .
السيارة[2]: fiat punto
الحالة :
رقم العضوية : 157216
تاريخ التسجيل : 11Mar2014
المشاركات : 159
النوع : ذكر
الاقامة : القاهرة
السيارة: فيات بونتو 2000
السيارة[2]: كيا برايد 1997 هاتشباك
الحالة :
مش عارف الواحد يقولك والله
خلينا الاول نقول خلاص قدر الله وما شاء الله فعل وربنا يعوض عليك في الفلوس اللي راحت دي
طبعا الفلوس اللي حضرتك دفعتها دي كنت ممكن اساسا تجيب مكنة استيراد وتسقطها وتخلي المكنة اللي عندك قطع غيار للعربية ...
معلش هو محدش بيتعلم بالساهل بس الرقم اللي حضرتك دفعته ده مرعب بالنسبة لعربية في الفئة السعرية دي
عموما بلاش تروح توكيل تاني وفي كذا واحد متخصص في الفيات الحديث في القاهرة سواء في مدينة نصر او صقر قريش او فيصل ( اللي انا بتعامل معاه من اكتر من سنة )
هقولك تاني رينا يعوض عليك ولو محتاج رقم محمد حامد بتاع فيصل اللي انا بتعامل معاه قولي وانا اوصلك بيه وان شاء الله زي ما بقولك افضل حل ليك تسقط مكنة استيراد وتريح دماغك من القصص دي كلها
Les Misérables
المفضلات